പുതുവർഷാഘോഷം: കലാപരിപാടികളും ഫയർവർക്സും ശ്രദ്ധേയമാകും
text_fieldsമനാമ: ഇതാദ്യമായി പുതുവർഷാഘോഷം കെേങ്കമമാക്കാനുള്ള പുതുമയുള്ള പരിപാടികളുമായി ബഹ്റൈൻ ടൂറിസം അതോറിറ്റി ഒരുങ്ങുന്നു. എല്ലാ പ്രായക്കാരായ കുടുംബാംഗങ്ങൾക്കും ആസ്വാദിക്കാൻ കഴിയുന്ന തരത്തിലുള്ള പരിപാടികളാണ് രൂപകൽപന ചെയ്തിരിക്കുന്നത്. ഫയർവർക്സും പുതുവർഷാഘോഷത്തിന് മാറ്റുകൂട്ടും. ബഹ്റൈൻ ടൂറിസം ആൻഡ് എക്സിബിഷൻ അതോറിറ്റി (ബി.ടി.ഇ.എ) സംഘടിപ്പിക്കുന്ന പരിപാടി ഡിസംബർ 31ന് ബഹ്റൈൻ അവന്യൂസിൽ രാത്രി എട്ടിന് തുടങ്ങും.
മജാസ് മ്യൂസിക്കൽ ബാൻഡിെൻറ ഫ്യൂഷൻ ഫോക്ക് മ്യൂസിക് അവതരിപ്പിച്ചാണ് പരിപാടികൾക്ക് തുടക്കമാകുന്നത്. എ ഡാൻസിങ് ഒാഫ് കളർ, ലൈവ് ഡിജെ തുടങ്ങിയവയും നടക്കും. പുതുവർഷാഘോഷം ആവേശകരമാക്കാനുള്ള പ്രവർത്തനങ്ങൾ പുരോഗമിക്കുന്നതായി ബി.ടി.ഇ.എ ചീഫ് എക്സിക്യൂട്ടിവ് ഓഫിസർ നാദിർ അൽ മൊയ്യിദ് പറഞ്ഞു. ആകർഷണീയമായ പരിപാടികളിൽ ഗൾഫ് രാജ്യങ്ങളിൽനിന്നുള്ള നിരവധി സഞ്ചാരികളെ പ്രതീക്ഷിക്കുന്നതായും അേദ്ദഹം പറഞ്ഞു. പുതുവർഷാഘോഷം പ്രാദേശിക ടൂറിസം മേഖലയെ വികസിപ്പിക്കുകയും എണ്ണ ഇതര വരുമാന മേഖലയുടെ കാര്യക്ഷമതക്ക് കാരണമാകുകയും ചെയ്യുമെന്നും നാദിർ അൽ മൊയ്യിദ് കൂട്ടിച്ചേർത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.