പൗരത്വ ബിൽ ഇന്ത്യയുടെ ബഹുസ്വരത തകർക്കുന്നത് -ഐ.വൈ.സി.സി
text_fieldsമനാമ: ഇന്ത്യൻ യൂത്ത് കൾചറൽ കോൺഗ്രസ് ദേശീയ കമ്മിറ്റിയുടെ ആഭിമുഖ്യത്തിൽ പൗരത്വ ബില്ലിനെതിരെ പ്രവാസി യുവതയുടെ പ്രതിഷേധം എന്ന പേരിൽ സൽമാനിയ കലവറ ഹാളിൽ പ്രതിഷേധ സംഗമം സംഘടിപ്പിച്ചു. രാജ്യത്തിെൻറ ഭരണഘടനയെ അവഗണിച്ച് പാസാക്കിയ പൗരത്വ ഭേദഗതി നിയമം ഇന്ത്യയുടെ ബഹുസ്വരത തകർക്കുന്നതും മതരാഷ്ട്രം ആക്കുന്നതിെൻറ തുടക്കവുമാണെന്നും സംഗമം അഭിപ്രായപ്പെട്ടു.
പ്രസിഡൻറ് ബ്ലസൻ മാത്യു അധ്യക്ഷത വഹിച്ചു. ആക്ടിങ് സെക്രട്ടറി അലൻ ഐസക്ക് സ്വാഗതം പറഞ്ഞു. യൂത്ത് ഇന്ത്യ പ്രസിഡൻറ് യൂനുസ് സലിം മുഖ്യപ്രഭാഷണം നടത്തി. ബഷീർ അമ്പലായി, സോവിച്ചൻ ചെന്നാട്ടുശ്ശേരി, യു.കെ അനിൽകുമാർ, ബേസിൽ നെല്ലി മറ്റം, ഷഫീഖ് കൊല്ലം, ദിലീപ് ബാലകൃഷ്ണൻ എന്നിവർ സംസാരിച്ചു. ഐ.വൈ.സി.സി ട്രഷറർ ഷബീർ മുക്കൻ നന്ദി അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.