ഗോപി സുന്ദര് ലൈവ് സംഗീത മേള വെള്ളിയാഴ്ച ഏഷ്യന് സ്കൂളില്
text_fieldsമനാമ: ശ്രുതി മധുര ഈണങ്ങളുമായി ബഹ്റൈനില് ഗോപി സുന്ദര് ലൈവ് സംഗീത നിശ ഒരുക്കുന്നു. ഫെബ്രുവരി ഏഴിന് വൈകീട്ട് ഏഴരക്ക് ഏഷ്യന് സ്കൂള് ഗ്രൗണ്ടിലാണ് പരിപാടി. പ്രശസ്ത തെ ന്നിന്ത്യന് സംഗീത സംവിധായകന് ഗോപി സുന്ദറിെൻറ നേതൃത്വത്തില് ഗായകരായ ഹരിചരണ്, സിതാര, ജ്യോത്സന, നജീം അര്ഷാദ്, നിരഞ്ജ സുരേഷ്, അഭയ ഹിരണ്മയി, മഖ്ബൂല് മന്സൂര്, ക്രിസ്റ്റകല, കാവ്യ അജിത്, റാല്ഫിന് സ്റ്റീഫന് എന്നിവരാണ് ലൈവ് സംഗീത സന്ധ്യയൊരുക്കുന്നത്. റാമി പ്രൊഡക്ഷന് മിഡില് ഈസ്റ്റാണ് പരിപാടി സംഘടിപ്പിക്കുന്നത്.
ബഹ്റൈനില് ആദ്യമായാണ് ഗോപി സുന്ദറിെൻറ നേതൃത്വത്തില് ഇത്രയും വലിയ ലൈവ് സംഗീത സന്ധ്യ അരങ്ങേറുന്നതെന്ന് പ്രോഗ്രാം ഡയറക്ടര് റഹീം ആതവനാട് വാര്ത്താസമ്മേളനത്തില് അറിയിച്ചു. വിവിധ ഭാഷകളിലെ ഹിറ്റ്-മെലഡി ഗാനങ്ങൾ ഗായകര് അവതരിപ്പിക്കും. 30ഓളം കലാകാരന്മാര് ഇവരോപ്പം പിന്നണിയില് അണിനിരക്കുമെന്നും റഹീം ആതവനാട് പറഞ്ഞു. ടിക്കറ്റുകള് ലുലു ഹൈപ്പര്മാര്ക്കറ്റ്, എന്.ഇ.സി മണി എക്സ്ചേഞ്ച്, ലുലു ഇൻറര്നാഷനല് എക്സ്ചേഞ്ച്, അല്റീഫ് പാന്ഏഷ്യ എന്നിവയുടെ ബഹ്റൈനിലെ എല്ലാ ശാഖകളിലും ലഭിക്കും. വിവരങ്ങള്ക്ക്: 33418411,33863130,33307369.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.