മംഗോളിയന് വിദേശകാര്യ സഹമന്ത്രിയുമായി വിദേശകാര്യ അണ്ടര് സെക്രട്ടറി ചര്ച്ച നടത്തി
text_fieldsമനാമ: ബഹ്റൈന് സന്ദര്ശനത്തിനെത്തിയ മംഗോളിയന് വിദേശകാര്യ സഹമന്ത്രി ഡവാസോറി ന് ഡാംഡിന്സോറിനെ ബഹ്റൈന് വിദേശകാര്യ മന്ത്രാലയ അണ്ടര് സെക്രട്ടറി ഡോ. ശൈഖ് അബ്ദുല്ല ബിന് അഹ്മദ് ആല് ഖലീഫ സ്വീകരിച്ച് ചര്ച്ച നടത്തി. ബഹ്റൈനും മംഗോളിയയും തമ്മില് നിലനില്ക്കുന്ന ബന്ധം സുദൃഢമാക്കാന് ഇത്തരം സന്ദര്ശനങ്ങള് വഴിയൊരുക്കുമെന്ന് ശൈഖ് അബ്ദുല്ല പറഞ്ഞു.
വിവിധ മേഖലകളില് മംഗോളിയ കൈവരിച്ച നേട്ടങ്ങളും പുരോഗതിയും ആശാവഹമാണെന്നും അദ്ദേഹം വിലയിരുത്തി. വിവിധ മേഖലകളിലുള്ള സഹകരണം വ്യാപിപ്പിക്കാന് സന്ദര്ശനത്തിലൂടെ സാധ്യമാകുമെന്ന് പ്രതീക്ഷിക്കുന്നതായി ഡവാസോറിന് വ്യക്തമാക്കി. തനിക്ക് നല്കിയ ഊഷ്മള സ്വീകരണത്തിന് അദ്ദേഹം അണ്ടര് സെക്രട്ടറിക്ക് പ്രത്യേകം നന്ദി പ്രകാശിപ്പിക്കുകയും ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.