കോവിഡ്​: ബഹ്ഒ​റൈനിൽ രാൾകൂടി മരിച്ചു

മനാമ: ബഹ്​റൈനിൽ കോവിഡ്​ ബാധിച്ച്​ ചികിത്സയിൽ കഴിഞ്ഞ ഒരാൾകൂടി മരിച്ചു. 80 വയസ്സുള്ള ബഹ്​റൈൻ സ്വദേശിയാണ്​ മരിച്ചത്​. ഇതോടെ രാജ്യത്ത്​ മരിച്ചവരുടെ എണ്ണം ഒമ്പതായി.അതിനിടെ,  295 പേർക്ക്​ കൂടി പുതുതായി കോവിഡ്​ സ്​ഥിരീകരിച്ചു.

ഇവരിൽ 181 പേർ വിദേശ തൊഴിലാളികളാണ്​. 113 പേർക്ക്​ സമ്പർക്കത്തിലൂടെയാണ്​ രോഗം പകർന്നത്​. പുതുതായി 40 പേർ സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. നിലവിൽ 3330 പേരാണ്​ ചികിത്സയിൽ കഴിയുന്നത്​. ഇവരിൽ അഞ്ച്​ പേരുടെ നില ഗുരുതരമാണ്​. 2192 പേരാണ്​ ഇതുവരെ രോഗമുക്​തി നേടിയത്​.