ബ​ഹ്​​റൈ​ൻ-​ബ്രി​ട്ട​ൻ ബ​ന്ധം ദൃ​ഢം; കിരീടാവകാശി ബ്രിട്ടീഷ്​ പ്രധാനമന്ത്രിയെ സന്ദർശിച്ചു

മ​നാ​മ: ബ​ഹ്​​റൈ​നും ബ്രി​ട്ട​നും ത​മ്മി​ലെ ബ​ന്ധം ഊ​ട്ടി​യു​റ​പ്പി​ച്ച്​ കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ ​പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ ബ്രി​ട്ട​ൻ സ​ന്ദ​ർ​ശ​നം. 200ല​ധി​കം വ​ർ​ഷ​മാ​യി നി​ല​നി​ൽ​ക്കു​ന്ന ശ​ക്ത​മാ​യ ബ​ന്ധം കൂ​ടു​ത​ൽ മേ​ഖ​ല​ക​ളി​ലേ​ക്ക്​ വ​ള​രു​ന്ന​ത് സ​ന്തോ​ഷ​ക​ര​മാ​ണെ​ന്ന്​ ബ്രി​ട്ടീ​ഷ്​ പ്ര​ധാ​ന​മ​ന്ത്രി കെ​യ്ർ സ്റ്റാ​ർ​മ​റു​മാ​യി ന​ട​ത്തി​യ കൂ​ടി​ക്കാ​ഴ്ച​യി​ൽ കി​രീ​ടാ​വ​കാ​ശി വ്യ​ക്ത​മാ​ക്കി. ബ്രി​ട്ടീ​ഷ്​ പ്ര​ധാ​ന​മ​ന്ത്രി​യു​ടെ ആ​സ്ഥാ​ന​മാ​യ ഡൗ​ണി​ങ്​ സ്​​ട്രീ​റ്റ്​ 10ൽ ​ന​ട​ന്ന കൂ​ടി​ക്കാ​ഴ്ച​യി​ലും ച​ർ​ച്ച​യി​ലും വി​വി​ധ മേ​ഖ​ല​ക​ളി​ൽ സ​ഹ​ക​ര​ണം വ്യാ​പി​പ്പി​ക്കു​ന്ന​തി​നും ബ​ന്ധ​ങ്ങ​ൾ ശ​ക്ത​മാ​ക്കു​ന്ന​തി​നു​മു​ള്ള ആ​ശ​യ​ങ്ങ​ൾ പ​ങ്കു​വെ​ച്ചു.

രാ​ജാ​വ്​ ഹ​മ​ദ്​ ബി​ൻ ഈ​സ ആ​ൽ ഖ​ലീ​ഫ​യു​ടെ ഭ​ര​ണാ​ധി​കാ​ര​ത്തി​ൽ ബ​ഹ്​​റൈ​ൻ കൈ​വ​രി​ച്ച നേ​ട്ട​ങ്ങ​ൾ അ​സൂ​യാ​ർ​ഹ​മാ​ണെ​ന്ന്​ കെ​യ്ർ സ്റ്റാ​ർ​മ​ർ ചൂ​ണ്ടി​ക്കാ​ട്ടി. നേ​താ​ക്ക​ളു​ടെ പ​ര​സ്പ​ര സ​ന്ദ​ർ​ശ​നം ബ​ന്ധ​ങ്ങ​ൾ ക​രു​ത്തു​റ്റ​താ​ക്കാ​ൻ സാ​ധി​ക്കു​മെ​ന്നും ഈ​യ​ർ​ഥ​ത്തി​ലു​ള്ള പ്രി​ൻ​സ്​ സ​ൽ​മാ​ൻ ബി​ൻ ഖ​ലീ​ഫ ആ​ൽ ഖ​ലീ​ഫ​യു​ടെ സ​ന്ദ​ർ​ശ​നം ഏ​റെ ആ​ഹ്ലാ​ദ​ക​ര​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. മേ​ഖ​ല​യി​ലെ​യും അ​ന്താ​രാ​ഷ്ട്ര ത​ല​ത്തി​ലെ​യും വി​വി​ധ വി​ഷ​യ​ങ്ങ​ളും അ​റ​ബ്​ മേ​ഖ​ല​യി​ലെ സ​മാ​ധാ​ന വ​ഴി​ക​ളും ച​ർ​ച്ച​യാ​യി. മേ​ഖ​ല​യി​ൽ സ​മാ​ധാ​നം സ്ഥാ​പി​ക്കാ​ൻ ബ്രി​ട്ട​ൻ പോ​ലു​ള്ള രാ​ജ്യ​ങ്ങ​ളു​ടെ ശ​ക്ത​മാ​യ ഇ​ട​പെ​ട​ൽ അ​നി​വാ​ര്യ​മാ​ണെ​ന്നും കി​രീ​ടാ​വ​കാ​ശി ചൂ​ണ്ടി​ക്കാ​ട്ടി. ലോ​ക​ത്ത്​ സ​മാ​ധാ​ന​പൂ​ർ​ണ​മാ​യ അ​ന്ത​രീ​ക്ഷം സാ​ധ്യ​മാ​ക്കാ​ൻ ന​യ​ത​ന്ത്ര​പൂ​ർ​വ​മാ​യ ഇ​ട​പെ​ട​ലു​ക​ളും സ​മീ​പ​ന​ങ്ങ​ളും ആ​വ​ശ്യ​മാ​ണെ​ന്ന്​ ഇ​രു​നേ​താ​ക്ക​ളും അ​ഭി​പ്രാ​യ​പ്പെ​ട്ടു.

ധ​ന​കാ​ര്യ മ​ന്ത്രി ശൈ​ഖ്​ സ​ൽ​മാ​ൻ ബി​ൻ ഖ​ലീ​ഫ ആ​ൽ ഖ​ലീ​ഫ, ബ്രി​ട്ട​നി​ലെ ബ​ഹ്​​റൈ​ൻ അം​ബാ​സ​ഡ​ർ ശൈ​ഖ്​ ഫ​വാ​സ്​ ബി​ൻ മു​ഹ​മ്മ​ദ്​ ആ​ൽ ഖ​ലീ​ഫ, പ്ര​ധാ​ന​മ​ന്ത്രി​യു​ടെ ഓ​ഫി​സ്​ ഡ​യ​റ​ക്​​ട​ർ ഹ​മ​ദ്​ ബി​ൻ യ​അ്​​ഖൂ​ബ്​ അ​ൽ മ​ഹ്​​മീ​ദ്​ എ​ന്നി​വ​രും കൂ​ടി​ക്കാ​ഴ്ച​യി​ൽ സ​ന്നി​ഹി​ത​രാ​യി​രു​ന്നു.