കോവിഡ്​: ബഹ്​റൈനിൽ ഒരു മരണം കൂടി

മനാമ: ബഹ്​റൈനിൽ കോവിഡ്​ ബാധിച്ച്​ ചികിത്സയിൽ കഴിഞ്ഞ ഒരാൾ കൂടി മരിച്ചു. 84 വയസുള്ള സ്വദേശി വനിതയാണ്​ മരിച്ചത്​. ഇവർക്ക്​ മറ്റ്​ അസുഖങ്ങൾ ഉണ്ടായിരുന്നതായി ആരോഗ്യ മന്ത്രാലയം അറിയിച്ചു. ഇതോടെ രാജ്യത്തെ മരണ സംഖ്യ 29 ആയി. ചൊവ്വാഴ്​ച പുതുതായി 314 പേർക്ക്​ കൂടി കോവിഡ്​ സ്​ഥിരീകരിച്ചു. ഇവരിൽ 169 പേർ ​പ്രവാസികളാണ്​. 136 പേർക്ക്​ സമ്പർക്കത്തിലൂടെയാണ്​ രോഗം പകർന്നത്​. നിലവിൽ 5096 പേരാണ്​ ചികിത്സയിൽ കഴിയുന്നത്​. 280 പേർ കൂടി സുഖം പ്രാപിച്ചതോടെ രോഗമുക്​തി നേടിയവരുടെ എണ്ണം 10606 ആയി ഉയർന്നു.