ബഹ്​റൈനിൽ 24 പേർക്കുകൂടി രോഗമുക്​തി

മനാമ: ബഹ്​റൈനിൽ കോവിഡ്​ -19 ബാധിച്ച്​ ചികിത്സയിലായിരുന്നവരിൽ 24 പേർകൂടി രോഗ മുക്​തി നേടി. ഇതുവരെ 149 പേരാണ്​ രാജ്യത്ത്​ സുഖം പ്രാപിച്ചത്​. അതിനിടെ, 23 പേർക്കുകുടി രോഗം സ്​ഥിരീകരിച്ചു.

നിലവിൽ 183 പേരാണ്​ ചികിത്സയിലുള്ളത്​. ഇവരിൽ നാല്​ ​പേരുടെ നില ഗുരുതരമാണ്​. മറ്റുള്ളവരുടെ ആരോഗ്യനില തൃപ്​തികരമാണെന്ന്​ ആരോഗ്യമന്ത്രാലയം അറിയിച്ചു. 22873 പേരെയാണ്​ രാജ്യത്ത്​ പരിശോധനക്ക്​ വിധേയരാക്കിയത്​.