ബ​ഹ്‌​റൈ​ൻ ജീ​നോം പ്രോ​ഗ്രാം: 85 ശ​ത​മാ​നം ല​ക്ഷ്യം നേ​ടി

മ​നാ​മ: ബ​ഹ്‌​റൈ​ൻ ജീ​നോം പ്രോ​ഗ്രാ​മി​ന്റെ ഭാ​ഗ​മാ​യി 42,000ത്തി​ല​ധി​കം സാ​മ്പി​ളു​ക​ൾ ശേ​ഖ​രി​ച്ചു​ക​ഴി​ഞ്ഞെ​ന്ന് നാ​ഷ​ന​ൽ ജീ​നോം സെ​ന്റ​റി​ലെ ഡോ. ​ഫാ​ത്തി​മ മ​ർ​ഹൂ​ൺ. പ്രോ​ഗ്രാം ല​ക്ഷ്യ​മി​ട്ട​തി​ന്റെ 85 ശ​ത​മാ​ന​വും എ​ത്തി​ക്ക​ഴി​ഞ്ഞെ​ന്നും സാ​ഖി​റി​ൽ ന​ട​ന്ന മ​നാ​മ ഹെ​ൽ​ത്ത് കോ​ൺ​ഗ്ര​സി​ന്റെ​യും എ​ക്‌​സ്‌​പോ അ​റ്റ് എ​ക്‌​സി​ബി​ഷ​ൻ വേ​ൾ​ഡി​ന്റെ​യും സ​മാ​പ​ന​ദി​ന​ത്തി​ൽ അ​വ​ർ പ​റ​ഞ്ഞു. ജീ​നോം പ്രോ​ജ​ക്ടു​ള്ള ഏ​ക​ദേ​ശം 25 രാ​ജ്യ​ങ്ങ​ളി​ൽ ഒ​ന്നാ​ണ് ബ​ഹ്‌​റൈ​ൻ എ​ന്നും അ​ടു​ത്ത വ​ർ​ഷാ​വ​സാ​ന​ത്തോ​ടെ പ​ദ്ധ​തി പൂ​ർ​ത്തി​യാ​കു​മെ​ന്നും ‘ജീ​നോം മാ​പ്പി​ങ് ഇ​ൻ ബ​ഹ്‌​റൈ​ൻ’ വി​ഷ​യ​ത്തി​ൽ സം​സാ​രി​ക്ക​വെ മ​ർ​ഹൂ​ൺ പ​റ​ഞ്ഞു.

സു​പ്രീം കൗ​ൺ​സി​ൽ ഓ​ഫ് ഹെ​ൽ​ത്ത് ചെ​യ​ർ​മാ​ൻ ലെ​ഫ്റ്റ​ന​ന്റ് ജ​ന​റ​ൽ ഡോ. ​ശൈ​ഖ് മു​ഹ​മ്മ​ദ് ബി​ൻ അ​ബ്ദു​ല്ല ആ​ൽ ഖ​ലീ​ഫ, നാ​ഷ​ന​ൽ ഹെ​ൽ​ത്ത് റെ​ഗു​ലേ​റ്റ​റി അ​തോ​റി​റ്റി ചീ​ഫ് എ​ക്സി​ക്യൂ​ട്ടി​വ് ഡോ. ​മ​റി​യം അ​ൽ ജ​ലാ​ഹ്മ എ​ന്നി​വ​രും സ​ന്നി​ഹി​ത​രാ​യി​രു​ന്നു. ജീ​നോം പ്രോ​ഗ്രാം നൂ​ത​ന​മാ​യ വ്യ​ക്തി​ഗ​ത മെ​ഡി​സി​നും ആ​രോ​ഗ്യ​സം​ര​ക്ഷ​ണ രീ​തി​ക​ൾ​ക്കും വ​ഴി​യൊ​രു​ക്കു​മെ​ന്ന് ഡോ. ​മ​ർ​ഹൂ​ൺ ചൂ​ണ്ടി​ക്കാ​ട്ടി. മ​നു​ഷ്യ ജീ​നോം സീ​ക്വ​ൻ​സി​ങ്ങി​നാ​യി അ​ത്യാ​ധു​നി​ക സം​വി​ധാ​നം സ്ഥാ​പി​ച്ച മി​ഡി​ലീ​സ്റ്റി​ലെ ആ​ദ്യ​ത്തെ രാ​ജ്യ​മാ​ണ് ബ​ഹ്‌​റൈ​ൻ. ആ​രോ​ഗ്യ മേ​ഖ​ല​യി​ലെ ഏ​റ്റ​വും പു​തി​യ സാ​ങ്കേ​തി​ക പ്ര​വ​ണ​ത​ക​ൾ ഉ​പ​യോ​ഗ​പ്പെ​ടു​ത്തു​ന്ന​തി​നും നാ​ഷ​ന​ൽ ജീ​നോം സെ​ന്റ​ർ വി​ക​സി​പ്പി​ക്കു​ന്ന​തി​നു​മു​ള്ള ശ്ര​മ​ത്തി​ന്റെ ഭാ​ഗ​മാ​യി ആ​ധു​നി​ക​സം​വി​ധാ​നം ഒ​രു​ക്കി​യി​രു​ന്നു. 2018ലാ​ണ് ബ​ഹ്‌​റൈ​നി​ൽ ദേ​ശീ​യ ജീ​നോം പ്രോ​ജ​ക്ട് ആ​രം​ഭി​ച്ച​ത്.

ആ​രോ​ഗ്യ​മേ​ഖ​ല​യി​ലെ ന​വീ​ന​മാ​യ സ​​ങ്കേ​ത​ങ്ങ​ളും ശാ​സ്ത്രീ​യ ക​ണ്ടു​പി​ടി​ത്ത​ങ്ങ​ളും ഉ​പ​യോ​ഗി​ച്ച് രാ​ജ്യ​ത്തെ ആ​രോ​ഗ്യ​സേ​വ​ന​ങ്ങ​ളു​ടെ ഗു​ണ​നി​ല​വാ​രം മെ​ച്ച​പ്പെ​ടു​ത്താ​നും ജ​നി​ത​ക രോ​ഗ​ങ്ങ​ൾ ത​ട​യു​ന്ന​തി​നു​മാ​യു​ള്ള ഗ​വേ​ഷ​ണ​ങ്ങ​ൾ ല​ക്ഷ്യ​മി​ട്ടാ​ണ് നാ​ഷ​ന​ൽ ജീ​നോം സെ​ന്റ​ർ സ്ഥാ​പി​ച്ച​ത്. ജീ​ൻ സാ​മ്പി​ളു​ക​ൾ ശേ​ഖ​രി​ക്കു​ക​യും അ​ത് വി​ശ​ക​ല​നം ചെ​യ്യു​ക​യും ചെ​യ്യു​ന്ന​തു​വ​ഴി രോ​ഗ​കാ​രി​ക​ളാ​യ ജീ​നു​ക​ളെ വ്യ​വ​ച്ഛേ​ദി​ച്ച് മ​ന​സ്സി​ലാ​ക്കാ​നും പ​ഠി​ക്കാ​നു​മു​ള്ള അ​വ​സ​ര​മാ​ണ് ശാ​സ്ത്ര​സ​മൂ​ഹ​ത്തി​ന് കൈ​വ​ന്ന​ത്.

ജ​നി​ത​ക രോ​ഗ​സാ​ധ്യ​ത​ക​ൾ മു​ൻ​കൂ​ട്ടി അ​റി​യാ​നും അ​ത് ത​ട​യാ​നും വൈ​ദ്യ​സ​മൂ​ഹ​ത്തി​ന് നാ​ഷ​ന​ൽ ജീ​നോം സെ​ന്റ​റി​ന്റെ സ​ഹാ​യ​ത്തോ​ടെ ക​ഴി​യും. ജ​നി​ത​ക രോ​ഗ​ങ്ങ​ൾ ത​ട​യു​ന്ന​തി​നും അ​വ​യു​ടെ ചി​കി​ത്സ​ക്കു​മു​ള്ള ഫ​ല​പ്ര​ദ​മാ​യ മ​രു​ന്നു​ക​ൾ വി​ക​സി​പ്പി​ക്കു​ന്ന​തി​നും ഇ​ത് സ​ഹാ​യി​ക്കും. മ​നു​ഷ്യ​ശ​രീ​ര​വു​മാ​യി ബ​ന്ധ​പ്പെ​ട്ട മു​ഴു​വ​ൻ ജ​നി​ത​ക വി​വ​ര​ങ്ങ​ളും ജീ​നു​ക​ളി​ലാ​ണ് അ​ട​ങ്ങി​യി​രി​ക്കു​ന്ന​ത്. ജീ​നു​ക​ളു​ടെ വി​ശ​ക​ല​നം വ​ഴി വ്യ​ക്തി​യു​ടെ ജ​നി​ത​ക ഘ​ട​ന​ക്ക് അ​നു​യോ​ജ്യ​മാ​യ രോ​ഗ​നി​ർ​ണ​യ രീ​തി​ക​ളും മ​രു​ന്നു​ക​ളും വി​ക​സി​പ്പി​ക്കാ​നും സാ​ധി​ക്കും. ഓ​രോ വ്യ​ക്തി​യു​ടെ​യും ജ​നി​ത​ക സ​വി​ശേ​ഷ​ത​യ​നു​സ​രി​ച്ചു​ള്ള ‘വ്യ​ക്തി​ഗ​ത മ​രു​ന്ന്’ വി​ക​സി​പ്പി​ച്ചെ​ടു​ക്കു​ക​യും സെ​ന്റ​റി​ന്റെ ല​ക്ഷ്യ​മാ​ണ്.