അറബ്​ ഉച്ചകോടി സ്​മരണക്കായി തപാൽ സ്റ്റാമ്പിറക്കി ബഹ്​റൈൻ

മനാമ: ബഹ്​റൈനിൽ നടക്കുന്ന 33ാമത്​ അറബ്​ ഉച്ചകോടിയുടെ സ്​മരണക്കായി ബഹ്​റൈൻ തപാൽ​ സ്റ്റാമ്പ് പുറത്തിറക്കി. ഉച്ചകോടി നടക്കുന്ന സഖീർ പാസലിന്‍റെ ചിത്രവും അറബ്​ ഉച്ചകോടിയുടെ ലോഗോയും ചേർത്താണ്​ സ്റ്റാമ്പ്​ രൂപകൽപന ചെയ്തിട്ടുള്ളത്​. ആദ്യമായി ബഹ്​റൈനിൽ നടക്കുന്ന അറബ്​ ഉച്ചകോടിയെ ചരിത്രത്തിൽ അടയാളപ്പെടുത്തുന്നതിന്​ വേണ്ടിയാണ്​ സ്റ്റാമ്പ്​ ഇറക്കുന്നതെന്ന്​ ബഹ്​റൈൻ പോസ്റ്റൽ​ വൃത്തങ്ങൾ വ്യക്​തമാക്കി.

500 ഫിൽസിന്‍റെ 10 സ്​റ്റാമ്പുകൾ​ അഞ്ച്​ ദിനാറിന്​ രാജ്യത്തെ മുഴുവൻ പോസ്റ്റ്​ ഓഫിസുകളിലും ലഭിക്കും. സ്റ്റാമ്പ്​ ഇറക്കുന്നതിന്‍റെ ആദ്യ ദിവസം കവറോടു കൂടി ഒരു ദിനാറിനായിരിക്കും നൽകുക.