അറബ് ഉപഭോക്തൃ സംരക്ഷണ ദിനാചരണത്തിന് ബഹ്റൈൻ ആതിഥ്യമരുളും
text_fieldsമനാമ: അറബ് ഉപഭോക്തൃ സംരക്ഷണദിനവുമായി ബന്ധപ്പെട്ട പരിപാടികൾക്ക് ഇക്കുറി ബഹ്റൈൻ ആതിഥ്യമരുളും. രണ്ടാമത് അറബ് ഉപഭോക്തൃ സംരക്ഷണ ദിനാചരണമാണ് ഇന്ന് ബഹ്റൈനിൽ നടക്കുക. ‘അറബ് സ്ത്രീകളും ഉപഭോക്തൃസംരക്ഷണവും’ എന്നതാണ് ഇപ്രാവശ്യത്തെ പ്രമേയം. അറബ് ലീഗ് സെക്രട്ടേറിയറ്റിന്റെ പിന്തുണയോടെ നടക്കുന്ന പരിപാടി വാണിജ്യ, വ്യവസായ മന്ത്രാലയത്തിലെ ഉപഭോക്തൃ സംരക്ഷണ വിഭാഗമാണ് സംഘടിപ്പിക്കുന്നത്. ഉപഭോക്തൃ സംരക്ഷണ മേഖലയിൽ പ്രവർത്തിച്ചുകൊണ്ടിരിക്കുന്ന ജി.സി.സി രാഷ്ട്രങ്ങളിൽ നിന്നുള്ള നിയമവിഗദ്ധർ, അക്കാദമീഷ്യർ, സാങ്കേതിക മേഖലയിലെ പ്രമുഖർ തുടങ്ങിയവർ പരിപാടിയിൽ സംബന്ധിക്കുന്നുണ്ട്.
ഉപഭോക്താക്കളുടെ അവകാശങ്ങൾ സംരക്ഷിക്കുന്നതിൽ ബഹ്റൈൻ ഏറെ മുൻപന്തിയിലാണെന്നും ഇപ്രാവശ്യം അറബ് ലീഗിന് കീഴിൽ നടക്കുന്ന പരിപാടിക്ക് ആതിഥ്യമരുളാൻ കഴിഞ്ഞതിൽ ഏറെ സന്തോഷമുണ്ടെന്നും വാണിജ്യ, വ്യവസായ മന്ത്രാലയ വൃത്തങ്ങൾ വ്യക്തമാക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.