ബഹ്​റൈൻ ഇന്ത്യൻ സ്​കൂൾ തെരഞ്ഞെടുപ്പിന്​ ഇനി ഒരാഴ്​ച മാത്രം

മനാമ: പ്രവാസികളുടെ അഭിമാന സ്​ഥാപനമായ ബഹ്​റൈൻ ഇന്ത്യൻ സ്‌കൂൾ തെരഞ്ഞെടുപ്പിലേക്കുള്ള പത്രികാസമർപ്പണം പൂർത്തിയായി. ​ ഡിസംബർ എട്ടിനാണ്​ തെരഞ്ഞെടുപ്പ്​. അതായത്​, ഇനി കൃത്യം ഒരാഴ്​ച. 2017-2020 വർഷത്തേക്കുള്ള ഭരണസമിതിയാണ്​ ഇൗ തെരഞ്ഞെടുപ്പിലൂടെ അധികാരത്തിൽ വരിക. ഡിസംബർ എട്ടിന്​ ചേരുന്ന ജനറൽ ബോഡിക്ക്​ ശേഷമായിരിക്കും വോട്ടെടുപ്പ്.വീണ അറോറ,മുഹമ്മദ് ഗൗസ്, മുഹമ്മദ് സലിം, ലെനി പി. മാത്യു, തോമസ് മത്തായി എന്നിവരെ തെരെഞ്ഞെടുപ്പ് പ്രവർത്തനങ്ങൾക്കായി ചുമതലപ്പെടുത്തിയിട്ടുണ്ട്​. ഇന്നലെ സ്​കൂളിൽ സ്​ഥാനാർഥികൾ മുമ്പാകെ തെരഞ്ഞെടുപ്പ്​ ഒാഫീസർമാർ തെരഞ്ഞെടുപ്പി​​​െൻറ നടപടി ക്രമങ്ങൾ വിശദീകരിച്ചു.ഇതിൽ 31 പേർ പ​െങ്കടുത്തു.സ്​ഥാനാർഥികൾക്ക്​ പെരുമാറ്റ ചട്ടത്തി​​​െൻറ പകർപ്പ്​ നൽകി. രക്ഷിതാക്കളുടെ പേരുവിവരങ്ങളും കാമ്പയിനായി കൈമാറി. ഇത്​ മറ്റ്​ ആവശ്യങ്ങൾക്ക്​ ഉപയോഗിക്കില്ലെന്ന സത്യവാങ്​മൂലം സ്​ഥാനാർഥികളിൽ നിന്ന്​ വാങ്ങിയിട്ടുണ്ട്​.  

നവംബർ 27ഉച്ച രണ്ടുമണിവരെയായിരുന്നു പത്രികകൾ സമർപ്പിക്കാനുള്ള സമയം. നവംബർ 28ന്​ വൈകീട്ട് ആറുവരെ പത്രികകൾ നോട്ടിസ് ബോർഡിൽ പ്രദർശിപ്പിച്ചിരുന്നു. 29ന്​ ഉച്ച രണ്ടുമണി വരെ പത്രികകൾ പിൻവലിക്കാൻ സാവകാശം നൽകിയിരുന്നു. 
29നാണ്​ അന്തിമ പട്ടിക പ്രസിദ്ധീകരിച്ചത്​. ഇതനുസരിച്ച്​, രണ്ട്​ ഡമ്മി സ്​ഥാനാർഥികൾ പത്രിക പിൻവലിച്ചിട്ടുണ്ട്​. ശേഷിക്കുന്ന 32 പേർ മത്സര രംഗത്തുണ്ട്. അഞ്ച്​ കൂട്ടായ്​മകളാണ്​ മത്സര രംഗത്തുള്ളതെങ്കിലും പ്രധാനമായും പ്രിൻസ്​ നടരാജ​​​െൻറ നേതൃത്വത്തിലുള്ള പി.പി.എ, ഫ്രാൻസിസ്​ കൈതാരത്തി​​​െൻറ നേതൃത്വത്തിലുള്ള യു.പി.എ, അജയകൃഷ്​ണൻ നേതൃത്വം നൽകുന്ന യു. പി.പി എന്നീ പാനലുകൾ തമ്മിലാണ്​ മത്സരം. മറ്റൊരു ഗ്രൂപ്പിന്​ രാഖി ജനാർദനൻ ആണ്​ നേതൃത്വം നൽകുന്നത്​. തമിഴ്​ കൂട്ടായ്​മയുടെ ഒരു പാനലും രംഗത്തുണ്ട്. ഡിസംബർ എട്ടിന്​ രാത്രിയോടെ ഫലം അറിയും. ചെയർമാൻ,വൈസ് ചെയർമാൻ, സെക്രട്ടറി, അസി.സെക്രട്ടറി, മൂന്ന് ബോർഡ് അംഗങ്ങൾ, സ്​റ്റാഫ് പ്രതിനിധി, തുടർച്ച അംഗം, മന്ത്രാലയം പ്രതിനിധി, പ്രിൻസിപ്പൽ എന്നിങ്ങനെ 11 പേർ അടങ്ങിയതാണ് സ്‌കൂൾ ഭരണ സമിതി.ഇതിൽ മന്ത്രാലയം അംഗം, സ്​റ്റാഫ് പ്രതിനിധി, പ്രിൻസിപ്പൽ, തുടർച്ച അംഗം എന്നിവർ ഒഴികെ ബാക്കി ഏഴുപേരെയാണ്​ വോട്ടിങ്ങിലൂടെ തെരഞ്ഞെടുക്കുക. 

ഡിസംബർ എട്ടിന്​ രാവിലെ എട്ടു മണിക്ക് ജനറൽ ബോഡി ആരംഭിക്കും. നിലവിലെ കമ്മിറ്റിയുടെ പ്രവർത്തന റിപ്പോർട്ട് വായിക്കൽ, കഴിഞ്ഞ ജനറൽ ബോഡിയിലെ മിനുട്​സ്​ അംഗീകരിക്കൽ, അക്കാദമിക് റിപ്പോർട്ട് വായന, പ്രധാന കരാറുകൾ അംഗീകരിക്കൽ, സ്‌കൂൾ ഭരണഘടന മാറ്റം തുടങ്ങി 11 ഓളം അജണ്ടകളാണ് ജനറൽ ബോഡിയിൽ ഉൾപ്പെടുത്തിയിട്ടുള്ളത്.രക്ഷിതാക്കൾക്ക് ജനറൽ ബോഡിയിൽ സംബന്ധിക്കുന്നതിനായി ബഹ്​റൈ​​​െൻറ എല്ലാ ഭാഗത്തുനിന്നും ബസ് സൗകര്യം ഏർപ്പെടുത്തിയിട്ടുണ്ട്. വാർഷിക മെമ്പർഷിപ്പ് അടച്ചിട്ടുള്ള രക്ഷിതാക്കൾക്ക് മാത്രമേ തെരെഞ്ഞെടുപ്പിൽ വോട്ട് ചെയ്യാൻ അധികാരമുണ്ടായിരിക്കുകയുള്ളൂ.

തെരെഞ്ഞെടുപ്പ് രഹസ്യ ബാലറ്റിലൂടെയാണ്​ നടക്കുക. സി.പി.ആർ, സ്‌കൂൾ അംഗത്വ നമ്പർ തുടങ്ങിയവ രക്ഷിതാക്കൾ തെരെഞ്ഞെടുപ്പിനു വരുമ്പോൾ കരുതണം. ഇന്ത്യൻ സ്​കൂൾ ഭരണം പിടിക്കാ​നുള്ള തയാറെടുപ്പുകൾ വിവിധ കൂട്ടായ്​മകളുടെ നേതൃത്വത്തിൽ മാസങ്ങൾക്ക്​ മു​േമ്പ തുടങ്ങിയിട്ടുണ്ട്​. കഴിഞ്ഞ മാസത്തോടെ ഇത്​ സജീവമായി. 

തെരഞ്ഞെടുപ്പ്​ വിജ്​ഞാപനം വന്ന ശേഷം തങ്ങൾ ചിട്ടയായ പ്രവർത്തനമാണ്​ നടത്തുന്നതെന്ന്​ പി.പി.എ തെരഞ്ഞെടുപ്പ്​ കമ്മിറ്റി കൺവീനർ എസ്​.വി.ബഷീർ ‘ഗൾഫ്​ മാധ്യമ’ത്തോട്​ പറഞ്ഞു. സ്​ക്വാഡ്​ വർക്കിലാണ്​ ശ്രദ്ധ കേന്ദ്രീകരിക്കുന്നത്​. കോർണർ മീറ്റിങ്​ കഴിഞ്ഞ ദിവസം തുടങ്ങി. ഹൂറയിൽ നടന്ന യോഗത്തിൽ 200 ഒാളം പേർ പ​െങ്കടുത്തു. ആറിന്​ പ്രചാരണത്തി​​​െൻറ ഫിനാലെ നടക്കും. സൽമാനിയ മെർമറിസ്​ ഹാളിലാണ്​ ഫിനാ​െല നടക്കുന്നത്​. രക്ഷിതാക്കളിൽ നിന്ന്​ മികച്ച പ്രതികരണമാണ്​ ലഭിക്കുന്നത്​. പ്രിൻസ്​ നടരാജ​​​െൻറ നേതൃത്വത്തിലുള്ള ഭരണതുടർച്ചയാണ്​ അവർ ആഗ്രഹിക്കുന്നതെന്നും തങ്ങളുടെ പാനൽ മികച്ച വിജയം നേടുമെന്നും എസ്​.വി.ബഷീർ പറഞ്ഞു.

ബസ്​ സ്​റ്റോപ്​ കാമ്പയിനും കോർണർ മീറ്റിങ്ങുകളുമായി തങ്ങൾ പ്രചാരണത്തിൽ മുന്നേറിയതായി യു.പി.എ തെരഞ്ഞെടുപ്പ്​ കമ്മിറ്റി കൺവീനർ ഇ.കെ.പ്രദീപൻ പറഞ്ഞു. ഹൂറ, റിഫ, മനാമ, ഹിദ്ദ്​, സിംസ്​ കോർണർ മീറ്റിങ്ങുകൾ ഇതിനകം പൂർത്തിയാക്കിയിട്ടുണ്ട്​. ഇൗ മാസം ആറിന്​ കെ.സി.എയിൽ നടക്കുന്ന ഫിനാലെയിൽ 1000പേരെങ്കിലും പ​െങ്കടുക്കുമെന്നാണ്​ കരുതുന്നത്​. ഫ്രാൻസിസ്​ കൈതാരത്ത്​ നയിക്കുന്ന പാനൽ മികച്ച വിജയം നേടുമെന്ന്​ അദ്ദേഹം അഭിപ്രായപ്പെട്ടു.
   ഗൃഹ സന്ദർശനത്തിനാണ്​ തങ്ങളുടെ പാനൽ മുൻതൂക്കം കൊടുക്കുന്നതെന്ന്​ യു.പി.പി തെരഞ്ഞെടുപ്പ്​ കൺവീനർ രാജ്​ലാൽ തമ്പാൻ പറഞ്ഞു. ഫോൺ കാമ്പയിനി​​​െൻറ ഒന്നാം ഘട്ടം ഇതിനകം പൂർത്തിയാക്കി. പതിനായിരത്തോളം പേരെ വിളിച്ചു. ആറിന്​ ബാങ്​ സാങ്​ തായ്​ റെസ്​റ്റോറൻറ്​ ഹാളിൽ ഫിനാലെ നടക്കും. 
യു.പി.പിയുടെ ആറുവർഷത്തെ ഭരണ നേട്ടങ്ങളാണ്​ പ്രചാരണത്തിൽ അവതരിപ്പിക്കുന്നത്​. ആരോപണങ്ങളിൽ കേന്ദ്രീകരിച്ചുള്ള പ്രചാരണം നടത്തുന്നില്ലെന്നും അദ്ദേഹം പറഞ്ഞു. 

യു.പി.പി, പി.പി.എ എന്നീ പാനലുകളിലായി നടന്ന കഴിഞ്ഞ തവണത്തെ മത്സത്തിൽ നിന്ന്​ വിഭിന്നമായുള്ള കൂട്ടുകെട്ടുകളും സഖ്യങ്ങളുമാണ്​ ഇത്തവണ ഉരുത്തിരിഞ്ഞത്​.  ഭരണസമിതിയായ പി.പി.എയുടെ ചെയർമാൻ സ്​ഥാനാർഥി വീണ്ടും പ്രിൻസ്​ നടരാജൻ തന്നെയാണ്​.പി.പി. എ ഭരണസമിതിയിലെ ചില പ്രമുഖ വ്യക്തികൾ മുന്നണി വിട്ടിട്ടുണ്ടെങ്കിലും എതിർ പക്ഷത്തുള്ളവർക്ക്​ വസ്​തുനിഷ്​ഠമായി ഒരു ആരോപണവും പ്രിൻസ്​ നടരാജനെതിരെ ഉന്നയിക്കാനായിട്ടില്ല എന്നതാണ്​ തങ്ങളുടെ കൂട്ടായ്​മയുടെ പിൻബലമെന്ന്​ അവർ കരുതുന്നു. കേരളീയ സമാജം ഭരണസമിതിയോട്​ വിയോജിപ്പുള്ള വിവിധ ഗ്രൂപ്പുകൾ പ്രിൻസിന്​ പിന്തുണയുമായി എത്തിയിട്ടുണ്ട്​. 

തുടക്കം മുതൽ പ്രതിപക്ഷം എന്ന നിലയിൽ പ്രവർത്തിച്ച യു. പി.പി, സ്​കൂൾ മുൻ ചെയർമാൻ എബ്രഹാം ജോണി​​​െൻറ നേതൃത്വത്തിൽ സജീവമാണ്​. ​െഎ.സി.ആർ.എഫിലും പ്രവാസി സാമൂഹിക മേഖലയിലും സജീവമായ അജയകൃഷ്​ണനാണ്​ യു.പി.പിയുടെ ചെയർമാൻ സ്​ഥാനാർഥി. റഫീഖ്​ അബ്​ദുള്ളയുടെ നേതൃത്വത്തിൽ ഒരു വിഭാഗം വിട്ടുപോയെങ്കിലും അത്​ തങ്ങളെ ബാധിക്കില്ല എന്നാണ്​ അവർ പറയുന്നത്​. റഫീഖ്​ അബ്​ദുള്ള ഇപ്പോൾ യു.പി.എ പാനൽ സ്​ഥാനാർഥിയാണ്​.   

സമാജം ഗ്രൂപ്പി​​​െൻറ പിന്തുണയിൽ കൃത്യമായ ആസൂത്രണത്തോടെയാണ്​ യു.പി.എ മുന്നണി പ്രവർത്തനങ്ങൾ തുടങ്ങിയത്​. സ്​കൂൾ മുൻ ചെയർമാനും സമാജം പ്രസിഡൻറുമായ പി.വി.രാധാകൃഷ്​ണ പിള്ളയുടെ നേതൃത്വത്തിലാണ്​ മുന്നണി രൂപവത്​കരിച്ചത്. രാധാകൃഷ്​ണ പിള്ളയുടെ നേതൃപാടവം തങ്ങൾക്ക്​ കരുത്താകുമെന്ന ആത്​മവിശ്വാസമാണ്​ യു.പി.എ പ്രകടിപ്പിക്കുന്നത്​.സമൂഹത്തി​​​െൻറ വിവിധ മേഖലകളിലുള്ളവരുടെ പിന്തുണ ഇതിനകം ഉറപ്പിക്കാനായിട്ടുണ്ടെന്ന്​ യു.പി. എ വൃത്തങ്ങൾ പറഞ്ഞു. ​‘സിംസ്’ ഉൾപ്പെടെ നിരവധി വേദികളിൽ സജീവമായ ഫ്രാൻസിസ്​ കൈതാരത്ത്​ ആണ്​ യു.പി.എ ചെയർമാൻ സ്​ഥാനാർഥി.