ബ​ഹ്റൈ​ൻ ഇ​ന്‍റ​ർ​നാ​ഷ​ന​ൽ ‘ഗാ​ർ​ഡ​ൻ ഷോ 2025’ ​ഈമാ​സം 20ന്

മ​നാ​മ: കാ​ർ​ഷി​ക മേ​ഖ​ല​യി​ലെ വി​സ്മ​യ കാ​ഴ്ച​ക​ളൊ​രു​ക്കു​ന്ന ബ​ഹ്റൈ​ൻ ഇ​ന്‍റ​ർ​നാ​ഷ​ന​ൽ ‘ഗാ​ർ​ഡ​ൻ ഷോ 2025’​ന് ഈ ​മാ​സം 20ന് ​തു​ട​ക്ക​മാ​കു​മെ​ന്ന് നാ​ഷ​ന​ൽ ഇ​നി​ഷ്യേ​റ്റി​വ് ഫോ​ർ അ​ഗ്രി​ക​ൾ​ച്ച​റ​ൽ ഡെ​വ​ല​പ്‌​മെ​ന്റ് സെ​ക്ര​ട്ട​റി ശൈ​ഖ മ​റാം ബി​ൻ​ത് ഈ​സ ആ​ൽ ഖ​ലീ​ഫ. ബ​ഹ്‌​റൈ​ൻ ഇ​ന്റ​ർ​നാ​ഷ​ന​ൽ എ​ക്സി​ബി​ഷ​ൻ സെ​ന്റ​റി​ലെ ഹാ​ൾ ന​മ്പ​ർ മൂ​ന്നി​ൽ ഫെ​ബ്രു​വ​രി 20 മു​ത​ൽ 23 വ​രെ നാല് ദി​വ​സ​ങ്ങ​ളി​ലാ​യാ​ണ് ഗാ​ർ​ഡ​ൻ ഷോ​ക്ക് തി​രി​തെ​ളി​യു​ക. രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ ര​ക്ഷ‍ാ​ക​ർ​തൃ​ത്വ​ത്തി​ൽ അ​റ​ങ്ങേ​റു​ന്ന ഷോ ​എ​ല്ലാ ദി​വ​സ​വും രാ​വി​ലെ 10 മു​ത​ൽ രാ​ത്രി ഒ​മ്പ​ത് വ​രെ പ്ര​വ​ർ​ത്തി​ക്കും.

ബ​ഹ്‌​റൈ​ൻ രാ​ജാ​വി​ന്റെ പ​ത്നി​യും നാ​ഷ​ന​ൽ ഇ​നി​ഷ്യേ​റ്റി​വ് ഫോ​ർ അ​ഗ്രി​ക​ൾ​ച്ച​റ​ൽ ഡെ​വ​ല​പ്‌​മെ​ന്റി​ന്റെ ഉ​പ​ദേ​ശ​ക സ​മി​തി​യു​ടെ ചെ​യ​ർ​വു​മ​ണു​മാ​യ രാ​ജ​കു​മാ​രി സ​ബീ​ക ബി​ൻ​ത് ഇ​ബ്രാ​ഹീം ആ​ൽ ഖ​ലീ​ഫ​യു​ടെ ഉ​ദാ​ര​മാ​യ പി​ന്തു​ണ​യു​ള്ള ബ​ഹ്‌​റൈ​ൻ ഇ​ന്റ​ർ​നാ​ഷ​ന​ൽ ഗാ​ർ​ഡ​ൻ ഷോ, ​രാ​ജ്യ​ത്തെ കാ​ർ​ഷി​ക മേ​ഖ​ല​യി​ലെ ഏ​റ്റ​വും പ്ര​ധാ​ന​പ്പെ​ട്ട പ​രി​പാ​ടി​യാ​ണെ​ന്ന് പ്ര​ദ​ർ​ശ​ന​ത്തി​ന്റെ സം​ഘാ​ട​ക സ​മി​തി ഇ​ന്ന​ലെ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ ശൈ​ഖ മ​റാം പ​റ​ഞ്ഞു.

ഹോ​ർ​ട്ടി​ക​ൾ​ച്ച​ർ, കാ​ർ​ഷി​ക സാ​ങ്കേ​തി​ക​വി​ദ്യ​ക​ൾ, കാ​ർ​ഷി​ക രം​ഗ​ത്തെ പു​തി​യ ക​ണ്ടു​പി​ടി​ത്ത​ങ്ങ​ൾ എ​ന്നി​വ പ്ര​ദ​ർ​ശി​പ്പി​ക്കു​ന്ന​തി​നു​ള്ള ഒ​രു പ്രാ​ദേ​ശി​ക, ആ​ഗോ​ള വേ​ദി​യാ​യാ​ണി​ത്. വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള നി​ക്ഷേ​പ​ക​ർ, ക​ർ​ഷ​ക​ർ, ഗ​വേ​ഷ​ക​ർ, വി​ദ​ഗ്ധ​ർ എ​ന്നി​വ​ർ മേ​ള​യി​ൽ പ​ങ്കാ​ളി​ക​ളാ​വും.16 ബ​ഹ്‌​റൈ​ൻ ക​ർ​ഷ​ക​ർ പ​ങ്കെ​ടു​ക്കു​ന്ന ഒ​രു പ്ര​ത്യേ​ക ദേ​ശീ​യ പ​വ​ലി​യ​ൻ പ്ര​ദ​ർ​ശ​ന​ത്തി​ൽ ഉ​ൾ​പ്പെ​ടു​ത്തും. അ​വ​രു​ടെ കാ​ർ​ഷി​ക ഉ​ൽ​പ​ന്ന​ങ്ങ​ൾ പ്ര​ദ​ർ​ശി​പ്പി​ക്കു​ന്ന​തി​ലൂ​ടെ ബ​ഹ്റൈ​ൻ ക​ർ​ഷ​ക​രു​ടെ മി​ക​വി​നെ ലോ​ക​ത്തി​ന് മു​ന്നി​ൽ ഉ​യ​ർ​ത്തി​ക്കാ​ട്ടാ​നു​ള്ള വേ​ദി​യാ​യി ഇ​ത് മാ​റു​മെ​ന്നും ശൈ​ഖ മ​റാം പ​റ​ഞ്ഞു.

വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള 121 പ്ര​ദ​ർ​ശ​ക​രാ​ണ് മേ​ള​യി​ലെ പ്ര​ധാ​ന ആ​ക​ർ​ഷ​ണ​മെ​ന്ന് നാ​ഷ​ന​ൽ ഇ​നി​ഷ്യേ​റ്റി​വ് ഫോ​ർ അ​ഗ്രി​ക​ൾ​ച്ച​റ​ൽ സെ​ക്ട​ർ ഡെ​വ​ല​പ്‌​മെ​ന്റി​ന്റെ സെ​ക്ര​ട്ട​റി ജ​ന​റ​ൽ പ​റ​ഞ്ഞു. ഇ​തി​ൽ 68 പ്രാ​ദേ​ശി​ക പ്ര​ദ​ർ​ശ​ക​രും 19 രാ​ജ്യ​ങ്ങ​ളെ പ്ര​തി​നി​ധാ​നം ചെ​യ്യു​ന്ന 53 അ​ന്താ​രാ​ഷ്ട്ര പ്ര​ദ​ർ​ശ​ക​രും ഉ​ൾ​പ്പെ​ടും.കാ​ർ​ഷി​ക ഉ​ൽ​പാ​ദ​ന വി​ക​സ​ന മേ​ഖ​ല​യി​ൽ രാ​ജ്യ​ങ്ങ​ൾ ത​മ്മി​ലു​ള്ള സ​ഹ​ക​ര​ണം വ​ർ​ധി​പ്പി​ക്കു​ന്ന​തി​നും അ​നു​ഭ​വ​ങ്ങ​ൾ കൈ​മാ​റു​ന്ന​തി​നു​മു​ള്ള ഒ​രു ആ​ഗോ​ള വേ​ദി എ​ന്ന നി​ല​യി​ൽ പ്ര​ദ​ർ​ശ​ന​ത്തി​ന്റെ വ​ർ​ധി​ച്ചു​വ​രു​ന്ന പ്രാ​ധാ​ന്യ​ത്തെ​യും അ​വ​ർ എ​ടു​ത്തു​പ​റ​ഞ്ഞു.

സൗ​ദി അ​റേ​ബ്യ, എ​മി​റേ​റ്റ്‌​സ്, ഒ​മാ​ൻ തു​ട​ങ്ങി​യ വി​വി​ധ ഗ​ൾ​ഫ് സ​ഹ​ക​ര​ണ കൗ​ൺ​സി​ൽ രാ​ജ്യ​ങ്ങ​ളും, ജോ​ർ​ഡ​ൻ, സി​റി​യ, മൊ​റോ​ക്കോ, തു​നീ​ഷ്യ എ​ന്നി​വ​യു​ൾ​പ്പെ​ടെ മി​ഡി​ൽ ഈ​സ്റ്റി​ൽ നി​ന്നും വ​ട​ക്കേ ആ​ഫ്രി​ക്ക​യി​ൽ നി​ന്നും, ചൈ​ന, ജ​പ്പാ​ൻ, കി​ർ​ഗി​സ്താ​ൻ, ഉ​സ്‌​ബ​ക്കി​സ്താ​ൻ, മ​ലേ​ഷ്യ, താ​യ്‌​ല​ൻ​ഡ്, ശ്രീ​ല​ങ്ക, ഇ​ന്തോ​നേ​ഷ്യ തു​ട​ങ്ങി​യ ഏ​ഷ്യ​ൻ രാ​ജ്യ​ങ്ങ​ളി​ൽ​നി​ന്നും, റ​ഷ്യ, ന്യൂ​സി​ല​ൻ​ഡ്, ബ്ര​സീ​ൽ, അ​ർ​ജ​ന്റീ​ന എ​ന്നി​വി​ട​ങ്ങ​ളി​ൽ നി​ന്നും പ്ര​ദ​ർ​ശ​ക​രെ​ത്തും. വി​ദ്യാ​ഭ്യാ​സ മ​ന്ത്രാ​ല​യ​വു​മാ​യും സ​ർ​ക്കാ​ർ സ്കൂ​ളു​ക​ളു​മാ​യും സ​ഹ​ക​രി​ച്ച് വി​ദ്യാ​ർ​ഥി​ക​ൾ​ക്ക് മേ​ള​യി​ൽ പ്ര​ദ​ർ​ശ​നം അ​നു​വ​ദി​ക്കും.