ലോ​ക​ക​പ്പ് യോ​ഗ്യ​ത: ബ​ഹ്റൈ​ൻ ദേ​ശീ​യ ക്രി​ക്ക​റ്റ് ടീം ഉ​ഗാ​ണ്ട, ഖ​ത്ത​ർ ടൂ​റി​നൊ​രു​ങ്ങു​ന്നു

മനാമ: ലോകകപ്പ് യോഗ്യത മത്സരങ്ങൾക്കായി ബഹ്റൈൻ ദേശീയ ക്രിക്കറ്റ് ടീം ഉഗാണ്ട, ഖത്തർ അന്താരാഷ്ട്ര ടൂറിനൊരുങ്ങുന്നു. ഒ​ക്‌​ടോ​ബ​ർ 26 മു​ത​ൽ ന​വം​ബ​ർ മൂ​ന്നു വ​രെ​യാ​ണ് ഉ​ഗാ​ണ്ട ടൂ​ർ. ര​ണ്ട് ടി20 ​ഇ​ന്റ​ർ​നാ​ഷ​ന​ലു​ക​ളും ര​ണ്ട് ഏ​ക​ദി​ന പ​രി​ശീ​ല​ന മ​ത്സ​ര​ങ്ങ​ളും ഉ​ഭ​യ​ക​ക്ഷി പ​ര​മ്പ​ര​യും ഉ​ഗാ​ണ്ട​യി​ലു​ണ്ട്.

ഇ​തി​നു​ശേ​ഷം ന​വം​ബ​ർ അ​ഞ്ചു മു​ത​ൽ 16 വ​രെ ഐ.​സി.​സി സി.​ഡ​ബ്ല്യു.​സി ച​ല​ഞ്ച് ലീ​ഗ് ബി​യി​ൽ ബ​ഹ്റൈ​ൻ ദേ​ശീ​യ ക്രി​ക്ക​റ്റ് ടീം ​പ​ങ്കെ​ടു​ക്കും. ഉ​ഗാ​ണ്ട, താ​ൻ​സ​നി​യ, ഇ​റ്റ​ലി, ഹോ​ങ്കോ​ങ്, സിം​ഗ​പ്പൂ​ർ എ​ന്നി​വ​ർ​ക്കെ​തി​രാ​യ മ​ത്സ​ര​ങ്ങ​ൾ ഏ​ക​ദി​ന ലോ​ക​ക​പ്പ് യോ​ഗ്യ​ത​ക്ക് നി​ർ​ണാ​യ​ക​മാ​ണ്.ന​വം​ബ​ർ 18 മു​ത​ൽ 28 വ​രെ ഖ​ത്ത​റി​ൽ ന​ട​ക്കു​ന്ന ഐ.​സി.​സി ലോ​ക​ക​പ്പ് ഏ​ഷ്യ ക്വാ​ളി​ഫ​യ​ർ ബി​യി​ൽ ബ​ഹ്‌​റൈ​ൻ മ​ത്സ​രി​ക്കും.

ഭൂ​ട്ടാ​ൻ, കം​ബോ​ഡി​യ, ഖ​ത്ത​ർ, സൗ​ദി, താ​യ്‌​ല​ൻ​ഡ്, യു.​എ.​ഇ എ​ന്നി​വ​യു​മാ​യി ഏ​റ്റു​മു​ട്ടും. ടി20 ​ലോ​ക​ക​പ്പ് 2026 യോ​ഗ്യ​ത മ​ത്സ​ര​ങ്ങ​ളു​ടെ ഭാ​ഗ​മാ​യി ഡി​സം​ബ​റി​ൽ, യു.​എ.​ഇ, ഖ​ത്ത​ർ, ഒ​മാ​ൻ, സൗ​ദി, കു​വൈ​ത്ത് എ​ന്നി​വ​യെ നേ​രി​ടു​ന്ന ടീം ​ദു​ബൈ​യി​ൽ ന​ട​ക്കു​ന്ന ഗ​ൾ​ഫ് ക​പ്പി​ൽ പ​ങ്കെ​ടു​ക്കും. ബ​ഹ്റൈ​ൻ ക്രി​ക്ക​റ്റ് ഫെ​ഡ​റേ​ഷ​ൻ ബി.​സി.​എ​ഫ് ന​ട​ത്തി​യ ച​ട​ങ്ങി​ലാ​യി​രു​ന്നു ഇ​തി​ന്റെ പ്ര​ഖ്യാ​പ​നം.

ബി.​സി.​എ​ഫ് ചെ​യ​ർ​മാ​നും അ​ഡ്വൈ​സ​റി ബോ​ർ​ഡ് അം​ഗ​വു​മാ​യ മു​ഹ​മ്മ​ദ് മ​ൻ​സൂ​ർ, ബ​ഹ്റൈ​നി​ലെ ക്രി​ക്ക​റ്റി​ന് പി​ന്തു​ണ ന​ൽ​കു​ന്ന ശൈ​ഖ് ഖാ​ലി​ദ് ബി​ൻ ഹ​മ​ദ് ആ​ൽ ഖ​ലീ​ഫ​ക്ക് ന​ന്ദി രേ​ഖ​പ്പെ​ടു​ത്തി. മു​ൻ ഇ​ന്ത്യ​ൻ താ​രം ആ​ശി​ഷ് ക​പൂ​റി​ന്റെ കീ​ഴി​ലു​ള്ള ക​ഠി​ന പ​രി​ശീ​ല​നം ടീ​മി​ന്റെ ലോ​ക​ക​പ്പ് സാ​ധ്യ​ത​ക​ളെ വ​ർ​ധി​പ്പി​ച്ച​താ​യും അ​ദ്ദേ​ഹം ചൂ​ണ്ടി​ക്കാ​ട്ടി.

നി​ല​വി​ൽ 26ാമ​ത് ഐ.​സി.​സി ടി20 ​റാ​ങ്കി​ലു​ള്ള ബ​ഹ്റൈ​ൻ ആ​ഗോ​ള ത​ല​ത്തി​ൽ ത​ന്റെ സ്ഥാ​നം മെ​ച്ച​പ്പെ​ടു​ത്തും. ബം​ഗ്ലാ​ദേ​ശ് എം​ബ​സി ചാ​ർ​ജ് ദ ​അ​ഫ​യേ​ഴ്സ് എ.​കെ. എം. ​മു​ഹ്‍യി​ദ്ദീ​ൻ ക​യേ​സ് വി​ശി​ഷ്ടാ​തി​ഥി​യാ​യി​രു​ന്നു.

ക്യാ​പി​റ്റ​ൽ ഗ​വ​ർ​ണ​റേ​റ്റ് ഡ​യ​റ​ക്ട​ർ ഫോ​ളോ​അ​പ് മേ​ധാ​വി യൂ​സു​ഫ് യാ​ക്കൂ​ബ് ലോ​റി പ​​ങ്കെ​ടു​ത്തു. ലൈ​ഫ് എ​ൻ സ്റ്റൈ​ൽ, ഐ.​സി.​ഐ.​സി.​ഐ, ബി.​എ​ഫ്സി, വൈ ​കെ അ​ൽ​മോ​യ്ദ്, എ​സ്ടി​സി, വി.​എം.​ബി, യു.​എ​ഫ്.​സി ജിം, ​ബ​റാ​ക്ക ബെ​സ്പോ​ക്ക്, കൈ​ലാ​ഷ് പ​ർ​വ​ത് സ്പോ​ൺ​സ​ർ​മാ​രും ബ​ഹ്റൈ​ൻ ദേ​ശീ​യ, വ​നി​ത, എ​മ​ർ​ജി​ങ് യൂ​ത്ത് ടീ​മു​ക​ളു​ടെ അം​ഗ​ങ്ങ​ളും പ​രി​പാ​ടി​യി​ൽ പ​ങ്കെ​ടു​ത്തു.

പ്ര​സി​ഡ​ന്റ് സാ​മി അ​ലി എ​ല്ലാ സ്പോ​ൺ​സ​ർ​മാ​ർ​ക്കും ന​ന്ദി അ​റി​യി​ച്ചു. ജ​ന​റ​ൽ സെ​ക്ര​ട്ട​റി കി​ഷോ​ർ കേ​വ​ൽ​റാം ക്രി​ക്ക​റ്റ് ക്വി​സി​ലെ വി​ജ​യി​ക​ൾ​ക്ക് സ​മ്മാ​ന​ങ്ങ​ൾ പ്ര​ഖ്യാ​പി​ച്ചു.