ദേ​ശീ​യ ദി​ന​മെ​ത്തി;അണിഞ്ഞൊരുങ്ങി ബഹ്റൈൻ തെരുവുകൾ

മ​നാ​മ: 53-ാമ​ത് ദേ​ശീ​യ ദി​നാ​ഘോ​ഷ​ത്തി​നാ​യി ഒ​രു​ങ്ങി രാ​ജ്യം. രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ സിം​ഹാ​സ​നാ​രൂ​​ഢ​നാ​യ​തി​ന്റെ ര​ജ​ത​ജൂ​ബി​ലി വേ​ള കൂ​ടി​യാ​ണി​ത്. രാ​ജ്യ​ത്തെ എ​ല്ലാ തെ​രു​വു​ക​ളും ച​രി​ത്ര സ്മാ​ര​ക​ങ്ങ​ളും കെ​ട്ടി​ട​ങ്ങ​ളു​മെ​ല്ലാം ചു​വ​പ്പും വെ​ള്ള​യും നി​റ​ങ്ങ​ളി​ൽ അ​ല​ങ്ക​രി​ച്ചി​ട്ടു​ണ്ട്. ഹ​മ​ദ് രാ​ജാ​വി​ന്‍റെ​യും കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ് സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ​യു​ടേ​യും ചി​ത്ര​ങ്ങ​ൾ പ്ര​ധാ​ന കെ​ട്ടി​ട​ങ്ങ​ൾ, ട​വ​റു​ക​ൾ, സ്ഥാ​പ​ന​ങ്ങ​ൾ എ​ന്നി​വ​യി​ലെ​ല്ലാം സ്ഥാ​പി​ച്ചി​രി​ക്കു​ന്നു.

ചു​വ​പ്പും വെ​ള്ള​യും ചേ​ർ​ന്ന ബ​ഹ്റൈ​ൻ പ​താ​ക എ​ല്ലാ തെ​രു​വു​ക​ളി​ലും പാ​റി​പ്പ​റ​ക്കു​ന്നു. ഈ ​നി​റ​ങ്ങ​ളി​ൽ ലൈ​റ്റു​ക​ളും അ​ല​ങ്കാ​ര​ങ്ങ​ളും എ​ല്ലാ​യി​ട​ത്തും പ്ര​ശോ​ഭി​ക്കു​ക​യാ​ണ്. ദേ​ശീ​യ ദി​നാ​ഘോ​ഷ​ങ്ങ​ളു​ടെ ഭാ​ഗ​മാ​യി സെ​ലി​ബ്രേ​റ്റ് ബ​ഹ്റൈ​ൻ, മു​ഹ​റ​ഖ് നൈ​റ്റ്സ് എ​ന്നി​വ പു​രോ​ഗ​മി​ക്കു​ക​യാ​ണ്. മു​ഹ​റ​ഖ് നൈ​റ്റ്സ് പ​രി​പാ​ടി​യി​ലേ​ക്ക് സ്വ​ദേ​ശി​ക​ളു​ടേ​യും വി​ദേ​ശി​ക​ളു​ടേ​യും ഒ​ഴു​ക്ക് ദൃ​ശ്യ​മാ​ണ്. ബ​ഹ്റൈ​നി​ന്‍റെ മ​ഹ​ത്താ​യ സാം​സ്കാ​രി​ക പാ​ര​മ്പ​ര്യം വി​ളി​ച്ചോ​തു​ന്ന ക​ലാ, സാം​സ്കാ​രി​ക പ​രി​പാ​ടി​ക​ളാ​ണ് എ​ങ്ങും ന​ട​ക്കു​ന്ന​ത്.

പ​ര​മ്പ​രാ​ഗ​ത വേ​ഷ​ങ്ങ​ളി​ൽ കു​ട്ടി​ക​ളും ആ​ഘോ​ഷ​ത്തി​ൽ പ​ങ്കു​ചേ​രു​ന്നു. രാ​ജ്യ​ത്തു​ട​നീ​ള​മു​ള്ള ക​ട​ക​ളി​ൽ പ​താ​ക വി​ൽ​പ​ന കാ​ര്യ​മാ​യി ന​ട​ക്കു​ന്നു​ണ്ട്. 500 ഫി​ൽ​സു മു​ത​ൽ 1.5 ദീ​നാ​ർ വ​രെ വി​ല​യു​ള്ള പ​താ​ക​ക​ൾ ല​ഭ്യ​മാ​ണ്. പ​ര​മ്പ​രാ​ഗ​ത വ​സ്ത്ര​ങ്ങ​ളു​ടേ​യും മ​റ്റും ക​ച്ച​വ​ടം വ​ലി​യ തോ​തി​ൽ ന​ട​ക്കു​ന്നു​ണ്ട്. വി​ദ്യാ​ർ​ഥി​ക​ൾ​ക്ക് അ​ണി​യാ​നു​ള്ള വ​സ്ത്ര​ങ്ങ​ളും തൊ​പ്പി​യു​മ​ട​ക്കം ല​ഭ്യ​മാ​ണ്. പ്ര​ധാ​ന സൂ​ഖു​ക​ളി​ലെ​ല്ലാം ക​ച്ച​വ​ടം ഉ​ഷാ​റാ​യി​ട്ടു​ണ്ട്. വി​വി​ധ പ്രാ​യ​ക്കാ​ർ​ക്കു​ള്ള വി​വി​ധ ത​ര​ത്തി​ലു​ള്ള റെ​ഡി​മെ​യ്‌​ഡ്‌ വ​സ്ത്ര​ങ്ങ​ൾ​ക്ക​ട​ക്കം വി​പ​ണി​യി​ൽ ആ​വ​ശ്യ​ക്കാ​ർ ഏ​റെ​യാ​ണ്.

ബ​ഹ്‌​റൈ​ൻ അ​തോ​റി​റ്റി ഫോ​ർ ക​ൾ​ച​ർ ആ​ൻ​ഡ് ആ​ന്‍റി​ക്വി​റ്റീ​സ് (ബാ​ക്ക)​യു​ടെ ആ​ഭി​മു​ഖ്യ​ത്തി​ൽ പ്ര​ത്യേ​ക സാം​സ്‌​കാ​രി​ക പ​രി​പാ​ടി​ക​ൾ, സം​ഗീ​ത പ​രി​പാ​ടി​ക​ൾ, ക​ര​കൗ​ശ​ല ശി​ൽ​പ​ശാ​ല​ക​ൾ, കു​ട്ടി​ക​ളു​ടെ പ​രി​പാ​ടി​ക​ൾ എ​ന്നി​വ​യ​ട​ക്കം വി​വി​ധ പ​രി​പാ​ടി​ക​ൾ രാ​ജ്യ​മെ​മ്പാ​ടും ഉ​ൾ​ക്കൊ​ള്ളി​ച്ചി​ട്ടു​ണ്ട്. താ​മ​സ​ക്കാ​രെ​യും പൗ​ര​ന്മാ​രെ​യും സ​ന്ദ​ർ​ശ​ക​രെ​യും ആ​ക​ർ​ഷി​ക്കാ​ൻ നി​ര​വ​ധി ടൂ​ർ പാ​ക്കേ​ജു​ക​ളും ആ​സൂ​ത്ര​ണം ചെ​യ്തി​ട്ടു​ണ്ട്.

വി​വി​ധ ഗ​വ​ർ​ണ​റേ​റ്റു​ക​ളി​ലെ സ​ർ​ക്കാ​ർ സ്ഥാ​പ​ന​ങ്ങ​ളും ബി​സി​ന​സ് സ്ഥാ​പ​ന​ങ്ങ​ളും ദേ​ശീ​യ ദി​നാ​ഘോ​ഷ​ത്തി​ന്റെ ഭാ​ഗ​മാ​യി അ​ല​ങ്ക​രി​ച്ചി​ട്ടു​ണ്ട്. സീ​ഫ്, ഡി​പ്ലോ​മാ​റ്റി​ക് ഏ​രി​യ, അ​ൽ ഫാ​ത്തി ഹൈ​വേ, ദി ​അ​വ​ന്യൂ​സ് മാ​ൾ, ബ​ഹ്‌​റൈ​ൻ ഫി​നാ​ൻ​ഷ്യ​ൽ ഹാ​ർ​ബ​ർ തു​ട​ങ്ങി​യ പ്ര​ദേ​ശ​ങ്ങ​ളെ​ല്ലാം വ​ർ​ണാ​ഭ​മാ​ണ്.