ബഹ്​റൈൻ: തൊഴിൽ മന്ത്രാലയം ഓൺലൈൻ സേവനം തുടങ്ങി

മനാമ: കോവിഡ്​ -19 വ്യാപനം തടയുന്നതി​​െൻറ ഭാഗമായി തൊഴിൽ, സാമൂഹിക ക്ഷേമ മന്ത്രാലയം ഒാൺലൈൻ സേവനങ്ങൾ ആരംഭിച്ചു. അന്വേഷണങ്ങൾക്ക്​ മറുപടി നൽകുന്നതിന്​ ഹോട്​ലൈനും ഏർപ്പെടുത്തിയിട്ടുണ്ട്​.

www.mlsd.gov.bh എന്ന വെബ്​സൈറ്റിൽ സേവനങ്ങൾ ലഭ്യമാണ്​. 8000 8001 എന്നതാണ്​ ഹോട്​ലൈൻ നമ്പർ.

ജോലി അപേക്ഷകൾ സംബന്ധിച്ച അന്വേഷണങ്ങൾക്കും മറ്റും നേരിട്ട്​ ഒാഫിസിൽ പോകേണ്ടതില്ല. പകരം ഒാൺലൈൻ, ഹോട്​ലൈൻ സേവനങ്ങൾ ഉപയോഗിക്കാമെന്ന്​ മന്ത്രി ജമീൽ ബിൻ മുഹമ്മദ്​ അലി അൽ ഹുമൈദാൻ പറഞ്ഞു.