ബഹ്​റൈനും ഫിലിപ്പീൻസും തമ്മിൽ ഉറച്ച ബന്​ധം-പ്രധാനമന്ത്രി

മനാമ: പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫയെ  ഫിലിപ്പീൻസ്​ വിദേശകാര്യ സെക്രട്ടറി അലൻ പീറ്റർ സയറ്റാനോ സന്ദർശിച്ചു. ബഹ്​റൈനും ഫിലിപ്പീൻസുമായി ഉറച്ച ബന്​ധമാണുള്ളതെന്ന്​ പ്രധാനമന്ത്രി പറഞ്ഞു.   കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയെ ഫിലിപ്പീൻസ്​ വിദേശകാര്യ സെക്രട്ടറി റിഫ പാലസിൽ സന്ദർശിച്ചു.

ബഹ്​റൈൻ-ഫിലിപ്പീൻ സഹകരണത്തെ കുറിച്ചും പ്രത്യേകിച്ചും നിക്ഷേപത്തിലും സാമ്പത്തിക രംഗത്തുമുള്ള വികസനപ്രവർത്തനങ്ങളെ കുറിച്ചുംഇരുവരും ചർച്ച നടത്തി. ബഹ്​​​െറ​​​െൻറ തുടർച്ചയായ  വികസന രംഗത്ത്​ ഫിലിപ്പീൻസ്​ പൗരൻമാർ നൽകിയ സംഭാവനകളെ കിരീടാവകാശി കൂടിക്കാഴ്​ചയിൽ എടുത്തുപറഞ്ഞു. പുതിയ മേഖലകളിലെ വികസനരംഗങ്ങളിൽ ഇരുരാജ്യങ്ങളുടെയ​ും സഹകരണ​ത്തെ കുറിച്ചും അദ്ദേഹം ചർച്ചയിൽ സൂചിപ്പിച്ചു.