ബഹ്‌റൈൻ പ്രധാന മന്ത്രി പ്രിൻസ് ഖലീഫ ബിൻ സൽമാൻ ആൽ ഖലീഫ അന്തരിച്ചു

മനാമ: ബഹ്​റൈനെ പുരോഗതിയുടെ ഉന്നതിയിലേക്ക്​ നയിച്ച പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫ അന്തരിച്ചു. 84 വയസായിരുന്നു. അമേരിക്കയിലെ മയോ ക്ലിനിക്ക്​ ഹോസ്​പിറ്റലിൽ ചികിത്സയിലയായിരുന്ന അദ്ദേഹത്തി​െൻറ അന്ത്യം ബുധനാഴ്​ച രാവിലെയായിരുന്നു. ഭൗതിക ശരീരം ബഹ്​റൈനിൽ എത്തിച്ച്​ ഖബറടക്കുമെന്ന്​ റോയൽ കോർട്ട്​ അറിയിച്ചു.

ബഹ്​റൈൻ ഭരണാധികാരിയായിരുന്ന സൽമാൻ ഇബ്​ൻ ഹമദ്​ ആൽ ഖലീഫയുടെയും മൗസ ബിൻത്​ ഹമദ്​ ആൽ ഖലീഫയുടെയും രണ്ടാമത്തെ മകനായി 1935 നവംബർ 24നാണ്​ ഖലീഫ ബിൻ സൽമാൻ ആൽ ഖലീഫയുടെ ജനനം. മനാമ ഹൈസ്​കൂളിലും റിഫ പാലസ്​ സ്​കൂളിലുമായിരുന്നു വിദ്യാഭ്യാസം.

1971ൽ ബഹ്​റൈന്​ സ്വാതന്ത്ര്യം ലഭിക്കുന്നതിന്​ ഒരു വർഷം മുമ്പാണ്​​ പ്രധാനമന്ത്രിയായി ചുമതലയേറ്റത്​. ലോകത്ത്​ ഏറ്റവും കൂടുതൽ കാലം പ്രധാന മന്ത്രി ആയ വ്യക്​തി എന്ന ബഹുമതിയോടെയാണ്​ അദ്ദേഹം വിടവാങ്ങുന്നത്​. ബഹ്​റൈ​െൻറ പുരോഗതിയുടെ പിന്നിലെ ചാലക ശക്​തിയായി നിലകൊണ്ട അദ്ദേഹം ഇന്ത്യയോടും ഇന്ത്യക്കാരോടും അടുപ്പം സൂക്ഷിച്ച ഭരണാധികാരിയുമായിരുന്നു. 1958 മുതൽ 1961 വരെയുള്ള കാലത്ത് വിദ്യാഭ്യാസ കൗൺസിൽ അധ്യക്ഷ സ്​ഥാനം വഹിച്ച ഖലീഫ ബിൻ സൽമാൻ ആൽ ഖലീഫ 1961 മുതൽ 1966 വരെ ഫിനാൻസ്​ ഡിപ്പാർട്ട്​മെൻറ്​ ഡയറക്​ടറുമായിരുന്നു. 1961ൽ ഇലക്​ട്രിസിറ്റി ബോർഡ്​ പ്രസിഡൻറായി. 1962 മുതൽ 1967 വരെ മനാമ മുനിസിപ്പൽ കൗൺസിൽ അധ്യക്ഷ സ്​ഥാനവും വഹിച്ചു. 1964ൽ ബഹ്​റൈൻ മെണേട്ടറി കൗൺസിൽ തലവനായിരുന്ന പ്രിൻസ്​ ഖലീഫ ബിൻ സൽമാൻ ആൽ ഖലീഫ 1967 മുതൽ 1969 വരെ അഡ്​മിനിസ്​ട്രേറ്റീവ്​ അഫയേഴ്​സ്​ കൗൺസിൽ ചെയർമാനുമായിരുന്നു. 1977ൽ സുപ്രീം ഡിഫൻസ്​ കൗൺസിൽ അധ്യക്ഷനായി.

ദീർഘകാലം ബഹ്റൈൻ പ്രധാനമന്ത്രി പദം അലങ്കരിച്ച പ്രിൻസ്​ ഖലീഫ ബിൻ സൽമാൻ ആൽ ഖലീഫ രാജ്യത്തെ പുരോഗതിയുടെ ഉന്നതിയിലേക്ക്​ നയിച്ചാണ്​ വിടവാങ്ങുന്നത്​. 2011ലെ 'അറബ്​ വസന്തം'പ്രതിഷേധങ്ങൾ അരങ്ങേറിയപ്പോഴും നിശ്​ചയദാർഡ്യത്തോടെ അതിനെ നേരിടാനും അതിജീവിക്കാനും കഴിഞ്ഞത്​ അദ്ദേഹത്തി​െൻറ നേതൃത്വ ശേഷി വിളിച്ചോതുന്നു. നഗര വീഥികളുടെ ഇരു വശങ്ങളിലും ബഹ്​റൈൻ ഭരണാധികാരിക്കൊപ്പം അദ്ദേഹത്തി​െൻറ ചിത്രവും ദശാബ്​ദങ്ങളോളം നിറഞ്ഞുനിന്നു.

ഒരാഴ്​ച ദുഃഖാചരണം

മനാമ: അന്തരിച്ച ​പ്രധാനമന്ത്രിയോടുള്ള ആദര സൂചകമായി ബഹ്​റൈനിൽ ഒരാഴ്​ച ദുഃഖാചരണം പ്രഖ്യാപിച്ചു. ശേദീയ പതാക പകുതി താഴ്​ത്തിക്കെട്ടും. സർക്കാർ സ്​ഥാപനങ്ങൾക്ക്​ വ്യാഴാഴ്​ച മുതൽ മൂന്ന്​ ദിവസത്തെ അവധിയും പ്രഖ്യാപിച്ചിട്ടുണ്ട്​.