ഫ​ല​സ്തീ​ൻ ജ​ന​ത​യ്ക്ക് പിന്തുണ; 40 ടൺ ദു​രി​താ​ശ്വാ​സ വ​സ്തു​ക്ക​ൾ അ​യ​ച്ച് ബ​ഹ്റൈ​ൻ

മ​നാ​മ: ഗ​സ്സ​യി​ലെ ഫ​ല​സ്തീ​നി​ക​ളെ പി​ന്തു​ണ​ക്കു​ന്ന​തി​നു​ള്ള ദേ​ശീ​യ സ​മി​തി, ഗ​സ്സ​യി​ലേ​ക്ക് ആ​ദ്യ​ത്തെ സ​ഹാ​യ ഷി​പ്മെ​ന്റ് അ​യ​ച്ചു.

മാ​നു​ഷി​ക പ്ര​വ​ർ​ത്ത​ന​ത്തി​നും യു​വ​ജ​ന കാ​ര്യ​ത്തി​നു​മു​ള്ള ഹ​മ​ദ് രാ​ജാ​വി​ന്റെ പ്ര​തി​നി​ധി ശൈ​ഖ് നാ​സ​ർ ബി​ൻ ഹ​മ​ദ് ആ​ൽ ഖ​ലീ​ഫ​യു​ടെ ര​ക്ഷാ​ക​ർ​തൃ​ത്വ​ത്തി​ലാ​ണ് സ​ഹാ​യം അ​യ​ച്ച​ത്. ഫ​ല​സ്തീ​ൻ ജ​ന​ത​ക്കു​ള്ള പി​ന്തു​ണ​യി​ൽ രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ ഉ​റ​ച്ച നി​ല​പാ​ടാ​ണ് ബ​ഹ്‌​റൈ​ൻ സ​ഹാ​യം പ്ര​തി​ഫ​ലി​പ്പി​ക്കു​ന്ന​തെ​ന്ന് ശൈ​ഖ് നാ​സ​ർ പ​റ​ഞ്ഞു.

റോ​യ​ൽ ഹ്യു​മാ​നി​റ്റേ​റി​യ​ൻ ഫൗ​ണ്ടേ​ഷ​നെ പൂ​ർ​ണ​മാ​യി പി​ന്തു​ണ​ക്കു​ന്ന കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ് സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ​യു​ടെ നി​ല​പാ​ടി​നെ​യും അ​ദ്ദേ​ഹം പ്ര​ശം​സി​ച്ചു. ഗ​സ്സ​യി​ലെ ഫ​ല​സ്തീ​ൻ ജ​ന​ത​ക്ക് 40 ട​ൺ മെ​ഡി​ക്ക​ൽ, ദു​രി​താ​ശ്വാ​സ, ഭ​ക്ഷ്യ വി​ഭ​വ​ങ്ങ​ൾ അ​യ​ച്ചെ​ന്ന് ആ​ർ.​എ​ച്ച്.​എ​ഫ് സെ​ക്ര​ട്ട​റി ജ​ന​റ​ൽ മു​സ്ത​ഫ അ​സ്സ​യി​ദ് പ​റ​ഞ്ഞു.

ഗസ്സക്കുളള ബഹ്​റൈന്‍റെ ആദ്യ ഘട്ട സഹായം ഈജിപ്​തിലെ അരീഷ്​ വിമാനത്താവളത്തിലെത്തി. ഈജിപ്​ത്​ റെഡ്​ ക്രസന്‍റിന്​ സഹായങ്ങൾ കൈമാറുകയും അവർ വഴി ഫലസ്​തീനിലെ റെഡ്​ക്രസന്‍റിന്​ സഹായങ്ങൾ എത്തിക്കുകയും ചെയ്യും. തുടരെയുള്ള അ​ക്രമണം ഗസ്സയിലേക്കുള്ള പ്രവേശനം ദുഷ്​കരമായ സാഹചര്യത്തിലാണ്​ ഈജിപ്​ത്​ റെഡ്​ക്രസന്‍റ്​ വഴി ഫലസ്​തീൻ റെഡ്​ക്രസന്‍റിന്​ സഹായമെത്തിക്കാൻ തീരുമാനിച്ചിട്ടുള്ളത്​.

ഇ​ന്റ​ർ​നാ​ഷ​ന​ൽ റെ​ഡ് ക്ര​സ​ന്റ്, ഈ​ജി​പ്ഷ്യ​ൻ റെ​ഡ് ക്ര​സ​ന്റ്, ഫ​ല​സ്തീ​നി​യ​ൻ റെ​ഡ് ക്ര​സ​ന്റ് എ​ന്നി​വ​യു​മാ​യി ഏ​കോ​പി​പ്പി​ച്ചാ​ണ് ആ​ർ.​എ​ച്ച്.​എ​ഫ് സ​ഹാ​യം അ​യ​ക്കു​ന്ന​ത്.

ഗ​സ്സ​യി​ലെ ഫ​ല​സ്തീ​നി​ക​ളെ പി​ന്തു​ണ​ക്കു​ന്ന​തി​നു​ള്ള ദേ​ശീ​യ സ​മി​തി കൂ​ടു​ത​ൽ മാ​നു​ഷി​ക സ​ഹാ​യം ന​ൽ​കും. വ​രും ദി​വ​സ​ങ്ങ​ളി​ൽ നി​ര​വ​ധി ഷി​പ്പ്‌​മെ​ന്റു​ക​ൾ അ​യ​ക്കു​മെ​ന്ന് ആ​ർ.​എ​ച്ച്.​എ​ഫ് സെ​ക്ര​ട്ട​റി ജ​ന​റ​ൽ പ​റ​ഞ്ഞു.