രാ​ഷ്ട്ര​നി​ർ​മാ​ണ​ത്തി​ൽ ബ​ഹ്റൈ​ൻ വ​നി​ത​ക​ൾ; ചു​വ​ർ​ചി​ത്രം അ​നാ​ച്ഛാ​ദ​നം ചെ​യ്തു

നോ​ർ​തേ​ൺ ഗ​വ​ർ​ണ​റേ​റ്റ് ബു​രി റൗ​ണ്ട് എ​ബൗ​ട്ടി​ന് സ​മീ​പ​മാ​ണ് 630 ച​തു​ര​ശ്രമീ​റ്റ​ർ ചു​വ​ർ​ചി​ത്രം

മ​നാ​മ: രാ​ഷ്ട്ര​നി​ർ​മാ​ണ​ത്തി​ൽ ബ​ഹ്റൈ​ൻ വ​നി​ത​ക​ൾ എ​ന്ന പ്ര​മേ​യ​ത്തി​ൽ നോ​ർ​തേ​ൺ ഗ​വ​ർ​ണ​റേ​റ്റ് ബു​രി റൗ​ണ്ട് എ​ബൗ​ട്ടി​ന് സ​മീ​പം 630 ച​തു​ര​ശ്ര മീ​റ്റ​ർ ചു​വ​ർ​ചി​ത്രം അ​നാ​ച്ഛാ​ദ​നം ചെ​യ്തു. ബ​ഹ്‌​റൈ​ൻ വ​നി​ത​ക​ളു​ടെ 25 തൊ​ഴി​ലു​ക​ളെ ചി​ത്രീ​ക​രി​ക്കു​ന്ന, ചു​വ​ർ​ചി​ത്രം 20 ക​ലാ​കാ​ര​ന്മാ​ർ ചേ​ർ​ന്ന് വ​ര​ച്ച​താ​ണ്.

രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ നേ​തൃ​ത്വ​ത്തി​ലും കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ​യു​ടെ പി​ന്തു​ണ​യി​ലും ബ​ഹ്‌​റൈ​ൻ വ​നി​ത​ക​ൾ വ​ലി​യ നേ​ട്ട​ങ്ങ​ൾ കൈ​വ​രി​ച്ചി​ട്ടു​ണ്ട്. സ​മ​സ്ത മേ​ഖ​ല​യി​ലും സ്ത്രീ ​മു​ന്നേ​റ്റ​മു​ണ്ടാ​യ​ത് രാ​ഷ്ട്ര​നി​ർ​മാ​ണ​ത്തി​ന് സ​ഹാ​യ​ക​മാ​യി. ചു​വ​ർ​ചി​ത്രം ഈ ​നേ​ട്ട​ങ്ങ​ളു​ടെ പ്ര​തി​ഫ​ല​ന​മാ​ണെ​ന്നും ഭ​ര​ണാ​ധി​കാ​രി​ക​ളു​ടെ പി​ന്തു​ണ​യു​ടെ തെ​ളി​വാ​ണെ​ന്നും നോ​ർ​തേ​ൺ ഗ​വ​ർ​ണ​ർ അ​ലി അ​ബ്ദു​ൽ ഹു​സൈ​ൻ അ​ൽ അ​സ്ഫൂ​ർ പ​റ​ഞ്ഞു.

പ​രി​പാ​ടി​യി​ൽ മ​റി​യം അ​ൽ ദേ​ൻ എം.​പി, നോ​ർ​തേ​ൺ ഏ​രി​യ മു​നി​സി​പ്പ​ൽ കൗ​ൺ​സി​ൽ ചെ​യ​ർ​മാ​ൻ ഡോ. ​സെ​യ്ദ് ഷു​ബ്ബ​ർ ഇ​ബ്രാ​ഹിം അ​ൽ വെ​ദാ​യി, അ​റ​ബ് ഓ​പ​ൺ യൂ​നി​വേ​ഴ്‌​സി​റ്റി പ്ര​സി​ഡ​ന്റ് ഡോ. ​ന​ജ്മ താ​ഖി, നോ​ർ​തേ​ൺ ഡെ​പ്യൂ​ട്ടി ഗ​വ​ർ​ണ​ർ ബ്രി​ഗേ​ഡി​യ​ർ അ​ബ്ദു​ല്ല അ​ലി റാ​ഷി​ദ് മാ​ൻ​തെ​ർ, ആ​ഭ്യ​ന്ത​ര മ​ന്ത്രാ​ല​യ​ത്തി​ന്റെ നോ​ർ​തേ​ൺ ഗ​വ​ർ​ണ​റേ​റ്റി​ലെ ഇ​ൻ​ഫ​ർ​മേ​ഷ​ൻ ആ​ൻ​ഡ്​ ഫോ​ളോ-​അ​പ്പ് ഡ​യ​റ​ക്ട​ർ അ​മ​ൽ ബു ​ച​ന്ദാ​ൽ എ​ന്നി​വ​ർ പ​ങ്കെ​ടു​ത്തു.