ബ​ഹ്‌​റൈ​നി​ലെ എ​ണ്ണ ഇ​ത​ര മേ​ഖ​ല വ​ള​ർ​ച്ച കൈ​വ​രി​ച്ച​താ​യി റി​​പ്പോ​ർ​ട്ട്

മ​നാ​മ: ആ​ഗോ​ള ത​ല​ത്തി​ലു​ള്ള പ്ര​തി​സ​ന്ധി​ക​ൾ​ക്കി​ട​യി​ലും ബ​ഹ്‌​റൈ​നി​ലെ എ​ണ്ണ ഇ​ത​ര മേ​ഖ​ല വ​ള​ർ​ച്ച കൈ​വ​രി​ച്ച​താ​യി റി​​പ്പോ​ർ​ട്ട്. ഐ.​സി.​എ.​ഇ.​ഡ​ബ്ല്യു പു​റ​ത്തി​റ​ക്കു​ക​യും ഓ​ക്‌​സ്‌​ഫ​ഡ് ഇ​ക്ക​ണോ​മി​ക്‌​സ് സ​മാ​ഹ​രി​ച്ച​തു​മാ​യ മി​ഡി​ലീ​സ്റ്റി​നാ​യു​ള്ള പു​തി​യ സാ​മ്പ​ത്തി​ക റി​പ്പോ​ർ​ട്ടി​ലാ​ണ് ഈ ​നി​രീ​ക്ഷ​ണം.

ബ​ഹ്‌​റൈ​നി​ൽ പ​ണ​പ്പെ​രു​പ്പം കു​റ​ഞ്ഞ​താ​യും റി​പ്പോ​ർ​ട്ട് ചൂ​ണ്ടി​ക്കാ​ട്ടു​ന്നു. ബ​ഹ്‌​റൈ​നി​ൽ 0.7 ശ​ത​മാ​ന​വും ഒ​മാ​നി​ൽ 1.2 ശ​ത​മാ​ന​വു​മാ​ണ് പ​ണ​പ്പെ​രു​പ്പം. പ​​ക്ഷേ, 2022ൽ ​കൈ​വ​രി​ച്ച ഉ​യ​ർ​ന്ന സാ​മ്പ​ത്തി​ക വ​ള​ർ​ച്ച​ക്കു​ശേ​ഷം എ​ണ്ണ ഇ​ത​ര മേ​ഖ​ല​യു​ടെ വ​ള​ർ​ച്ച മ​ന്ദ​ഗ​തി​യി​ലാ​ണെ​ന്നും റി​പ്പോ​ർ​ട്ട് സൂ​ചി​പ്പി​ക്കു​ന്നു.

സാ​മ്പ​ത്തി​ക രം​ഗ​ത്ത് കാ​ര്യ​മാ​യ പ​രി​ഷ്‌​കാ​ര​ങ്ങ​ൾ വ​രു​ത്തി​യി​ല്ലെ​ങ്കി​ൽ 2025-30 കാ​ല​യ​ള​വി​ൽ ദേ​ശീ​യ ജി.​ഡി.​പി വ​ള​ർ​ച്ച പ്ര​തി​വ​ർ​ഷം ശ​രാ​ശ​രി ഒ​രു ശ​ത​മാ​നം മാ​ത്ര​മാ​യി കു​റ​യു​മെ​ന്നാ​ണ് റി​പ്പോ​ർ​ട്ട് പ്ര​വ​ചി​ക്കു​ന്ന​ത്. ഈ ​വ​ർ​ഷം ര​ണ്ടാം പാ​ദ​ത്തി​ൽ ബ​ഹ്‌​റൈ​ന്റെ ജി.​ഡി.​പി വ​ള​ർ​ച്ച 2.2 ശ​ത​മാ​ന​മാ​യി കു​റ​യും. ആ​ഗോ​ള മാ​ന്ദ്യം, കു​റ​ഞ്ഞ എ​ണ്ണ​വി​ല തു​ട​ങ്ങി​യ​വ​യാ​ണ് ഇ​തി​ന് കാ​ര​ണ​മാ​കു​ന്ന​ത്. 2022ൽ ​രാ​ജ്യ​ത്തി​ന്റെ സ​മ്പ​ദ്‌​വ്യ​വ​സ്ഥ 4.9 ശ​ത​മാ​നം വ​ള​ർ​ച്ച കൈ​വ​രി​ച്ചി​രു​ന്നു.

ഒ​മ്പ​തു വ​ർ​ഷ​ത്തി​നി​ട​യി​ലെ ഏ​റ്റ​വും വേ​ഗ​മേ​റി​യ വ​ള​ർ​ച്ച​യാ​യി​രു​ന്നു ഇ​ത്. വാ​റ്റ് നി​ര​ക്ക് 10 ശ​ത​മാ​ന​മാ​യി ഉ​യ​ർ​ത്തി​യ​താ​ണ് ഈ ​വ​ള​ർ​ച്ച​ക്ക് പ്ര​ധാ​ന​മാ​യും കാ​ര​ണ​മാ​യ​ത്. വാ​റ്റ് വ​ർ​ധ​ന​യു​ടെ ഗു​ണ​ഫ​ലം ഒ​ഴി​വാ​ക്കി​യാ​ൽ സ​മ്പ​ദ്‌​വ്യ​വ​സ്ഥ 3.3 ശ​ത​മാ​നം വി​കാ​സം കൈ​വ​രി​ച്ചു.

എ​ണ്ണ ഇ​ത​ര മേ​ഖ​ല​യി​ലെ വ​ള​ർ​ച്ച​യാ​ണ് ഇ​തി​ലേ​ക്ക് ന​യി​ച്ച​ത്. രാ​ജ്യ​ത്തെ എ​ണ്ണ ഉ​ൽ​പാ​ദ​ന​ത്തി​ൽ 7.8 ശ​ത​മാ​നം വ​ർ​ധ​ന കൈ​വ​രി​ച്ചി​ട്ടും ആ​ഗോ​ള എ​ണ്ണ വി​ല​യി​ൽ കു​ത്ത​നെ വ​ർ​ധ​ന​യു​ണ്ടാ​യി​ട്ടും എ​ണ്ണ മേ​ഖ​ല​യി​ൽ​നി​ന്നു​ള്ള വ​രു​മാ​നം പ്ര​തി​വ​ർ​ഷം 1.4 ശ​ത​മാ​നം എ​ന്ന തോ​തി​ൽ കു​റ​യു​ക​യാ​ണ്.

വി​മാ​ന​ത്താ​വ​ള വി​ക​സ​ന​ത്തി​ലും ഇ​ൻ​ഫ്രാ​സ്ട്ര​ക്ച​ർ പ്രോ​ജ​ക്ടു​ക​ളി​ലും രാ​ജ്യം പ്ര​ത്യേ​ക ഊ​ന്ന​ൽ ന​ൽ​കി​യി​രി​ക്കു​ന്ന​ത് ഫ​ല​പ്ര​ദ​മാ​കു​മെ​ന്നും റി​പ്പോ​ർ​ട്ട് പ​റ​യു​ന്നു.

സൗ​ദി അ​റേ​ബ്യ​യു​മാ​യു​ള്ള സാ​മീ​പ്യ​വും സൗ​ദി വി​നോ​ദ​സ​ഞ്ചാ​രി​ക​ളു​ടെ വ​ലി​യ ഒ​ഴു​ക്കും രാ​ജ്യ​ത്തി​ന് വ​ലി​യ ഗു​ണം ചെ​യ്യു​ന്നു​ണ്ട്. എ​ന്നാ​ൽ പ്രാ​ദേ​ശി​ക ടൂ​റി​സം, വി​നോ​ദ വ്യ​വ​സാ​യ​ങ്ങ​ൾ വി​ക​സി​പ്പി​ക്കാ​നു​മു​ള്ള സൗ​ദി അ​റേ​ബ്യ​യു​ടെ നീ​ക്കം ബ​ഹ്‌​റൈ​നെ ഒ​രു​പ​ക്ഷേ ബാ​ധി​ച്ചേ​ക്കാ​മെ​ന്നും റി​പ്പോ​ർ​ട്ട് ചൂ​ണ്ടി​ക്കാ​ട്ടു​ന്നു.