ബാലഭാരതി സാംസ്കാരിക ഉത്സവം 2023 സമാപിച്ചു
text_fieldsമനാമ ശ്രീകൃഷ്ണ ക്ഷേത്രത്തിൽ നടന്ന ബാലഭാരതി സാംസ്കാരിക ഉത്സവം
മനാമ: മനാമ ശ്രീകൃഷ്ണ ക്ഷേത്രത്തിൽ നടന്ന ബാലഭാരതി സാംസ്കാരിക ഉത്സവം 2023 സമാപിച്ചു. ഏപ്രിൽ 21ന് ആരംഭിച്ച ആധ്യാത്മിക പരിപാടികളോടെയാണ് സാംസ്കാരിക ഉത്സവം തുടങ്ങിയത്. പ്രത്യേക പൂജകളും വിഷുക്കണിയും സംസ്കൃത ശ്ലോക പാരായണവും മനാമ ക്ഷേത്രത്തിൽ നടന്നു. ഇന്ത്യൻ സ്കൂൾ ഓഡിറ്റോറിയത്തിൽ കുട്ടികളുടെ കലാസാംസ്കാരിക പരിപാടികൾ അരങ്ങേറി. സാംസ്കാരിക സമ്മേളനത്തിൽ ബഹ്റൈൻ ഇന്ത്യൻ സ്കൂൾ പ്രതിനിധികളും ബാലഭാരതി അധികൃതരും പങ്കെടുത്തു. അൽ മോയിദ് കമ്പനി ചീഫ് ഓപറേറ്റിങ് ഓഫിസർ ലോഹിതദാസ് മുഖ്യപ്രഭാഷണം നടത്തി.
സമ്മേളനത്തിനു ശേഷം 60ലധികം സ്ത്രീകൾ പങ്കെടുത്ത മെഗാ തിരുവാതിര അരങ്ങേറി. ഭാരതീയ പുരാണങ്ങളെയും സ്വാതന്ത്ര്യസമര ചരിത്രത്തെയും ആസ്പദമാക്കി തയാറാക്കിയ കലാപരിപാടികളിൽ നൂറോളം ബാലഭാരതി കുട്ടികൾ പങ്കെടുത്തു. കുട്ടികളെ പരിശീലിപ്പിച്ച അധ്യാപകരെ ബാലഭാരതി പ്രതിനിധികൾ മെമന്റോ നല്കി ആദരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.