കേരളീയ സമാജം പുസ്​തകോത്​സവം 12 മുതൽ; ദീപാനിശാന്തും ഹരീഷും എത്തില്ല

മനാമ: ബഹ്​റൈൻ കേരളീയ സമാജം പുസ്​തകോത്​സവം ഇൗ മാസം 12 മുതൽ തുടങ്ങും. പ്രകാശ്​ രാജ്​ ഉദ്​ഘാടനം ചെയ്യുകയും മലയാള സാഹിത്യലോകത്തെ മുൻനിരയിലുള്ളവർ പ​െങ്കടുക്കുകയും ചെയ്യുന്ന പുസ്​തകോത്​സവം ശ്രദ്ധേയമാകുന്നത്​ രണ്ട്​ പ്രമുഖരുടെ അസാന്നിദ്ധ്യംമൂലമാണ്​. ദീപാനിശാന്ത്​, എസ്​.ഹരീഷ്​ എന്നിവരെ പുസ്​തകോത്​സവത്തിലേക്ക്​ ക്ഷണിക്കുകയും അവർ വരാമെന്ന്​ സമ്മതിക്കുകയും ചെയ്​തിരുന്നു.

എന്നാൽ കവിതാമോഷണം തിളക്കം കെടുത്തിയതോടെ ദീപയെ പ​െങ്കടുപ്പിക്കുന്ന കാര്യത്തിൽ രണ്ടഭിപ്രായങ്ങളുണ്ടായി. ‘മീശ’ നോവൽ വിവാദത്തിലൂടെ ശ്ര​േദ്ധയനായ എസ്​.ഹരീഷിനെ പ​െങ്കടുപ്പിക്ക​ുന്നതിന്​ എതിരെ ചില സംഘപരിവാർ അനുകൂലികൾ രംഗത്തുവന്നതാണ്​ ഹരീഷി​​​െൻറ വരവും മുടക്കിയതും. ഹരീഷിനെ പ​െങ്കടുപ്പിച്ചാൽ, പുസ്​തകോത്​സവത്തി​​​െൻറ നിറംകെടുത്തും എന്നുള്ള തരത്തിലുള്ള ചില ഭീഷണികൾ ഇന്ത്യൻ പ്രവാസികളായ ചിലരിൽ നിന്ന്​ ഉണ്ടായതോടെയാണ്​ സമാജം ഭാരവാഹികൾ ഹരീഷിനെയും ഒഴിവാക്കിയത്​ എന്നറിയുന്നു.

മേള വൻവിജയമാക്കാനുള്ള ഒരുക്കമാണ്​ നടന്നുവരുന്നത്​. എൻ.എസ്​.മാധവൻ, കെ.ജി.ശങ്കരപ്പിള്ള, കെ.വി.മോഹൻകുമാർ,നമ്പി നാരായണൻ തുടങ്ങിയ ശ്രദ്ധേയനിരയാണ്​ മേളയിൽ സംബന്​ധിക്കുന്നത്​. ചലചിത്രതാരം പ്രകാശ്​രാജാണ്​ മേള ഉദ്​ഘാടനം ചെയ്യുന്നത്​. 10 ദിവസം തുടരുന്ന മേളയിൽ യുവ എഴുത്തുകാർക്കായി ശിൽപ്പശാലയും സംഘടിപ്പിക്കുന്നുണ്ട്​.