സ്തനാർബുദ ബോധവൽക്കരണം; വാക്കത്തോൺ നടത്തി
text_fieldsഅണ്ണെ തമിഴ് മൺട്രം സംഘടിപ്പിച്ച വാക്കത്തോൺ ഇന്ത്യൻ എംബസി സെക്കൻഡ് സെക്രട്ടറി ഇഹ്ജാസ് അസ്ലം ഉദ്ഘാടനം ചെയ്യുന്നു
മനാമ: സ്തനാർബുദ ബോധവൽക്കരണപരിപാടികളുടെ ഭാഗമായി ക്യാപിറ്റൽ ഗവർണറേറ്റിന്റെയും സിത്ര സ്പോർട്സ് ക്ലബിന്റെയും സഹകരണത്തോടെ അണ്ണെ തമിഴ് മൺട്രം വാക്കത്തോൺ സംഘടിപ്പിച്ചു.
200-ലധികം സ്ത്രീകൾ വാക്കത്തോണിൽ പങ്കെടുത്തു. പരിപാടിക്കായി പ്രത്യേകം രൂപകൽപ്പന ചെയ്ത ടി ഷർട്ടും തൊപ്പിയുമണിഞ്ഞാണ് എല്ലാവരും വാക്കത്തോണിൽ പങ്കെടുത്തത്.
ഇന്ത്യൻ എംബസി സെക്കൻഡ് സെക്രട്ടറി ഇഹ്ജാസ് അസ്ലം സി.എസ് പരിപാടി ഉദ്ഘാടനം ചെയ്തു. ക്യാപിറ്റൽ ഗവർണറേറ്റ് ഡയറക്ടർ യൂസഫ് ലോറി പങ്കെടുത്തു. കിംസ് മെഡിക്കൽ സെന്ററിലെ ഇന്റേണൽ മെഡിസിൻ ഡോ. ഹാജിറ ബീഗം സംസാരിച്ചു. അണ്ണെ തമിഴ് മൺട്രം പ്രസിഡൻറ് സെന്തിൽ ജി.കെ, ജനറൽ സെക്രട്ടറി ഡോ. താമരൈ കണ്ണൻ എന്നിവർ എല്ലാവർക്കും നന്ദി രേഖപ്പെടുത്തി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.