ചെ​ന്നൈ ഇ​ല​ക്ട്രോ​ണി​ക്സ് ക​മ്പ​നി​യും ബ​ഹ്‌​റൈ​നി​ൽ നി​ക്ഷേ​പം ന​ട​ത്തും

മ​നാ​മ: ഇ​ന്ത്യ​ൻ ക​മ്പ​നി​യാ​യ പോ​ളി​മാ​ടെ​ക്ക് 16 ദ​ശ​ല​ക്ഷം യു.​എ​സ് ഡോ​ള​ർ ബ​ഹ്‌​റൈ​നി​ൽ നി​ക്ഷേ​പം ന​ട​ത്താ​ൻ ധാ​ര​ണ​യാ​യി. സു​സ്ഥി​ര വി​ക​സ​ന മ​ന്ത്രി​യും ബ​ഹ്‌​റൈ​ൻ ഇ​ക്ക​ണോ​മി​ക് ഡെ​വ​ല​പ്‌​മെ​ന്റ് ബോ​ർ​ഡ് (ബ​ഹ്‌​റൈ​ൻ ഇ.​ഡി.​ബി) ചീ​ഫ് എ​ക്‌​സി​ക്യൂ​ട്ടി​വു​മാ​യ നൂ​ർ ബി​ൻ​ത് അ​ലി അ​ൽ ഖു​ലൈ​ഫി​ന്റെ നേ​തൃ​ത്വ​ത്തി​ലു​ള്ള സം​ഘം ന​ട​ത്തി​യ ചെ​ന്നൈ സ​ന്ദ​ർ​ശ​ന വേ​ള​യി​ലാ​ണ് ഇ​ക്കാ​ര്യ​ങ്ങ​ളി​ൽ ധാ​ര​ണ​യാ​യ​ത്.

പോ​ളി​മാ​ടെ​ക് സി.​ഇ.​ഒ​യും സ്ഥാ​പ​ക​നു​മാ​യ ഈ​ശ്വ​ര റാ​വു ന​ന്ദ​വു​മാ​യി ഇ​ക്കാ​ര്യ​ത്തി​ൽ ധാ​ര​ണ​പ​ത്രം ഒ​പ്പു​വെ​ച്ചു. ഹി​ദ്ദ് ഇ​ൻ​ഡ​സ്ട്രി​യ​ൽ ഏ​രി​യ​യി​ലാ​യി​രി​ക്കും പോ​ളി​മാ​ടെ​ക് സെ​മി​ക​ണ്ട​ക്ട​ർ നി​ർ​മാ​ണ​മാ​രം​ഭി​ക്കു​ക.

രാ​ജ്യ​ത്ത് സെ​മി​ക​ണ്ട​ക്ട​ർ നി​ർ​മാ​ണ​ഫാ​ക്ട​റി സ്ഥാ​പി​ക്കാ​നു​ള്ള പോ​ളി​മാ​ടെ​ക്കി​ന്റെ തീ​രു​മാ​നം ഡി​ജി​റ്റ​ൽ പ​രി​വ​ർ​ത്ത​ന യാ​ത്ര​യി​ലെ നാ​ഴി​ക​ക്ക​ല്ലാ​കു​മെ​ന്ന് ഇ.​ഡി.​ബി ചീ​ഫ് എ​ക്‌​സി​ക്യൂ​ട്ടി​വ് നൂ​ർ ബി​ൻ​ത് അ​ലി അ​ൽ ഖു​ലൈ​ഫ് പ​റ​ഞ്ഞു.

‘അ​ത്രി’ എ​ന്ന ബ്രാ​ൻ​ഡ് നെ​യി​മി​ലാ​കും പോ​ളി​മാ​ടെ​ക്ക് ഉ​ൽ​പ​ന്ന​ങ്ങ​ൾ പു​റ​ത്തി​റ​ങ്ങു​ക. 5G, 6G നെ​റ്റ്‌​വ​ർ​ക്കു​ക​ൾ​ക്കാ​യു​ള്ള പ്ര​ധാ​ന ഘ​ട​ക​ങ്ങ​ളാ​യി​രി​ക്കും നി​ർ​മി​ക്കു​ക. സ്മാ​ർ​ട്ട്‌​ഫോ​ണു​ക​ൾ മു​ത​ൽ ഇ​ല​ക്ട്രി​ക് വാ​ഹ​ന​ങ്ങ​ൾ വ​രെ​യു​ള്ള ആ​ധു​നി​ക ഉ​പ​ക​ര​ണ​ങ്ങ​ൾ​ക്ക് ആ​വ​ശ്യ​മാ​യ ഘ​ട​ക​മാ​ണി​ത്. ചെ​ന്നൈ​ക്കു​പു​റ​മെ മും​ബൈ, ബം​ഗ​ളൂ​രു എ​ന്നീ ഇ​ന്ത്യ​ൻ ന​ഗ​ര​ങ്ങ​ളി​ലും സം​ഘം സ​ന്ദ​ർ​ശ​നം ന​ട​ത്തി​യി​രു​ന്നു.

ഉ​ൽ​പാ​ദ​നം, പു​ന​രു​പ​യോ​ഗ ഊ​ർ​ജം, ഇ​ൻ​ഫ​ർ​മേ​ഷ​ൻ ആ​ൻ​ഡ് ക​മ്മ്യൂ​ണി​ക്കേ​ഷ​ൻ​സ് ടെ​ക്‌​നോ​ള​ജി (ഐ.​സി.​ടി) എ​ന്നീ മേ​ഖ​ല​ക​ളി​ൽ മ​റ്റു ഇ​ന്ത്യ​ൻ ക​മ്പ​നി​ക​ളും ബ​ഹ്റൈ​നി​ൽ നി​ക്ഷേ​പം ന​ട​ത്താ​ൻ ധാ​ര​ണ​യാ​യി​രു​ന്നു.

പ്ര​മു​ഖ പാ​ക്കേ​ജി​ങ് സൊ​ല്യൂ​ഷ​ൻ പ്രൊ​വൈ​ഡ​റാ​യ കിം​കോ ബ​ഹ്‌​റൈ​ൻ ഇ​ന്റ​ർ​നാ​ഷ​ന​ൽ ഇ​ൻ​വെ​സ്റ്റ്‌​മെ​ന്റ് പാ​ർ​ക്കി​ൽ (ബി.​ഐ.​ഐ.​പി) ഉ​ൽ​പാ​ദ​ന ശേ​ഷി വ​ർ​ധി​പ്പി​ക്കാ​ൻ തീ​രു​മാ​നി​ച്ചി​രു​ന്നു. പ്ലാ​സ്റ്റി​ക് പാ​ക്കേ​ജി​ങ് രം​ഗ​ത്ത് ക​മ്പ​നി 2013 മു​ത​ൽ ബ​ഹ്റൈ​നി​ൽ പ്ര​വ​ർ​ത്തി​ക്കു​ന്നു​ണ്ട്.

ബ​ജാ​ജ് ഇ​ൻ​ഡ​സ്ട്രീ​സും ബ​ഹ്‌​റൈ​നി​ൽ നി​ക്ഷേ​പം ന​ട​ത്തു​ന്നു​ണ്ട്. ഖ​ലീ​ഫ ബി​ൻ സ​ൽ​മാ​ൻ തു​റ​മു​ഖ​ത്ത് 11.40 മെ​ഗാ​വാ​ട്ട് സോ​ളാ​ർ പ​ദ്ധ​തി വി​ക​സി​പ്പി​ക്കു​ന്ന​തി​ന് ക​മ്പ​നി ഖ​ലീ​ഫ ബി​ൻ സ​ൽ​മാ​ൻ തു​റ​മു​ഖം ഓ​പ​റേ​റ്റ​റാ​യ എ.​പി.​എം ടെ​ർ​മി​ന​ൽ​സു​മാ​യി 10 വ​ർ​ഷ​ത്തെ ക​രാ​ർ ഒ​പ്പു​വെ​ച്ചി​ട്ടു​ണ്ട്. ഒ​രു ഇ​ന്ത്യ​ൻ ഐ.​സി.​ടി സ്ഥാ​പ​ന​വും ബ​ഹ്‌​റൈ​നി​ൽ നി​ക്ഷേ​പം ന​ട​ത്താ​ൻ മു​ന്നോ​ട്ടു​വ​ന്നി​ട്ടു​ണ്ട്.

അ​തി​ന്റെ പ്രാ​ദേ​ശി​ക ആ​സ്ഥാ​നം ബ​ഹ്റൈ​നി​ൽ സ്ഥാ​പി​ക്കാ​നാ​ണു​ദ്ദേ​ശി​ക്കു​ന്ന​ത്. ഒ​രു ക​മ്പ​നി ഹെ​ൽ​ത്ത് കെ​യ​ർ മേ​ഖ​ല​യി​ൽ 50 ദ​ശ​ല​ക്ഷം ഡോ​ള​റി​ന്റെ നി​ക്ഷേ​പ​ത്തി​നൊ​രു​ങ്ങു​ക​യാ​ണ്.

2019 മു​ത​ൽ ബ​ഹ്റൈ​നി​ലെ ഇ​ന്ത്യ​ൻ നി​ക്ഷേ​പ​ത്തി​ൽ 62ശ​ത​മാ​നം വ​ള​ർ​ച്ച​യു​ണ്ട്. 2019 നും 2023 ​നും ഇ​ട​യി​ൽ ഇ​ന്ത്യ​ൻ വി​ദേ​ശ​നി​ക്ഷേ​പം 36.6ശ​ത​മാ​നം വ​ർ​ധി​ച്ചു. ഓ​രോ വ​ർ​ഷ​വും ശ​രാ​ശ​രി 102 ദ​ശ​ല​ക്ഷം ഡോ​ള​റി​ന്റെ വ​ർ​ധ​ന​വു​ണ്ട്. 2023ൽ ​ഇ​ന്ത്യ​യി​ൽ നി​ന്നു​ള്ള വി​ദേ​ശ​നി​ക്ഷേ​പം 1.52 ബി​ല്യ​ൺ ഡോ​ള​റി​ലെ​ത്തി.