സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രലിൽ പെരുന്നാൾ
text_fieldsസെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രലിൽ പെരുന്നാളിന് കൊടിയേറിയപ്പോൾ
മനാമ: ബഹ്റൈൻ സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രലിൽ പരിശുദ്ധ ദൈവമാതാവിന്റെ വാങ്ങിപ്പ് പെരുന്നാളിന് സഹ വികാരി ഫാ. ജേക്കബ് തോമസ് കൊടിയേറ്റി. ആഗസ്റ്റ് 15 വരെ കത്തീഡ്രലിൽ നടത്തുന്ന വാങ്ങിപ്പ് പെരുന്നാളിനും ധ്യാന യോഗങ്ങൾക്കും അഖില മലങ്കര ഓർത്തഡോക്സ് ക്രൈസ്തവ യുവജന പ്രസ്ഥാനം ജനറൽ സെക്രട്ടറി ഫാ. വിജു ഏലിയാസ് നേതൃത്വം നൽകും.
എല്ലാ ദിവസവും മധ്യസ്ഥ പ്രാർഥനയും, ആഗസ്റ്റ് 8, 11, 12, 13 തീയതികളിൽ ധ്യാന യോഗവും ഉണ്ടായിരിക്കും. 13ന് വൈകീട്ട് 6:45ന് സന്ധ്യാ നമസ്കാരവും ധ്യാന യോഗവും പ്രദക്ഷിണവും, 14ന് വൈകീട്ട് 6:15ന് സന്ധ്യാ നമസ്കാരവും വി. കുർബാനയും, മധ്യസ്ഥ പ്രാർഥനയും നേർച്ചയും ഉണ്ടായിരിക്കും.
വിശ്വാസികൾ പ്രാർഥനാപൂർവം വി. നോമ്പ് അനുഷ്ഠിച്ചും, ധ്യാന യോഗങ്ങളിൽ പങ്കെടുത്തും അനുഗ്രഹം പ്രാപിക്കണമെന്ന് കത്തീഡ്രൽ വികാരി ഫാ. സുനിൽ കുര്യൻ ബേബി, ട്രസ്റ്റി റോയി ബേബി, ആക്ടിങ് സെക്രട്ടറി മാത്യൂസ് നൈനാൻ എന്നിവർ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.