പ്രവാസ മണ്ണിൽ വിരിഞ്ഞ 'കളറുപടം'

മനാമ: പൂർണമായും ബഹ്​റൈനിൽ ചിത്രീകരിച്ച 'കളറുപടം' എന്ന ഷോർട്ട്ഫിലിം പ്രേക്ഷക ശ്രദ്ധയാകർഷിക്കുന്നു.സിനിമാ മോഹിയായ ഒരു ചെറുപ്പക്കാര​െൻറ ജീവിതം രസകരമായ കഥാമുഹൂർത്തങ്ങളിലൂടെ അവതരിപ്പിക്കുന്ന ഈ ഷോർട്ട്ഫിലിം റിലീസ് ചെയ്​ത്​ രണ്ട്​ ദിവസത്തിനകം യുട്യൂബിൽ 40,000ത്തോളം പേർ കണ്ടു. പ്രമുഖ സിനിമാ താരങ്ങളുടെ ഫേസ്​ബുക്ക്​ അക്കൗണ്ടുകളിലൂടെയാണ്​ കഴിഞ്ഞ ദിവസം ചിത്രം റിലീസ്​ ചെയ്​തത്​.

സംവിധായകനും അഭിനേതാക്കളും ഉൾപ്പെടെ ചിത്രത്തി​െൻറ അണിയറ ​പ്രവർത്തകരെല്ലാം ബഹ്​റൈനിൽ ജോലി ചെയ്യുന്നവരാണ്​. കെൽ‌വിൻ ജെയിംസ്, പ്യാരി സാജൻ തുടങ്ങിയവരാണ് പ്രധാന വേഷങ്ങളിൽ എത്തുന്നത്. നായകനടക്കം ഭൂരിഭാഗം അഭിനേതാക്കളും പുതുമുഖങ്ങളാണ്​.നായികയുടെ വേഷം അവതരിപ്പിച്ച പ്യാരി സാജൻ 'ഫാൻസിഡ്രസ്​' എന്ന മലയാള സിനിമയിൽ അഭിനയിച്ചിട്ടുണ്ട്​. ഇവരെ കൂടാതെ വിനോദ് ദാസ്, ശരത്, ജാഷിദ്, ജിത്തു, ടോം തോമസ്, മെൽവിൻ, രാജീവ്‌, ദീപ തുടങ്ങിയവർ പ്രധാന വേഷങ്ങളിൽ എത്തുന്നു.

ഒരു വർഷത്തോളമെടുത്താണ്​ ചിത്രീകരണം പൂർത്തിയാക്കിയതെന്ന്​ ബഹ്​റൈനിൽ അക്കൗണ്ടൻറായി ജോലി ചെയ്യുന്ന സംവിധായകൻ അമൽ ജോൺ പറഞ്ഞു. സാർ, മനാമ, കാനൂ ഗാർഡൻ തുടങ്ങിയ ലൊക്കേഷനുകളിലായിരുന്നു ചിത്രീകരണം. അവധി ദിവസങ്ങളിലാണ്​ ചിത്രീകരണം നടത്തിയത്​. രചനയും അമൽ ജോൺതന്നെയാണ്​.

ഗൗരി മാധവ് പ്രൊഡക്​ഷൻസി​െൻറ ബാനറിൽ വിനോദ് ദാസാണ്​ ചിത്രം നിർമിച്ചത്​​. ഹരി എസ്. പത്മനാണ് കാമറ ചെയ്​തത്​. എഡിറ്റിങ്​ ജാഷിദും ബി.ജി.എം ഷിബിൻ പി. സിദ്ദിഖും നിർവഹിച്ചു.