ഫാറൂഖ് അൽ മുഅയ്യദിന്റെ നിര്യാണത്തിൽ അനുശോചിച്ചു

മനാമ: ബഹ്റൈനിലെ പ്രമുഖ വ്യവസായിയും വൈ.കെ അൽ മുഅയ്യദ് ഗ്രൂപ് ചെയർമാനുമായിരുന്ന ഫാറൂഖ് അൽ മുഅയ്യദിന്റെ നിര്യാണത്തിൽ വേൾഡ് എൻ.ആർ.ഐ കൗൺസിലും ഹ്യുമാനിറ്റേറിയൻ എയ്ഡ്, മിഡിലീസ്റ്റ് റീജിയനും അനുശോചിച്ചു.

അദ്ദേഹത്തിന്റെ ദീർഘവീക്ഷണമുള്ള നേതൃത്വവും അചഞ്ചലമായ അർപ്പണബോധവും ബഹ്റൈന്റെ വികസനത്തിൽ മായാത്ത മുദ്ര പതിപ്പിച്ചിട്ടുണ്ട്. അദ്ദേഹത്തിന്റെ മാതൃകാപരമായ ജീവിതം വരുംതലമുറകൾക്ക് പ്രചോദനമാകട്ടെയെന്നും ഹ്യുമാനിറ്റേറിയൻ എയ്ഡ്, മിഡിലീസ്റ്റ് റീജിയൻ ഡയറക്ടർ സുധീർ തിരുനിലത്ത് അനുശോചനക്കുറിപ്പിൽ പറഞ്ഞു.