കോവിഡിനെ നേരിടാൻ ​​ബഹ്​റൈനിൽ വളൻറിയർമാരാകാം

മനാമ: കൊറോണ വൈറസിനെ നേരിടാനുള്ള ശ്രമങ്ങൾ ഉൗർജിതമാക്കുന്നതിന്​​ ബഹ്​റൈൻ വളൻറിയർമാർക്ക്​ അവസരം നൽകുന്നു. കേ ാവിഡ്​ -19 പ്രതിരോധ പ്രവർത്തനങ്ങൾ ഏകോപിപ്പിക്കുന്ന നാഷനൽ ടാസ്​ക്​ഫോഴ്​സ്​ ആണ്​ വളൻറിയർമാരെ തെരഞ്ഞെടുക്കുന്നത്​.

മെഡിക്കൽ, അഡ്​മിനിസ്​ട്രേഷൻ, ലോജിസ്​റ്റിക്​ തുടങ്ങിയ രംഗങ്ങളിലാണ്​ വളൻറിയർമാരാകാൻ അവസരം. സാമൂഹിക ഉത്തരവാദിത്തം ഏറ്റെടുക്കാനും സമൂഹത്തോട്​ ​െഎക്യദാർഢ്യം പ്രഖ്യാപിക്കാനും സാഹചര്യമൊരുക്കുക എന്ന ലക്ഷ്യത്തോടെയാണ്​ വളൻറിയർമാരെ തെരഞ്ഞെടുക്കുന്നത്​. താൽപര്യമുള്ളവർ http://volunteer.gov.bh/ എന്ന വെബ്​സൈറ്റ്​ വഴി​ അപേക്ഷിക്കണം.