കോവിഡ്​: ധനശേഖരണം വൻ വിജയം

മനാമ: കോവിഡ്​ പ്രതിരോധ നടപടികൾക്ക്​ ധനശേഖരണത്തിനുവേണ്ടി റോയൽ ഹ്യൂമാനിറ്റേറിയൻ ഫൗണ്ടേഷൻ ആരംഭിച്ച ‘ഫീന ഖൈ ർ’കാമ്പയിൻ വൻ വിജയം. രാജ്യത്തെ പൗരൻമാരിൽനിന്നും പ്രവാസികളിൽനിന്നും കമ്പനികളിൽനിന്നും മികച്ച പ്രതികരണമാണ്​ ധനശേഖരണത്തിന്​ ലഭിച്ചത്​. ഇതുവരെ 35,737,746 ദിനാറാണ്​ നിധിയിലേക്ക്​ സംഭാവനയായി എത്തി​. 40000ഒാളം വ്യക്​തികളും 500ലധികം സ്​ഥാപനങ്ങളും ഇൗ ദൗത്യത്തിൽ പങ്കുചേർന്നു.

ഹമദ് രാജാവി​​െൻറ ചാരിറ്റി, യുവജന കാര്യങ്ങള്‍ക്കായുള്ള പ്രത്യേക പ്രതിനിധിയും ദേശീയ പ്രതിരോധ സമിതി ഉപദേഷ്​ടാവുമായ ശൈഖ് നാസിര്‍ ബിന്‍ ഹമദ് ആല്‍ ഖലീഫയാണ്​ 10 ലക്ഷം ദിനാർ സംഭാവന നല്‍കി ഒരാഴ്​ച മുമ്പ്​ കാമ്പയിന്​ തുടക്കം കുറിച്ചത്​. പിന്നീട്​, ജനങ്ങൾ ഒന്നാകെ ഇൗ കാമ്പയിൻ ഏറ്റെടുക്കുകയായിരുന്നു. ഏപ്രിൽ 30നാണ്​ കാമ്പയിൻ സമാപിക്കുക.

കോവിഡ്​ പ്രതിരോധ പ്രവർത്തനങ്ങളിൽ സർക്കാരിനെ സഹായിക്കാൻ സന്നദ്ധത അറിയിച്ച്​ നിരവധി സ്വകാര്യ സ്​ഥാപനങ്ങളും വ്യക്​തികളും രംഗത്തെത്തിയിരുന്നു. ഇതേത്തുടർന്നാണ്​ ധനശേഖരണ കാമ്പയിൻ ആരംഭിച്ചത്​.
സർക്കാരി​​െൻറ ഇൗ ഉദ്യമത്തിൽ സഹകരിച്ച എല്ലാവർക്കും ശൈഖ് നാസിര്‍ ബിന്‍ ഹമദ് ആല്‍ ഖലീഫ നന്ദി പറഞ്ഞു. കോവിഡിനെ നേരിടാൻ ബഹ്​റൈൻ സ്വീകരിച്ച നടപടികൾ അന്താരാഷ്​ട്ര തലത്തിലും ലോകാരോഗ്യ സംഘടനയുടെയും പ്രശംസ നേടിയതായി അദ്ദേഹം പറഞ്ഞു.