261 പേർക്ക്​ കൂടി കോവിഡ്​

മനാമ: ബഹ്​റൈനിൽ 261 പേർക്ക്​ കൂടി കോവിഡ്​ സ്​ഥിരീകരിച്ചു. ഇവരിൽ 86 പേർ പ്രവാസികളാണ്​. 171 പേർക്ക്​ സമ്പർക്കത്തിലൂടെയും നാല്​ പേർക്ക്​ യാത്രയിലൂടെയുമാണ്​ രോഗം പകർന്നത്​. വ്യാഴാഴ്​ച ഒരാൾ കൂടി കോവിഡ്​ ബാധിച്ച്​ മരിച്ചു. 88 വയസ്സുള്ള സ്വദേശിയാണ്​ മരിച്ചത്​. പുതുതായി 249 പേർ സുഖം പ്രാപിച്ചതായും ആരോഗ്യമന്ത്രാലയം അറിയിച്ചു. ഇതോടെ, രാജ്യത്ത്​ രോഗമുക്​തി നേടിയവരുടെ എണ്ണം 79929 ആയി ഉയർന്നു.