കോവിഷീൽഡ് വാക്​സിൻ: ബഹ്​റൈനിൽ​ രണ്ടാമത്തെ ഡോസ്​ നൽകുന്ന കാലയളവ്​ നീട്ടി

മനാമ: ബഹ്​റൈനിൽ കോവിഷീൽഡ്​-ആസ്​ട്ര സെനേക്ക വാക്​സിൻ നൽകാനുള്ള കാലയളവിൽ മാറ്റം വരുത്തി. രണ്ടാമത്തെ ഡോസ്​ നൽകുന്നത്​ നാലാഴ്​ചക്കുശേഷം എന്നത്​ എട്ടാഴ്​ചക്കുശേഷം എന്നാക്കി.

പൊതുജനാരോഗ്യ കാര്യ അണ്ടർ സെക്രട്ടറി ഡോ. മർയം ഇബ്രാഹിം അൽ ഹാജ്​രിയാണ്​ ഇക്കാര്യം അറിയിച്ചത്​. രണ്ടാമത്തെ ഡോസ്​ എട്ടാഴ്​ച കഴിഞ്ഞ്​ നൽകുന്നതാണ്​ കൂടുതൽ ഫലപ്രദം എന്ന്​ പഠനങ്ങളിൽ വ്യക്​തമായതി​െൻറ അടിസ്​ഥാനത്തിലാണ്​ നടപടി. ലോകാരോഗ്യ സംഘടനയും ഇതുസംബന്ധിച്ച നിർദേശം നൽകിയിരുന്നു.

അതിനിടെ, മുലയൂട്ടുന്ന അമ്മമാർക്കും ഗർഭിണികൾക്കും വാക്​സിൻ നൽകാനുള്ള നടപടി തുടങ്ങി. സിനോഫാം, ഫൈസർ-ബയോൺടെക്​ വാക്​സിനുകളാണ്​ ഇവർക്ക്​ നൽകുന്നത്​. ആരോഗ്യ മന്ത്രാലയത്തി​െൻറ വെബ്​സൈറ്റ്​, ബി അവെയർ ആപ്പ്​ എന്നിവ വഴി വാക്​സിന്​ രജിസ്​റ്റർ ചെയ്യാം​.