നോ​മ്പി​െൻറ കൗ​തു​കം

ഓ​ർ​മ​വെ​ച്ച നാ​ൾ മു​ത​ൽ താ​ത്ത​യും ഇ​ക്ക​യും ഉ​മ്മ​യു​മൊ​ക്കെ നോ​മ്പ് പി​ടി​ക്കു​മ്പോ​ൾ എ​നി​ക്കും നോ​മ്പ് നോ​ൽ​ക്കാ​ൻ വ​ലി​യ ആ​ശ​യാ​യി​രു​ന്നു. അ​ത്താ​ഴ​ത്തി​നു വി​ളി​ക്കാ​ൻ ഞാ​ൻ എ​ല്ലാ​വ​രോ​ടും പ​റ​ഞ്ഞു​വെ​ക്കും. ചി​ല ദി​വ​സ​ങ്ങ​ളി​ൽ വി​ളി​ക്കും. ചി​ല ദി​വ​സ​ങ്ങ​ളി​ൽ വി​ളി​ക്കി​ല്ല. അ​പ്പോ​ൾ കു​റ​ച്ചു നേ​ര​ത്തേ​ക്ക് പി​ണ​ങ്ങി​നി​ൽ​ക്കും.

നോ​മ്പ് തു​ട​ങ്ങു​ന്ന​തി​െൻറ തൊ​ട്ട​ടു​ത്ത ദി​വ​സ​ങ്ങ​ൾ ഭ​യ​ങ്ക​ര ര​സ​മാ​യി​രു​ന്നു. വീ​ട് ത​ന്നെ ത​യാ​റെ​ടു​പ്പു​ക​ളു​ടെ നാ​ളു​ക​ളാ​യി​രി​ക്കും. വീ​ട്ടി​ലെ വാ​തി​ലും ക​ട്ടി​ള​ക​ളു​മൊ​ക്കെ തൊ​ട്ട​ടു​ത്തു​ള്ള വീ​ടു​ക​ളി​ലും തൊ​ടി​ക​ളി​ലു​മാ​യി കാ​ണു​ന്ന ഉ​ര​സ​മു​ള്ള ഇ​ല​ക​ൾ കൊ​ണ്ടു​വ​ന്ന്​ വൃ​ത്തി​യാ​ക്കും. പി​ന്നെ അ​രി പൊ​ടി​പ്പി​ക്ക​ലും മ​സാ​ല​ക​ൾ പൊ​ടി​പ്പി​ക്ക​ലു​മാ​യി നോ​മ്പി​നെ വ​ര​വേ​ൽ​ക്കും. നോ​മ്പ് തു​ട​ങ്ങി​ക്ക​ഴി​ഞ്ഞാ​ൽ വേ​റെ ഒ​രു ര​സ​മാ​ണ്. തൊ​ട്ട​ടു​ത്തു​ള്ള പ​ള്ളി​യി​ൽ​നി​ന്ന് കു​റ​ച്ചു സ​മ​യ​ത്തേ​ക്ക്​ ഖു​ർ​ആ​ൻ പാ​രാ​യ​ണം കേ​ൾ​ക്കാം. നോ​മ്പ് തു​ട​ങ്ങി​ക്ക​ഴി​ഞ്ഞാ​ൽ ഉ​ച്ച​ക്കു​ള്ള നി​സ്‍കാ​ര​മൊ​ക്കെ ക​ഴി​ഞ്ഞു അ​വി​ടെ കി​ട​ന്ന് കു​റ​ച്ചു ക​ഴി​ഞ്ഞാ​ണ്​ വീ​ട്ടി​ലേ​ക്കു വ​രു​ക. പി​ന്നെ ക്ലോ​ക്കി​ലേ​ക്കു​ള്ള നോ​ട്ട​മാ​യി​രി​ക്കും. പ​ള്ളി​യി​ൽ​നി​ന്ന് ബാ​ങ്കി​െൻറ വി​ളി​യു​ണ്ടോ എ​ന്ന​റി​യാ​ൻ ചെ​വി കൂ​ർ​പ്പി​ച്ചി​രി​ക്കും. അ​തി​െൻറ ഇ​ട​ക്ക്​ ഉ​മ്മ വി​ളി​ക്കും; എ​ടാ എ​ന്നെ ഒ​ന്ന്‌ സ​ഹാ​യി​ക്കൂ. ഞാ​ൻ ഒ​ന്നും ര​ണ്ടും പ​റ​ഞ്ഞു ഉ​മ്മാ​നെ പ​ത്തി​രി ചു​ടാ​ൻ സ​ഹാ​യി​ക്കും. അ​ങ്ങ​നെ ബാ​ങ്ക്‌ വി​ളി​ച്ചാ​ൽ ത​രി​ക്ക​ഞ്ഞി​യും നാ​ര​ങ്ങാ​വെ​ള്ള​വു​മൊ​ക്കെ കു​ടി​ച്ചു നോ​മ്പ് തു​റ​ക്കും. വീ​ടി​ന​ടു​ത്തു​ള്ള മി​നി ചേ​ച്ചി​ക്കും അം​ബു​ജാ​ക്ഷി അ​മ്മ​ക്കു​മു​ള്ള പ​ത്തി​രി​യൊ​ക്കെ ഉ​മ്മ ഇ​തി​ന​കം റെ​ഡി​യാ​ക്കി വെ​ച്ചി​രി​ക്കും. അ​തെ​ല്ലാം കൊ​ണ്ടു​പോ​യി കൊ​ടു​ക്കും. സ്​​നേ​ഹ​ത്തി​െൻറ​യും സാ​ഹോ​ദ​ര്യ​ത്തി​െൻറ​യും നോ​മ്പ​നു​ഭ​വ​ങ്ങ​ളാ​യി​രു​ന്നു അ​തൊ​ക്കെ.