‘യുദ്ധഭൂമിയിൽ ശവങ്ങളെ തോളിലേറ്റി മറവുചെയ്​ത ദയാബായി’

മനാമ: അതിരുകൾക്കുമപ്പുറമുള്ള മാനവ സമൂഹത്തിനായി നടത്തിയ കാര​ുണ്യപ്രവർത്തനങ്ങളാണ്​ ദയാബായിയെ ബഹ്​റൈൻ സിംസി ​​​െൻറ അവാർഡിനായി തെരഞ്ഞെടുക്കാൻ കാരണമായതെന്ന്​ ഭാരവാഹികൾ പറഞ്ഞു. പറഞ്ഞറിയിക്കാൻ കഴിയാത്ത ദുരിതങ്ങൾ നേരിട് ട സമൂഹങ്ങൾക്ക്​ തണലും തലോടലും നൽകിയ നൽകിയ മാതൃക വനിതയാണ്​ അവർ. പാലായിലെ പൂവരണിയിൽ ജനിച്ച് 16 ാം വയസിൽ ജന്മ നാട് വിട്ട മേഴ്സി മാത്യു എന്ന ദയാഭായി നിയമബിരുദമെടുത്ത് മുംബൈ ടാറ്റാ ഇൻസ്​റ്റിറ്റ്യൂട്ട്​ ഓഫ് സോഷ്യൽ സയൻസിൽ നിന്ന്​ എം.എസ്.ഡബ്ല്യുവും പഠിച്ചിറങ്ങി. യൂറോപ്പിലും അമേരിക്കയിലുമുള്ള യൂനിവേഴ്സിറ്റികളിലെ വിസിറ്റിങ് പ്രൊഫസറായി സേവനം അനുഷ്​ഠിക്കുകയും ചെയ്​തു.

പിന്നീടുള്ള അവരുടെ ജീവിതം ബിഹാർ ഹരിയാന, മഹാരാഷ്ട്ര, പശ്ചിമബംഗാൾ എന്നിവിടങ്ങളിലെ ആദിവാസികള്ക്കും അവഗണിക്കപ്പെട്ട വിഭാഗങ്ങൾക്കുമിടയിൽ ദീർഘവർഷങ്ങൾ സേവനംചെയ്ത ദയാബായി ബംഗ്ലാദേശിലെ യുദ്ധഭൂമിയിലുമെത്തി. പരിക്കേറ്റ മനുഷ്യരെ ശുശ്രൂഷിച്ചും ചിതറിക്കിടന്ന ശവശരീരങ്ങൾ തോളിലേറ്റി മറവുചെയ്​തും മനുഷ്യരുടെ മനുഷ്യത്വത്തി​​​െൻറ ഓരം പറ്റി ജീവിതം ഉഴിഞ്ഞുവച്ചു. കഴിഞ്ഞ രണ്ടുവർഷമായി കാസർഗോഡ് ജില്ലയിലുള്ള എൻഡോസൾഫാൻ ദുരിതബാധിതർക്കുവേണ്ടി അക്ഷീണം പോരാടിക്കൊണ്ടിരിക്കുന്ന ദയാബായി തുടർന്നുള്ള ത​​​െൻറ പ്രവർത്തങ്ങൾ ഈ ദുരിതബാധിതരെ പുനരധിവസിപ്പിക്കുന്നതിന് വേണ്ടിയാണ്. ഇക്കാരണങ്ങളാലാണ്​ ദയാബായിക്ക്​ പുരസ്​ക്കാരം നൽകാൻ തങ്ങൾ തീരുമാനത്തിൽ എത്തിച്ചേർന്നതെന്നും ഭാരവാഹികൾ പറഞ്ഞു.

സിംസ്​ വർക്കേഴ്​സ്​ ഒാഫ്​ മേഴ്​സി അവാർഡ്​ ദയാബായിക്ക്​
മനാമ: ബഹ്​റൈനിലെ മലയാളി പ്രവാസ സംഘടനയായ സിംസി​​​െൻറ ‘സിംസ് വർക്ക് ഓഫ് മേഴ്​സി 2019’ അവാർഡിന്​ ദയാബായിയെ തെരഞ്ഞെടുത്തതായി ഭാരവാഹികൾ വാർത്താസമ്മേളനത്തിൽ അറിയിച്ചു. മാർച്ച് ഒന്നിന് ഇന്ത്യൻ ക്ലബ്ബ് ആഡിറ്റോറിയത്തിൽ നടക്കുന്ന അവാർഡ് ദാന ചടങ്ങിൽ ബഹ്​റൈനിലെ പ്രമുഖരും, ഇന്ത്യൻ എംബസി പ്രതിനിധികളും പങ്കെടുക്കും. ജീവകാരുണ്യ മേഖലയിൽ ജീവിതം സമർപ്പിച്ച്​ ശ്രദ്ധേയമായ പ്രവർത്തനങ്ങൾ നടത്തുന്ന വ്യക്തികളെയും സംഘടനകളെയും ആദരിക്കുന്നതിന് വേണ്ടിയാണ് 2012 മുതൽ സിംസ് വർക്ക് ഓഫ് മേഴ്​സി അവാർഡ് നൽകിത്തുടങ്ങിയത്. കിഡ്​നി ഫെഡറേഷൻ ഓഫ് ഇന്ത്യ ചെയർമാൻ ഡോ ഡേവിസ് ചിറമേൽ, ബഹ്റൈൻ ഡിസേബിൾഡ് സൊസൈറ്റി ചെയർമാനും രാജ കുടുംബാംഗവും ആയ ശൈഖ്​ ദുവൈജ് ഖലീഫ ബിൻ ദുവൈജ് ആൽ ഖലീഫ, കോട്ടയം കേന്ദ്രമാക്കി പ്രവർത്തിക്കുന്ന നവജീവൻ ട്രസ്റ്റി​​​െൻറ സാരഥി പി.യു തോമസ്, കെ.എം.സി.സി യുടെ ബഹ്റൈൻ ഘടകം, ഡോ.എം.എസ് സുനിൽ തുടങ്ങിയവർക്കാണ് മുൻ വർഷങ്ങളിൽ സിംസ് വർക്ക് ഓഫ് മേഴ്​സി അവാർഡ് നൽകി ആദരിച്ചിട്ടുള്ളത്. വാർത്ത സമ്മേളനത്തിൽ സിംസ് പ്രസിഡൻറ്​ പോൾ ഉറുവത് , ജനറൽസെക്രട്ടറി ജോയ് തരിയത്, വൈസ്​ പ്രസിഡൻറ്​ ചാൾസ് ആലുക്ക, സിംസ് വർക്ക് ഓഫ് മേഴ്​സി ജനറൽ കൺവീനർ ഫ്രാൻസിസ് കൈതാരത്ത്, ഭരണസമിതി അംഗങ്ങൾ ആയ ജീവൻ ചാക്കോ ,മോൻസി മാത്യൂ , ജേക്കബ് വാഴപ്പിള്ളി,ജോയ് എം എൽ ,സജു സ്റ്റീഫൻ ,ബിനോയ് ജോസഫ്, റൂസോ ജോസഫ്, സിംസ് ചാരിറ്റി വിങ് കൺവീനർമാരായ ഷാജൻ സെബാസ്​റ്റ്യൻ തുടങ്ങിയവർ പങ്കെടുത്തു.