പ്ര​വാ​സി​ക​ൾ​ക്ക് അ​ഞ്ചു ദി​വ​സ​ത്തി​നു​ള്ളി​ൽ ഡ്രൈ​വി​ങ് ടെ​സ്റ്റ് ഡേ​റ്റ്; സ്വാ​ഗ​തം ചെ​യ്ത് പ്ര​വാ​സ​ലോ​കം

മ​നാ​മ: പ്ര​വാ​സി​ക​ൾ​ക്ക് അ​ഞ്ചു ദി​വ​സ​ത്തി​നു​ള്ളി​ൽ ഡ്രൈ​വി​ങ് ടെ​സ്റ്റ് ഡേ​റ്റ് ന​ൽ​കു​മെ​ന്ന മ​ന്ത്രി കെ.​ബി. ഗ​ണേ​ഷ് കു​മാ​റി​ന്റെ പ്ര​ഖ്യാ​പ​ന​ത്തെ ഹ​ർ​ഷാ​ര​വ​ത്തോ​ടെ​യാ​ണ് പ്ര​വാ​സി​ക​ൾ എ​തി​രേ​ൽ​ക്കു​ന്ന​ത്. രാ​ഷ്ട്രീ​യ ഭേ​ദ​മ​ന്യെ ഏ​താ​ണ്ടെ​ല്ലാ സം​ഘ​ട​ന​ക​ളും ഈ ​തീ​രു​മാ​ന​ത്തെ സ്വാ​ഗ​തം ചെ​യ്യു​ക​യാ​ണ്. ബ​ഹ്‌​റൈ​ൻ കേ​ര​ളീ​യ സ​മാ​ജ​ത്തി​ലെ ഓ​ണാ​ഘോ​ഷ​ത്തി​ൽ പ​ങ്കെ​ടു​ക്ക​വേ​യാ​ണ് കേ​ര​ള ഗ​താ​ഗ​ത മ​ന്ത്രി ഈ ​പ്ര​ഖ്യാ​പ​നം ന​ട​ത്തി​യ​ത്.

ലൈ​സ​ൻ​സ് പ​രി​ഷ്‍ക​ര​ണം കൊ​ണ്ടു​വ​രു​മ്പോ​ൾ താ​ൻ ആ​ദ്യം മു​ന്നോ​ട്ടു​വെ​ച്ച​ത് ഒ​രു ദി​വ​സം നാ​ൽ​പ​ത് ലൈ​സ​ൻ​സ് ന​ൽ​കു​മ്പോ​ൾ 25 എ​ണ്ണം പു​തി​യ ആ​ളു​ക​ൾ​ക്കും പ​ത്തെ​ണ്ണം തോ​റ്റ ആ​ളു​ക​ൾ​ക്കും അ​ഞ്ചെ​ണ്ണം പ്ര​വാ​സി​ക​ൾ​ക്കു​മാ​യി മാ​റ്റി​വെ​ക്ക​ണം എ​ന്നാ​ണെ​ന്ന് മ​ന്ത്രി പ​റ​ഞ്ഞു. പ്ര​വാ​സി​ക​ൾ വ​ന്നി​ല്ലെ​ങ്കി​ൽ മാ​ത്രം, ആ ​അ​വ​സ​രം​കൂ​ടി തോ​റ്റ ആ​ളു​ക​ൾ​ക്ക് കൊ​ടു​ക്കാം എ​ന്നാ​ണ് തീ​രു​മാ​ന​മെ​ന്നും മ​ന്ത്രി വ്യ​ക്ത​മാ​ക്കി.

അ​വ​ധി​ക്കാ​യി നാ​ട്ടി​ലെ​ത്തു​ന്ന പ്ര​വാ​സി​ക​ൾ​ക്ക് ഡ്രൈ​വി​ങ് ലൈ​സ​ൻ​സി​നു​ള്ള ടെ​സ്റ്റ് തീ​യ​തി കി​ട്ടാ​ൻ ഏ​റെ പ്ര​യാ​സ​മാ​യി​രു​ന്നു. ഇ​ക്കാ​ര്യം സൂ​ചി​പ്പി​ച്ച് പ്ര​വാ​സി സം​ഘ​ട​ന​ക​ൾ മ​ന്ത്രി​ക്ക് നി​വേ​ദ​നം ന​ൽ​കു​ക​യും ചെ​യ്തു. ലോ​ക കേ​ര​ള സ​ഭ​യി​ലും ഇ​തേ ആ​വ​ശ്യം വി​വി​ധ സ​ഭാം​ഗ​ങ്ങ​ൾ ഉ​ന്ന​യി​ച്ചി​രു​ന്നു. ദീ​ർ​ഘ​കാ​ല​മാ​യി ലോ​ക​മാ​ക​മാ​ന​മു​ള്ള പ്ര​വാ​സി​ക​ൾ നേ​രി​ടു​ന്ന പ്ര​ശ്ന​ത്തി​നാ​ണ് ഇ​പ്പോ​ൾ തീ​രു​മാ​ന​മാ​യി​രി​ക്കു​ന്ന​ത്.

പ്ര​വാ​സി​ക​ൾ സാ​ധാ​ര​ണ ഒ​രു മാ​സ​ത്തെ അ​വ​ധി​ക്കാ​ണ് നാ​ട്ടി​ലെ​ത്താ​റ്. നാ​ട്ടി​ലെ​ത്തി ഡ്രൈ​വി​ങ് ലൈ​സ​ൻ​സി​ന് അ​പേ​ക്ഷ ന​ൽ​കി​ക്ക​ഴി​ഞ്ഞാ​ൽ ഒ​ന്നോ ര​ണ്ടോ മാ​സം ക​ഴി​ഞ്ഞു​ള്ള ടെ​സ്റ്റ് തീ​യ​തി​യാ​ണ് ല​ഭി​ക്കു​ന്ന​ത്.

അ​പ്പോ​ഴേ​ക്കും അ​വ​ധി​ക​ഴി​ഞ്ഞി​രി​ക്കും. ഗ​ൾ​ഫ് രാ​ജ്യ​ങ്ങ​ളി​ൽ ഡ്രൈ​വി​ങ് ലൈ​സ​ൻ​സ് ഉ​ള്ള പ​ല​ർ​ക്കും നാ​ട്ടി​ൽ ലൈ​സ​ൻ​സി​ല്ല എ​ന്ന പ്ര​ശ്ന​മു​ണ്ട്. ഇ​തി​നു​കാ​ര​ണം ഡ്രൈ​വി​ങ് ടെ​സ്റ്റ് അ​ട​ക്ക​മു​ള്ള കാ​ര്യ​ങ്ങ​ളി​ലെ കാ​ല​താ​മ​സ​മാ​യി​രു​ന്നു. വി​ദ്യാ​ർ​ഥി​ക​ള​ട​ക്കം ല​ക്ഷ​ക്ക​ണ​ക്കി​ന് മ​ല​യാ​ളി​ക​ളാ​ണ് ഇ​പ്പോ​ൾ വി​ദേ​ശ​ങ്ങ​ളി​ലു​ള്ള​ത്. അ​വ​ർ​ക്കെ​ല്ലാം പു​തി​യ തീ​രു​മാ​നം സ​ഹാ​യ​ക​മാ​കും.