ഈദ്ഗാഹുകൾ സംഘടിപ്പിച്ചു

മനാമ: ബഹ്‌റൈൻ അൽ ഹിദായ മലയാളം വിങ്ങും ബഹ്റൈൻ സുന്നി ഔഖാഫും സംയുക്തമായി ഹൂറ, ഉമ്മുൽ ഹസം എന്നിവിടങ്ങളിൽ ഈദ്ഗാഹുകൾ സംഘടിപ്പിച്ചു. ബഹ്‌റൈൻ സർക്കാർ നിഷ്​കർഷിച്ച കോവിഡ് സുരക്ഷ മാനദണ്ഡങ്ങൾ പാലിച്ചാണ് ഈദ് ഗാഹുകൾ സംഘടിപ്പിച്ചത്.

ഹൂറ ഉമ്മു അയമൻ സ്​കൂൾ ഗ്രൗണ്ടിൽ നടന്ന ഈദ്ഗാഹിന് ഉസ്​താദ് ലത്തീഫ് അഹമ്മദ്​ നേതൃത്വം നൽകി. ഉമ്മുൽ ഹസം സ്പോർട്​സ്​ ക്ലബിൽ നടന്ന ഈദ്ഗാഹിന് അൽ ഹിദായ മലയാളം ജനറൽ സെക്രട്ടറി ഗഫൂർ പാടൂർ നേതൃത്വം നൽകി.ഒരു മാസം നീണ്ട കഠിന വ്രതത്തിലൂടെ നേടിയെടുത്ത ആത്മീയ ചൈതന്യം തുടർ ദിവസത്തിലും നിലനിർത്താൻ പെരുന്നാൾ സന്ദേശത്തിലൂടെ ഇമാമുമാർ ആഹ്വാനം ചെയ്​തു. ഈദ്ഗാഹുകൾക്ക്പ്രസിഡൻറ്​ ടി.പി അബ്​ദുൽ അസീസ്, ജനറൽ സെക്രട്ടറി ഗഫൂർ പാടൂർ, സി.എം. ലത്തീഫ്, ലത്തീഫ് ചാലിയം, ബിർഷാദ്, സലാം, തൗസീഫ്, ദിൽഷാദ്, ഷംസീർ മനാമ, ഷെമീർ റിഫ, നസീർ, ഹംസ ആമേത്‌, കോയ വീരൻ ബേപ്പൂർ, അബ്​ദുറഹ്മാൻ, ഗഫൂർ, സി.കെ അബ്​ദുല്ല എന്നിവർ നേതൃത്വം നൽകി.