സമാജം ഒാണം-ഇൗദ്​  ആഘോഷങ്ങൾക്ക്​ വൻ താരനിര

മനാമ: കേരളീയ സമാജത്തിൽ ഒാണം^ഇൗദ്​ ആഘോഷങ്ങളുടെ ഭാഗമായുള്ള പരിപാടികൾ ഇൗ മാസം 25ന്​ തുടങ്ങും. സമാജത്തി​​െൻറ ചരിത്രത്തി​ൽ തന്നെ ഏറ്റവും വിപുലമായ പരിപാടികളാണ്​ ഇത്തവണ നടക്കുന്നതെന്ന്​ പ്രസിഡൻറ്​ പി.വി.രാധാകൃഷ്​ണപിള്ള, സെക്രട്ടറി എൻ.കെ.വീരമണി എന്നിവർ പറഞ്ഞു. സെപ്​റ്റംബർ ഒന്നിന്​   നടക്കുന്ന ഒൗപചാരിക ഉദ്​ഘാടന ചടങ്ങിൽ എൻ.കെ.പ്രേമചന്ദ്രൻ എം.പി സംബന്ധിക്കും.സമാപന സമ്മേളനത്തിൽ കേരള നിയമസഭ സ്​പീക്കർ പി.ശ്രീരാമകൃഷ്​ണനാണ്​ മുഖ്യാതിഥി. വാർത്താസമ്മേളനത്തിൽ ശിവകുമാർ     കൊല്ലറോത്ത്​, ദേവദാസ്​ കുന്നത്ത്​, മനോഹരൻ പാവറട്ടി, എം.പി.രഘു എന്നിവരും പ​െങ്കടുത്തു.

വിവിധ ദിവസങ്ങളിൽ നടക്കുന്ന പരിപാടികൾ:
1. ​ആഗസ്​റ്റ്​ 25: വൈകീട്ട്​ മൂന്ന്​ മുതൽ രാത്രി 10 വരെ ഒാണപ്പലഹാര മേള. വനിതാവേദിയാണ്​ ഇതിന്​ നേതൃത്വം നൽകുന്നത്​. പലഹാര മേളയിൽ ഉണ്ണിയപ്പം, മുറുക്ക്​, അച്ചപ്പം, കളിയോടക്ക, അട, കായ വറുത്തത്​, കപ്പ വറുത്തത്​, ശർക്കര വരട്ടി, ചേന വറുത്തത്​, ചേമ്പ്​ വറുത്തത്​, അച്ചാറുകൾ എന്നിവ ലഭ്യമാക്കും. അന്നു തന്നെ തീറ്റ മത്സരം, കസേരകളി, പുഷ്​ അപ്​ മത്സരം എന്നിവയും നടക്കും. 
2. ആഗസ്​റ്റ്​ 31:രാത്രി എട്ടു മണി. കൊടിയേറ്റം. നാദബ്രഹ്​മം മ്യൂസിക്​ ക്ലബ്​ അവതരിപ്പിക്കുന്ന അവതരണ ഗാനം. കലാവിഭാഗത്തി​​െൻറ നേതൃത്വത്തിൽ പൂജാനൃത്തം.  തുടർന്ന്​ തിരുവാതിര മത്സരം. 
3. സെപ്​റ്റംബർ ഒന്ന്: കാലത്ത്​ 9.30ന്​ അത്തപ്പൂക്കള മത്സരം. ​ൈവകീട്ട്​ 6.30ന്​ പൂജ നൃത്തം. ഉദ്​ഘാടനം ലോകസഭാംഗം എൻ.കെ.പ്രേമചന്ദ്രൻ നിർവഹിക്കും.  തുടർന്ന്​  ​പിന്നണി ഗായിക കെ.എസ്​.ചിത്ര നയിക്കുന്ന ഗാനമേള. നിഷാദ്​, രൂപ രേവതി എന്നിവരും പ​െങ്കടുക്കും. 
4. സെപ്​റ്റംബർ രണ്ട്​: കാലത്ത്​ 10ന്​ കായിക മത്സരങ്ങൾ. വടംവലി മത്സരം, വനിതകൾക്കായുള്ള മത്സരങ്ങൾ. വൈകീട്ട്​ മൂന്നിന്​ പായസ മേള.6.30ന്​ സംഘനൃത്തം, ഒപ്പന, പരമ്പരാഗത കേരളനൃത്തം. ഇത്​ ​കേരളത്തിൽ നിന്നുള്ള സംഘമാണ്​ അവതരിപ്പിക്കുന്നത്​.  തുടർന്ന്​ ദേവി ചന്ദനയും റജി രവിയും സംഘവും അവതരിപ്പിക്കുന്ന കലാപരിപാടികൾ.
5. സെപ്​റ്റംബർ മൂന്ന്:  കാലത്ത്​ 10ന്​ കായിക മത്സരങ്ങൾ, കബഡി മത്സരം. വൈകീട്ട്​ അഞ്ചിന്​ അറവന മുട്ട്​, കോൽക്കളി (അവതരണം ബഹ്​റൈൻ കെ.എം.സി.സി), വൈകീട്ട്​ 7.30ന്​ ഘോഷയാത്ര മത്സരം. 
6. സെപ്​റ്റംബർ നാല്​: വൈകീട്ട്​ 6.30ന്​ പൂജ നൃത്തം, ഒപ്പന. 7.40ന്​ ഡോ.എടനാട്​ രാജൻ നമ്പ്യാർ അവതരിപ്പിക്കുന്ന ചാക്യാർ കൂത്ത്​.രാത്രി 8.30ന്​ മ്യൂസിക്​ ഫ്യൂഷൻ (അവതരണം^മോജോ ബാൻറ്​, ബഹ്​റൈൻ).
7. സെപ്​റ്റംബർ അഞ്ച്​: വൈകീട്ട്​ ഏഴിന്​ പൂജ നൃത്തം, ഒാണപ്പുടവ നൃത്തം, കുട്ടികളുടെ നാടകം^‘നെയ്യപ്പം’. തുടർന്ന്​ ചാക്യാർകൂത്ത്​, സിനിമാറ്റിക്​ ഡാൻസ്​ മത്സരം. 
8. സെപ്​റ്റംബർ ആറ്​: വൈകീട്ട്​ 7.30ന്​ മെഗ തിരുവാതിര. ഇതിൽ 150 വനിതകൾ പ​െങ്കടുക്കും. തുടർന്ന്​ ‘ആരവം’ അവതരിപ്പിക്കുന്ന നാടൻപാട്ട്​.
9. സെപ്​റ്റംബർ ഏഴ്​: വൈകീട്ട്​ ഏഴുമണിക്ക്​ ജി.വേണുഗോപാലി​​െൻറ ഗാനമേള.ഇൗ പരിപാടിയിൽ നടി അനുമോൾ, അപർണ ബാലമുരളി തുടങ്ങിയവർ പ​െങ്കടുക്കും. 
10. സെപ്​റ്റംബർ എട്ട്​: വൈകുന്നേരം ഏഴുമണിക്കുള്ള സമാപന സമ്മേളനത്തിൽ കേരള നിയമസഭ സ്​പീക്കർ പി.ശ്രീരാമകൃഷ്​ണൻ മുഖ്യാതിഥിയായി പ​െങ്കടുക്കും. തുടർന്ന്​ യേശുദാസി​​െൻറ സംഗീത കച്ചേരി. 
11. സെപ്​റ്റംബർ 15: ഒാണസദ്യ (5,000 പേർക്ക്​). പഴയിടം മോഹനൻ നമ്പൂതിരിയാണ്​ സദ്യ ഒരുക്കുന്നത്​. 
ശങ്കർ പള്ളൂർ ജന.കൺവീനറും ബാബു സുരേഷ്​ ജന.കോ ഒാഡിനേറ്റുമായ 250 അംഗ കമ്മിയുടെ നേതൃത്വത്തിലാണ്​ പരിപാടിക്കായുള്ള ഒരുക്കങ്ങൾ നടക്കുന്നത്​. സെപ്​റ്റംബർ ഒന്ന്​, രണ്ട്​, മൂന്ന്​ തിയതികളിൽ രാപകൽ നീളുന്ന പരിപാടികളാണ്​ നടക്കുന്നത്​. സാംസ്​കാരിക പരിപാടികളിൽ പൊതുജനങ്ങൾക്കും പ​െങ്കടുക്കാം.