കളിയും പാട്ടുമായി ‘സിംസ്​’ വേനൽക്യാമ്പ്​ സജീവം

മനാമ: സീറോ മലബാർ സൊസൈറ്റിയുടെ (സിംസ്​) നേതൃത്വത്തിൽ കുട്ടികൾക്കായുള്ള വേനൽ ക്യാമ്പ്​ വിവിധ പരിപാടികളുമായി സജീവമായി. ചിത്രരചന, പെയിൻറിങ്​, പാട്ട്, നൃത്തം, ക​രാട്ടെ, വ്യക്തിത്വവികസനം, വിനോദയാത്ര തുടങ്ങി വിവിധങ്ങളായ പരിപാടികളാണ്​ നടക്കുന്നത്​. ജോസ് ചാലിശ്ശേരിയാണ്​ ക്യാമ്പ് കോഓർഡിനേറ്റർ. ഷേർളി ഡേവിഡ്, എം.എൽ.ജോയി എന്നിവരും നേതൃത്വം നൽകുന്നു.ഇത്​ രണ്ടുമാസം നീണ്ടുനിൽക്കും. വിവിധ മേഖലകളിൽ കഴിവുതെളിയിച്ച 15പേരാണ്​ ക്ലാസുകളുടെയും മറ്റും ചുമതല വഹിക്കുന്നത്​.

ആഗസ്​റ്റിൽ നടക്കുന്ന ക്യാമ്പി​​െൻറ ഗ്രാൻറ്​ ഫിനാലെയിൽ മുഴുവൻ കുട്ടികളെയും പങ്കെടുപ്പിക്കും. ഇതിനായി കലാപരിപാടികളുടെ പരിശീലനം തുടങ്ങിയിട്ടുണ്ട്​.  
തോമസ് ജോൺ ആണ്​ ഇതിന്​ നേതൃത്വം നൽകുന്നത്​. ആഗസ്​റ്റിൽ ക്യാമ്പിൽ ചേരാൻ താൽപര്യമുള്ളവർക്ക്​  ‘സിംസ്’ ഒാഫിസുമായി ബന്ധപ്പെടാമെന്ന്​ ആക്ടിങ് പ്രസിഡൻറ്​ പി.ടി.ജോസഫ്, സെക്രട്ടറി ഇൻ ചാർജ് അമൽ ജോ ആൻറണി എന്നിവർ അറിയിച്ചു.