സമാജം വനിതാവേദി ഏകദിന ക്യാമ്പ്​ സംഘടിപ്പിച്ചു

മനാമ: ബഹ്​റൈൻ കേരളീയ സമാജം വനിതാവേദിയുടെ നേതൃത്വത്തിൽ ‘വളകിലുക്കം 2017’ എന്ന പേരിൽ സ്​​ത്രീകൾക്കും കുട്ടികൾക്കുമായി ഏകദിന ക്യാമ്പ്​ നടത്തി. സമാജം ഹാളിൽ രാവിലെ പത്ത്​ മുതൽ വൈകീട്ട്​ നാലുവരെ നടന്ന പരിപാടിയിൽ വിവിധ കളികളും മത്സരങ്ങളും കലാവിരുന്നും നടന്നു.ഭക്ഷണമുണ്ടാക്കുന്നതി​​െൻറ എളുപ്പവിദ്യകളെക്കുറിച്ച്​ ദീപ്​തി ആർ. രഞ്​ജിത്തും കരകൗശല വിദ്യയെക്കുറിച്ച്​ ബ്ലസി രാജേഷും ക്ലാസെടുത്തു. 
വാണികൃഷ്​ണനും സംസാരിച്ചു. നിമിഷ പ്രസംഗങ്ങൾ, പ്രശ്​നോത്തരി, കുട്ടികൾക്കുവേണ്ടിയുള്ള കളികൾ എന്നിവയും നടന്നു. മോഹിനി തോമസ്​, വിജിന സന്തോഷ്​, സുമിത്ര പ്രവീൺ, നിമ്മി റോഷൻ തുടങ്ങിയവർ നേതൃത്വം നൽകി.