ഇന്ത്യൻ സ്‌കൂൾ സയൻസ് ക്വിസ്: ഫൈനൽ വെള്ളിയാഴ്​ച

മനാമ: ബഹ്റൈനിലെ കുരുന്നു പ്രതിഭകൾക്കായി ഇന്ത്യൻ സ്‌കൂൾ  ഒരുക്കുന്ന ശാസ്ത്ര പ്രശ്നോത്തരി മത്സരത്തി​​െൻറ ഫൈനൽ വെള്ളിയാഴ്ച നടക്കും.  ഇന്ത്യൻ സ്‌കൂൾ റിഫ കാമ്പസിൽ നടക്കുന്ന ‘ഡോ.എ.പി.ജെ.അബ്​ദുൽ കലാം  ഇൻറർ  ജൂനിയർ സ്‌കൂൾ സയൻസ് ക്വിസ്​^ 2017’ൽ വിവിധ സ്‌കൂളുകളിലെ ഒമ്പതും  പത്തും വയസുള്ള കുട്ടികൾ പ​െങ്കടുക്കും. റിഫ കാമ്പസി​​െൻറ ആഭിമുഖ്യത്തിൽ  സംഘടിപ്പിക്കുന്ന പരിപാടി ചെറുപ്രായത്തിൽ തന്നെ കുട്ടികളിൽ ശാസ്ത്രാവബോധവും ചിന്തയും  വളർത്താൻ ലക്ഷ്യമിടുന്നു. കുട്ടികളുടെ സ്വാഭാവികമായ കഴിവുകളെ പരിപോഷിപ്പിക്കാൻ ഇത്തരം പരിപാടികളിലൂടെ സാധിക്കുമെന്ന് സ്‌കൂൾ ഭരണസമിതി ഭാരവാഹികൾ പറഞ്ഞു.

ക്വിസി​​െൻറ പ്രാഥമിക റൗണ്ടിൽ  13 സ്‌കൂളുകളെ പ്രതിനിധീകരിച്ച്​ 37 ടീമുകൾ പ​െങ്കടുത്തു. ഓരോ സ്കൂളിലെയും ഒരു ടീം വീതം  സെമി ഫൈനൽ റൗണ്ടിൽ എത്തിയിട്ടുണ്ട്​. ഇതിൽ നിന്നുള്ള ആറുടീമുകൾ ഫൈനലിൽ മത്സരിക്കും. ഒക്ടോബർ 27ന്​ 4.30ന്​ സെമി ഫൈനലും    6 .30ന്​ ഫൈനലും നടക്കും.ക്വിസ് മാസ്​റ്റർ ശരത് മേനോനും സംഘവുമാണ് ശാസ്ത്ര പ്രശ്നോത്തരി നയിക്കുന്നത്.  ഓഡിയൻസ് റൗണ്ടിൽ  പത്തോളം ചോദ്യങ്ങൾ ഉണ്ടാകും. വിജയികൾക്ക് സ്‌പോൺസർമാർ നൽകുന്ന ആകർഷകമായ  ഗിഫ്​റ്റ്​ വൗച്ചറുകൾ ലഭിക്കും. ഈ ചോദ്യങ്ങൾ പൊതുവിജ്ഞാന സംബന്ധമായതും  സ്പോൺസർമാരുമായി ബന്ധപ്പെട്ട വിവരങ്ങളെ അധികരിച്ചുള്ളതും ആയിരിക്കും.