ടാലൻറ്​ സെര്‍ച് പരീക്ഷ: ബഹ്‌റൈനിലെ പ്രതിഭകള്‍ അവാര്‍ഡ് ഏറ്റുവാങ്ങി

മനാമ: പി.എം.ഫൗണ്ടേഷന്‍, ‘ഗള്‍ഫ് മാധ്യമ’വുമായി സഹകരിച്ച് വിദ്യാര്‍ഥികള്‍ക്കായി നടത്തിയ ടാലൻറ്​ സെര്‍ച് പരീക്ഷയില്‍ ബഹ്‌റൈനില്‍ നിന്ന് വിജയിച്ച നാലു കുട്ടികള്‍ അവാര്‍ഡ് ഏറ്റുവാങ്ങി. അഹ്​മദ്​ മുഹമ്മദ്​, ആതിര സുജ പ്രകാശ്​, മർവ  അബ്​ദുറഉൗഫ്​, ആദർശ്​ ഷിഞ്​ജു ചന്ദ്രൻ എന്നിവരാണ് അവാര്‍ഡ് സ്വീകരിച്ചത്. ഉമ്മുൽഹസം ബാ​േങ്കാക്​ പാർട്ടി ഹാളിൽ നടന്ന ചടങ്ങില്‍ ‘ഗൾഫ്​ മാധ്യമം’ ചീഫ്​ എഡിറ്റർ വി.കെ.ഹംസ അബ്ബാസ്​,  പി.എം.ഫൗണ്ടേഷന്‍ ബോര്‍ഡ് അംഗം സി.എച്ച്.അബ്​ദുല്‍ റഹീം, ജമാൽ നദ്​വി, ജലീൽ അബ്​ദുള്ള എന്നിവർ അവാര്‍ഡ് കൈമാറി. 

ഗള്‍ഫിലെ വിദ്യാഭ്യാസ രംഗത്തെ പ്രതിഭകളെ തെരഞ്ഞെടുക്കുന്നതില്‍ ‘ഗള്‍ഫ് മാധ്യമ’വുമായി കൈകോര്‍ക്കാനായതില്‍ സന്തോഷമുണ്ടെന്ന് അബ്​ദുല്‍ റഹീം പറഞ്ഞു. കാല്‍നൂറ്റാണ്ടോളമായി വിദ്യാര്‍ഥികള്‍ക്ക് ഉന്നത വിദ്യാഭ്യാസത്തിനുള്ള പിന്തുണ നല്‍കുന്ന ദൗത്യമാണ് പി.എം.ഫൗണ്ടേഷ​​െൻറ നേതൃത്വത്തിൽ നടക്കുന്നത്​. ഇന്ത്യയിലെ എല്ലാ പ്രമുഖ സ്ഥാപനങ്ങളിലും പി.എം.ഫൗണ്ടേഷന്‍ സ്‌കോളര്‍ഷിപ്പ് സ്വീകരിക്കുന്ന കുട്ടികളുണ്ട്. മുന്‍കാലങ്ങളില്‍ ഫൗണ്ടേഷന്‍ സഹായം ലഭിച്ച പലരും ഇന്ന് ലോകത്തി​​െൻറ വിവിധ ഭാഗങ്ങളില്‍ ഉന്നത പദവികള്‍ അലങ്കരിക്കുന്നവരാണെന്നും അദ്ദേഹം കൂട്ടിച്ചേർത്തു.  

ക്യാഷ് അവാര്‍ഡും, പുസ്തകം വാങ്ങാനുള്ള വൗച്ചറും പി.എം.ഫൗണ്ടേഷന്‍ നല്‍കുന്ന സര്‍ട്ടിഫിക്കറ്റും അടങ്ങുന്നതാണ് അവാര്‍ഡ്. എ.വി.ഷെറിൻ സ്വാഗതം പറഞ്ഞു. ഷക്കീബ്​ നന്ദി രേഖപ്പെടുത്തി.പി.എം.ഫൗണ്ടേഷൻ ഫെല്ലോഷിപ് പരിപാടിയുടെ ഭാഗമായി കേരളത്തി​ലും ഗള്‍ഫിലും 10 പേരെ വീതം തെരഞ്ഞെടുക്കുന്നതി​​െൻറ ആദ്യപടിയായാണ് പരീക്ഷ നടന്നത്​. 

അടുത്ത ടാലൻറ്​ സെർച്​ പരീക്ഷ ബഹ്​റൈനിൽ ഒക്​ടോബർ 14ന്​ നടക്കും. ഇതിലേക്ക്​ പേര്​ രജിസ്​റ്റർ ചെയ്യാനുള്ള അവസാന തിയതി സെപ്​റ്റംബർ 30 ആണ്. ഇക്കഴിഞ്ഞ പത്താം തരം പരീക്ഷയിൽ മുഴുവൻ വിഷയങ്ങൾക്കും എ^പ്ലസ്​ നേടിയ കുട്ടികൾക്ക്​ പ​െങ്കടുക്കാം. താൽപര്യമുള്ള വിദ്യാർഥികൾ www.pmfonline.org എന്ന വെബ്​സൈറ്റ്​ വഴിയാണ്​ അപേക്ഷിക്കേണ്ടത്​.  പരീക്ഷ ​േ​കന്ദ്രങ്ങളുടെ വിവരങ്ങൾ സൈറ്റിൽ ലഭ്യമാണ്​. പ്രവേശന ഫീസ്​ ഇല്ല. കൂടുതൽ വിവരങ്ങൾക്ക്​ 39196661, 33314378 എന്നീ നമ്പറുകളിൽ വിളിക്കാം.