‘മറാഈ’ പ്രദർശനത്തിൽ ‘മുഖമൊളിപ്പിച്ച’ പ്രാവുകൾ മുതൽ അപൂർവ ചെമ്മരിയാടുകൾവരെ

മനാമ: മുഖം രോമസമൃദ്ധിക്കുള്ളിൽ ഒളിപ്പിച്ച പ്രാവുകൾ മുതൽ അത്യപൂർവ്വമായ ചെമ്മരിയാടുകൾ വരെ അണിനിരക്കുന്ന മറാഈ കന്നുകാലി-പക്ഷി പ്രദര്‍ശന മേളയിലേക്ക്​ ജനമൊഴുകുന്നു. പക്ഷികളുടെ വൈവിദ്ധ്യമാർന്ന ശേഖരമാണ്​ മേളയിലെ ഏറ്റവും വലിയ പ്രത്യേകത. ഇരുന്നൂറോളം വിത്യസ്​ത വർഗത്തിലുള്ള പ്രാവുകളുടെ കാഴ്​ച സഞ്ചാരികൾക്ക്​ ഏറ്റവും വലിയ കൗതുകമാകുകയാണ്​. വിദേശ രാജ്യങ്ങളിൽ നിന്നും ഇറക്കുമതി ചെയ്​ത പക്ഷികളും ഇതി​ൽപ്പെടുന്നുണ്ട്​. പലനിറത്തിലും വലുപ്പത്തിലുമുള്ള തത്തകൾ, അലങ്കാര കോഴികൾ എന്നിവയും കാണികളെ ആകർഷിക്കുന്നുണ്ട്​. വിവിധ രൂപത്തിലുള്ള കന്നുകാലികളുടെ പ്രത്യേക സ്​റ്റാളും ശ്രദ്ധേയമാണ്​. വിവിധ രാജ്യങ്ങളിലെ ആടുകളിൽ ചെമ്മരിയാട്​ മുതൽ നിലത്തിഴയുന്ന ചെവികളുള്ളവ വരെയുണ്ട്​. പ​ശു,കാള, ഒട്ടകം, കുതിര എന്നിവയുടെ പ്രദർശനവുമുണ്ട്​.

രാജാവ് ഹമദ് ബിന്‍ ഈസ ആല്‍ഖലീഫയുടെ രക്ഷാധികാരത്തില്‍ സാക്കിർ എന്‍ഡുറന്‍സ് വില്ലേജിലാണ്​ നാലാമത് കന്നുകാലി-, പക്ഷി പ്രദശനം നടക്ക​ുന്നത്​. രാജ്യത്തെ കന്നുകാലി സമ്പത്ത് നിലനിര്‍ത്തുന്നതിനും കാലി വളര്‍ത്തലിലേക്ക് ജനങ്ങള്‍ക്ക് പ്രോല്‍സാഹനം നല്‍കുന്നതിനും അതുവഴി ഭക്ഷ്യസുരക്ഷ നേടുന്നതിനുമാണ് ഇത് സംഘടിപ്പിച്ചത്. 90 ലധികം സ്ഥാപനങ്ങളിൽ നിന്നുള്ള കന്നുകാലികളും 1000 ത്തോളം  പക്ഷികളുമാണ്​  പ്രദര്‍ശനത്തിൽ പ​െങ്കടുക്കുന്നത്​. രാവിലെ 10 മുതല്‍ വൈകിട്ട് ഒമ്പത് വരെ നടക്കുന്ന പ്രദര്‍ശനത്തില്‍ പൊതു ജനങ്ങള്‍ക്ക് പ്രവേശനം സൗജന്യമാണ്​. കുട്ടികൾക്ക്​ വിനോദത്തിനുള്ള സൗകര്യങ്ങളും കർഷകരുടെ ഫാമുകളിൽ നിന്ന്​ ഉത്​പ്പന്നങ്ങളുടെ വിൽപ്പനയും മേളയുടെ ഭാഗമാണ്​. വൈകുന്നേരങ്ങളിൽ ഒട്ടക, കുതിര ഒാട്ട മത്​സരങ്ങളും നടക്കുന്നുണ്ട്​.