ഫ്ലെക്​സി വിസയും തൊഴിൽ നിയമവും

?ഞാ​ൻ ഇ​വി​ടെ ​ഫ്ലെ​ക്സി പെ​ർ​മി​റ്റി​ലാ​ണ്​​ ജോ​ലി ചെ​യ്യു​ന്ന​ത്. എ​നി​ക്ക്​ നാ​ലു​ മാ​സ​ത്തെ ശ​മ്പ​ളം ല​ഭി​ക്കാ​നു​ണ്ട്. എ​ൽ.​എം.​ആ​ർ.​എ​യി​ൽ പ​രാ​തി ന​ൽ​കി​യ​പ്പോ​ൾ സി​വി​ൽ കോ​ട​തി​യി​ൽ പ​രാ​തി ന​ൽ​കാ​ൻ നി​ർ​ദേ​ശി​ച്ചു. ഇ​തു ശ​രി​യാ​ണോ? എ​നി​ക്ക്​ തൊ​ഴി​ൽ നി​യ​മ​ത്തി​ൽ പ​റ​യു​ന്ന ആ​നു​കൂ​ല്യ​ങ്ങ​ൾ ല​ഭി​ക്കാ​ൻ അ​ർ​ഹ​ത​യു​ണ്ടോ?

_ ഒ​രു വാ​യ​ന​ക്കാ​ര​ൻ

•​ഫ്ലെ​ക്സി വി​സ​യി​ലു​ള്ള​വ​ർ ഒ​രു ക​രാ​റി​​ന്റെ അ​ടി​സ്ഥാ​ന​ത്തി​ലാ​ണ്​ തൊ​ഴി​ൽ ചെ​യ്യു​ന്ന​ത്. അ​തു​കൊ​ണ്ട്​ ക​രാ​റി​ൽ പ​റ​ഞ്ഞി​രി​ക്കു​ന്ന വ്യ​വ​സ്ഥ​ക​ൾ മാ​ത്ര​മേ ബാ​ധ​ക​മാ​വു​ക​യു​ള്ളൂ. എ​​ന്റെ അ​റി​വ​നു​സ​രി​ച്ച്, ഫ്ലെ​ക്സി വി​സ​യി​ൽ ജോ​ലി ചെ​യ്യു​ന്ന​വ​ർ​ക്ക്​ തൊ​ഴി​ൽ നി​യ​മം ബാ​ധ​ക​മ​ല്ല. അ​തി​നാ​ൽ, ആ ​നി​യ​മ​ത്തി​ലു​ള്ള വ്യ​വ​സ്ഥ​ക​ളും ആ​നു​കൂ​ല്യ​ങ്ങ​ളും ല​ഭി​ക്കു​ക​യി​ല്ല. അ​തു​പോ​ലെ, തൊ​ഴി​ൽ കോ​ട​തി​യി​ൽ ഫ്ലെ​ക്സി വി​സ​യി​ലു​ള്ള തൊ​ഴി​ലാ​ളി​ക​ളു​ടെ പ​രാ​തി സ്വീ​ക​രി​ക്കു​ക​യി​ല്ല. എ​ന്തെ​ങ്കി​ലും പ​രാ​തി​യു​ണ്ടെ​ങ്കി​ൽ സി​വി​ൽ കോ​ട​തി​യാ​ണ്​ പ​രി​ഗ​ണി​ക്കു​ക.

.? എ​​ന്റെ ആ​നു​കൂ​ല്യ​ങ്ങ​ൾ ല​ഭി​ക്കാ​ൻ എ​നി​ക്ക്​ തൊ​ഴി​ൽ കോ​ട​തി​യി​ൽ​നി​ന്ന്​ ഉ​ത്ത​ര​വ്​ ല​ഭി​ച്ചി​ട്ടു​ണ്ട്. എ​ന്നാ​ൽ, ഒ​രു വ​ർ​ഷ​മാ​യി​ട്ടും ഉ​ത്ത​ര​വ് പ്ര​കാ​ര​മു​ള്ള തു​ക ല​ഭി​ച്ചി​ല്ല. ജ​ഡ്ജ്​​മെ​ന്‍റ്​ എ​ക്സി​ക്യൂ​ഷ​ൻ കോ​ട​തി​യി​ൽ സ​മ​ർ​പ്പി​ച്ചു​വെ​ന്ന്​ എ​​ന്റെ ബ​ഹ്​​റൈ​നി അ​ഭി​ഭാ​ഷ​ക​ൻ പ​റ​യു​ന്നു. തു​ക ല​ഭി​ക്കാ​ൻ ഇ​ത്ര​യും സ​മ​യ​മെ​ടു​ക്കു​മോ?

_ഒ​രു വാ​യ​ന​ക്കാ​ര​ൻ

•എ​ല്ലാ ഉ​ത്ത​ര​വു​ക​ളും ന​ട​പ്പാ​ക്കു​ന്ന​ത്​ എ​ക്സി​ക്യൂ​ഷ​ൻ കോ​ട​തി​യാ​ണ്. കോ​ട​തി ന​ട​പ​ടി പ്ര​കാ​രം തു​ക കോ​ട​തി​യി​ൽ കെ​ട്ടി​വെ​ച്ചാ​ൽ മാ​ത്ര​മേ താ​ങ്ക​ൾ​ക്ക്​ ല​ഭി​ക്കു​ക​യു​ള്ളൂ. തൊ​ഴി​ലു​ട​മ തു​ക കെ​ട്ടി​വെ​ച്ചി​ല്ലെ​ങ്കി​ൽ കോ​ട​തി ന​ട​പ​ടി​ക​ൾ തു​ട​രും. ന​ട​പ​ടി​യു​ടെ ഭാ​ഗ​മാ​യി തൊ​ഴി​ലു​ട​മ​യു​ടെ ബാ​ങ്ക്​ അ​ക്കൗ​ണ്ട്​ ബ്ലോ​ക്ക്​ ചെ​യ്യും. മ​റ്റെ​ന്തെ​ങ്കി​ലും ആ​സ്തി​ക​ളു​ണ്ടെ​ങ്കി​ൽ അ​തും പി​ടി​ച്ചെ​ടു​ത്ത്​ ലേ​ലം ചെ​യ്യാ​ൻ ന​ട​പ​ടി​യു​ണ്ടാ​കും. ഇ​തി​നെ​ല്ലാം സ​മ​യ​മെ​ടു​ക്കും. ഈ ​കാ​ര്യ​ങ്ങ​ളെ​ല്ലാം ന​ട​ക്കു​ന്നു​വെ​ന്ന്​ അ​ന്വേ​ഷി​ക്കാ​ൻ താ​ങ്ക​ളു​ടെ അ​ഭി​ഭാ​ഷ​ക​നോ​ട്​ പ​റ​യ​ണം. തൊ​ഴി​ലു​ട​മ​യു​ടെ ബാ​ങ്ക്​ അ​ക്കൗ​ണ്ടി​ൽ പ​ണ​മു​ണ്ടെ​ങ്കി​ൽ താ​ങ്ക​ൾ​ക്ക്​ ല​ഭി​ക്കാ​നു​ള്ള തു​ക ഉ​ട​ൻ​ത​ന്നെ ല​ഭി​ക്കാ​നും സാ​ധ്യ​ത​യു​ണ്ട്.