വീട്ടുകാർ രാത്രി ഉറങ്ങാതെ കോണിപ്പടിയിൽ; വിവരങ്ങൾ അറിയാതെ ഷിബിൻ ബഹ്​റൈനിലും

മനാമ: നിലമ്പൂർ സ്വദേശിയായ ബഹ്​റൈൻ പ്രവാസി ഷിബിൻ കഴിഞ്ഞ ദിവസം രാത്രി മുഴുവൻ പ്രാർഥനയിലായിരുന്നു. നിലമ്പൂർ ച ക്കാലക്കുത്ത്​ കുടുംബ വീട്ടിൽ ത​​​​െൻറ ഉറ്റവർക്ക്​ എന്തുസംഭവിച്ച്​ എന്നറിയാതെ ‘തീ തിന്ന നിമിഷങ്ങൾ’. ത​​​​െൻറ വീട്​ ഉൾപ്പെടെയുള്ള മേഖല വെള്ളത്തിനടിയിലായി എന്ന വാർത്ത അറിഞ്ഞിരുന്നു. വീട്ടിലുണ്ടായിരുന്ന മാതാപിതാക്കൾ, അനുജൻ എന്നിവരെക്കുറിച്ച്​ ​ വിവരം ലഭിക്കാത്തതാണ്​ ​ ഷിബിനെ ആശങ്കയിലാക്കിയത്​.

എന്നാൽ ഇന്നലെ ഉച്ചക്ക​ുശേഷം വീട്ടുകാരുടെ വിളി എത്തിയതോടെ ആശ്വാസമായി. എന്നാൽ അവർ അനുഭവിച്ച കാര്യങ്ങൾ കേട്ടപ്പോൾ വേദനയോടെ കേട്ടുനിൽക്കാനെ അദ്ദേഹത്തിന്​ കഴിഞ്ഞുള്ളൂ. രാത്രി ഒമ്പതോടെയാണ്​ വീട്ടി​േലക്ക്​ വെള്ളം ഇരച്ചെത്തിയത്​. പുറത്തേക്ക്​ ഇറങ്ങാൻ കഴിയാത്ത അവസ്ഥയായിരുന്നു. തുടർന്ന്​ വീട്ടുകാർ കോണിപ്പടിയുടെ മുകളിലേക്ക്​ കയറി നിലയുറപ്പിച്ചു. ഫോൺപോലും കൈയിലില്ലാതെ, കറൻറ്​ പോയതിനാൽ ഇരുട്ടത്ത്​ ദൈവത്തെ വിളിച്ച്​ നേരം വെള​ുപ്പിക്കുകയായിരുന്നു. രാവിലെ ഏഴ്​ മണിയോടെ ഫയർഫോഴ്​സ്​ എത്തി വീട്ടുകാരെ സാഹസികമായി രക്ഷിക്കുകയായിരുന്നു. വീട്ടുകാർ ഇപ്പോൾ ബന്​ധുവീട്ടിൽ സുരക്ഷിതരാണെന്നും ഷിബിൻ പറഞ്ഞു.