ജിബൂട്ടി പ്രസിഡന്റുമായി വിദേശകാര്യ മന്ത്രി കൂടിക്കാഴ്ച നടത്തി
text_fieldsജിബൂട്ടിയിലെത്തിയ വിദേശകാര്യ മന്ത്രി ഡോ. അബ്ദുല്ലത്തീഫ് ബിൻ റാശിദ് സയാനി പ്രസിഡന്റ് ഇസ്മാഈൽ
ഉമർ ജീലയുമായി കൂടിക്കാഴ്ച നടത്തുന്നു
മനാമ: വിവിധ അറബ് രാജ്യങ്ങളിൽ നടത്തുന്ന പര്യടനത്തിന്റെ ഭാഗമായി ജിബൂട്ടിയിലെത്തിയ വിദേശകാര്യ മന്ത്രി ഡോ. അബ്ദുല്ലത്തീഫ് ബിൻ റാശിദ് സയാനി പ്രസിഡന്റ് ഇസ്മാഈൽ ഉമർ ജീലയുമായി കൂടിക്കാഴ്ച നടത്തി.
രാജാവ് ഹമദ് ബിൻ ഈസ ആൽ ഖലീഫ, കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫ എന്നിവരുടെ അഭിവാദ്യങ്ങൾ കൈമാറുകയും പ്രത്യഭിവാദ്യം നേരാൻ വിദേശകാര്യ മന്ത്രിയെ ചുമതലപ്പെടുത്തുകയും ചെയ്തു.
അറബ് മേഖലയിലെ വിവിധ പ്രശ്നങ്ങളെ കുറിച്ചും അവ പരിഹരിക്കാനുള്ള മാർഗങ്ങളും ചർച്ചയിലുയർന്നു. ബഹ്റൈനും ജിബൂട്ടിയും തമ്മിലെ ബന്ധവും വിവിധ മേഖലകളിലെ സഹകരണവും പ്രതീക്ഷിത നിലവാരത്തിലാണെന്ന് വിലയിരുത്തുകയും ചെയ്തു. മേയ് 16ന് ബഹ്റൈനിൽ നടക്കുന്ന അറബ് ഉച്ചകോടി വിജയത്തിലെത്തട്ടെയെന്ന് ഇസ്മാഈൽ ഉമർ ആശംസിച്ചു. കൂടിക്കാഴ്ചയിൽ ജിബൂട്ടിയിലെ ബഹ്റൈൻ അംബാസഡർ ശൈഖ് അലി ബിൻ അബ്ദുറഹ്മാൻ ബിൻ അലി ആൽ ഖലീഫ, വിദേശകാര്യ മന്ത്രാലയത്തിലെ അറബ്-ആഫ്രിക്കൻ കാര്യ വിഭാഗം മേധാവി അഹ്മദ് മുഹമ്മദ് അത്തുറൈഫി, ഫോളോ അപ് ആൻഡ് കോഓഡിനേഷൻ വിഭാഗം മേധാവി സഈദ് അബ്ദുൽ ഖാലിഖ് സഈദ് എന്നിവരും സന്നിഹിതരായിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.