ഫോർമുല വൺ ഗ്രാൻഡ്പ്രീ ബഹ്​റൈൻ ഒരുങ്ങി

മനാമ: ഫോർമുല വൺ ഗ്രാൻഡ്പ്രീ മത്സരങ്ങൾ നടത്താൻ ബഹ്​റൈൻ ഒരുങ്ങിയതായി ആരോഗ്യ മന്ത്രാലയത്തിലെ അണ്ടർ സെക്രട്ടറിയും കോവിഡ്​ പ്രതിരോധത്തിനുള്ള നാഷനൽ മെഡിക്കൽ ടീം അംഗവുമായ ഡോ. വലീദ്​ അൽ മാനിഅ്​ പറഞ്ഞു. കോവിഡ്​ ​പ്രതിരോധനടപടികൾ വിശദീകരിക്കാൻ നടത്തിയ വാർത്തസമ്മേളനത്തിൽ സംസാരിക്കുകയായിരുന്നു അദ്ദേഹം.

മത്സരത്തിന്​​ ആരോഗ്യ മുൻകരുതലുകൾ സ്വീകരിച്ചുകഴിഞ്ഞു.മികച്ച സംഘാടനത്തിലൂടെ രാജ്യം ശ്രദ്ധേയ നേട്ടം കൈവരിക്കും. ഫോർമുല വൺ ഗൾഫ്​ എയർ ഗ്രാൻഡ്പ്രീ, ഫോർമുല വൺ റോളക്​സ്​ സഖീർ ഗ്രാൻഡ്പ്രീ മത്സരങ്ങൾ കാണാൻ​ കോവിഡ്​ പ്രതിരോധത്തിന്​ മുൻനിരയിലുള്ള ആരോഗ്യ പ്രവർത്തകർക്കും അടുത്ത കുടുംബാംഗങ്ങൾക്കും പ്രവേശനം അനുവദിച്ച കിരീടാവകാശിയും പ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയുടെ നടപടി പ്രശംസനീയമാണ്​. ആരോഗ്യ പ്രവർത്തകർക്ക്​ ലഭിച്ച അംഗീകാരമാണ്​ ഇത്​. മത്സരം കാണാൻ ഇവർക്കുള്ള രജിസ്​ട്രേഷൻ തുടരുകയാണെന്നും ഡോ. വലീദ്​ അൽ മാനിഅ് പറഞ്ഞു.

കോവിഡ്​ പ്രതിരോധം സാ​േങ്കതികവിദ്യയിലൂടെ

മനാമ: സാ​േങ്കതികവിദ്യകളുടെ സഹായത്തോടെ കോവിഡ്​ പ്രതിരോധ നടപടികൾ ശക്തമാക്കിയതായി ബി.ഡി.എഫ്​ ഹോസ്​പിറ്റലിലെ സാംക്രമികരോഗ വിദഗ്​ധനും നാഷനൽ മെഡിക്കൽ ടീം അംഗവുമായ ലഫ്​. കേണൽ മനാഫ്​ അൽ ഖത്താനി പറഞ്ഞു. ആൻറിജൻ റാപ്പിഡ്​ ടെസ്​റ്റ്​ ഫലം 'ബി അവെയർ' ആപ്പിൽ അപ്​ലോഡ്​ ചെയ്യാനുള്ള സൗകര്യം ഇതിനുദാഹരണമാണ്​.

മൊബൈൽ ആപ്പിലെ ഇ-സർവിസസ്​ പട്ടികയിൽ 'റിപ്പോർട്ടിങ്​ കോവിഡ്-19 ടെസ്​റ്റ്​ റിസൽട്ട്​സ്​' എന്ന വിഭാഗം തെരഞ്ഞെടുത്ത്​ ​െഎഡി കാർഡ്​ നമ്പർ നൽകണം. ​നെഗറ്റിവോ പോസിറ്റിവോ ആയ പരിശോധനഫലത്തി​െൻറ ഫോ​േട്ടാ എടുത്ത്​ അപ്​ലോഡ്​ ചെയ്യാം. തുടർന്ന്​ ഫോൺ നമ്പർ നൽകി ഫോ​േട്ടാ സബ്​മിറ്റ്​ ചെയ്യണം. ആരോഗ്യ മന്ത്രാലയത്തിൽ ഇത്​ ലഭിച്ചാൽ റിപ്പോർട്ടി​െൻറ റഫറൻസ്​ നമ്പർ രേഖപ്പെടുത്തി എസ്​.എം.എസ്​ സന്ദേശം മൊബൈൽ ഫോണിൽ ലഭിക്കും.

ആരോഗ്യ മന്ത്രാലയത്തിൽനിന്ന്​ റിപ്പോർട്ട്​ സബ്​മിറ്റ്​ ചെയ്​തയാളെ ബന്ധപ്പെടുകയും ചെയ്യും. ആൻറിജൻ പരിശോധനയിൽ പോസിറ്റിവായ എല്ലാവരും നിർബന്ധമായും പരിശോധനഫലം ആപ്പിൽ സബ്​മിറ്റ്​ ചെയ്യണം. പി.സി.ആർ പരിശോധനക്കുള്ള തുടർനടപടികൾ സ്വീകരിക്കുന്നതിനാണ്​ ഇത്​.

നെഗറ്റിവ്​ ഫലം ലഭിച്ചവർക്ക്​ താൽപര്യമുണ്ടെങ്കിൽ സബ്​മിറ്റ്​ ചെയ്​താൽ മതി. ഫലം പോസിറ്റിവാണെങ്കിൽ പി.സി.ആർ ടെസ്​റ്റും നടത്തണമെന്ന്​ അദ്ദേഹം പറഞ്ഞു. നാഷനൽ മെഡിക്കൽ ടീം അംഗമായ ഡോ. ജമീല അൽ സൽമാനും വാർത്തസമ്മേളനത്തിൽ പ​െങ്കടുത്തു.

രണ്ടു​ മില്യൺ പി.സി.ആർ ടെസ്​റ്റുകൾ

മനാമ: ഇതുവരെ രണ്ടു​ മില്യൺ പി.സി.ആർ ടെസ്​റ്റുകൾ രാജ്യത്ത്​ നടത്തിയതായും ഡോ. വലീദ്​ അൽ മാനിഅ്​ പറഞ്ഞു. കോവിഡ്​ പ്രതിരോധ നടപടികളിൽ രാജ്യം ഏറെ മുന്നിലെത്തിയെന്നാണ്​ ഇത്​ സൂചിപ്പിക്കുന്നത്​. ബഹ്​റൈൻ ജനസംഖ്യയിൽ 50 ശതമാനത്തിലധികം പേരെ ഒരു തവണയെങ്കിലും പരിശോധിച്ചിട്ടുണ്ട്​.

1000 പേരിലെ ശരാശരി പരിശോധനയിൽ ലോകത്ത​ുതന്നെ മുൻനിരയിലെത്താൻ ഇതുവഴി ബഹ്​റൈന്​ കഴിഞ്ഞു. ബ്രിട്ടൻ പ്രസിദ്ധീകരിച്ച സുരക്ഷിത രാജ്യങ്ങളുടെ പട്ടികയിൽ ബഹ്​റൈനും ഉൾപ്പെട്ടത്​ രാജ്യം സ്വീകരിക്കുന്ന ക്രിയാത്മകമായ നടപടികളുടെ തെളിവാണെന്നും അദ്ദേഹം പറഞ്ഞു.

കോവിഡ്​ പ്രതിരോധത്തി​െൻറ ഭാഗമായി വിവിധ കമ്പനികളിൽനിന്ന്​ 10 ലക്ഷത്തിലധികം വാക്​സിനാണ്​ ബഹ്​റൈൻ ആവശ്യപ്പെട്ടിരിക്കുന്നത്​.

സ്വദേശികൾക്കും പ്രവാസികൾക്കും വാക്​സിൻ നൽകാനുള്ള നടപടികൾ ബന്ധപ്പെട്ട അതോറിറ്റികൾ സ്വീകരിക്കുന്നുണ്ട്​. വാക്​സിൻ നൽകുന്ന ആദ്യ രാജ്യങ്ങളിലൊന്ന്​ ബഹ്​റൈനായിരിക്കുമെന്നും അദ്ദേഹം പറഞ്ഞു.