ഗ്ലോബൽ ചാലിയം എക്​സ്​പാട്രിയേറ്റ്​സ്​ രൂപവത്​കരിച്ചു

മനാമ: ചാലിയത്തുകാരായ പ്രവാസികളുടെ ക്ഷേമവും ഉന്നമനവും ലക്ഷ്യമാക്കിക്കൊണ്ട്​ പ്രവർത്തിക്കുന്നതിന് ഗ്ലോബൽ ചാലിയം എക്​സ്​പാട്രിയേറ്റ്​സ്​ സംഘടന രൂപവത്​കരിച്ചു. ഒാൺലൈനിൽ നടന്ന ആദ്യ ജനറൽബോഡി യോഗം ഇ.ടി. മുഹമ്മദ് ബഷീർ എം.പി ഉദ്ഘാടനം ചെയ്​തു. സമീൽ അബ്​ദുൽ വാഹിദ് സ്വാഗതം പറഞ്ഞു. റിയാസ് മേലെ വീട്ടിൽ അധ്യക്ഷത വഹിച്ചു. കടലുണ്ടി പഞ്ചായത്ത് പ്രസിഡൻറ്​ കെ. അജയകുമാർ, സംസ്ഥാന ബാലാവകാശ കമീഷൻ ആക്​ടിങ് ചെയർമാൻ അഡ്വ. നസീർ ചാലിയം, എ. അബ്​ദുറഹ്​മാൻ മാസ്​റ്റർ, ഇ.വി അബ്​ദുൽ വാഹിദ് മാസ്​റ്റർ, പി. അബ്​ദുന്നസീർ മാസ്​റ്റർ, കെ.സി. സുബൈർ, കെ.പി. കുഞ്ഞിമൊയ്‌തീൻ കുട്ടി, പി.ബി.ഐ. മുഹമ്മദ് റാഫി, ഷൺമ​ുഖൻ ബഹ്‌റൈൻ, അഷ്റഫ് നെല്ലിക്കാവിൽ, ജാബിർ നാറാൻചിറക്കൽ, റിയാസ്‌ മുഹമ്മദ് എന്നിവർ സംസാരിച്ചു. എം.സി. അക്ബർ ഭാരവാഹികളെ പരിചയപ്പെടുത്തി. പി. ഹാരിഫ് നന്ദിയും പറഞ്ഞു.

ഭാരവാഹികളായി റിയാസ് മേലേവീട്ടിൽ (ചെയർ), സമീൽ അബ്​ദുൽ വാഹിദ് (ജന. കൺ), ജാബിർ നാറാൻചിറക്കൽ (ട്രഷ) എന്നിവരെ തിരഞ്ഞെടുത്തു.