അൽനൂർ ഇൻറർനാഷനൽ സ്​കൂളിന്​ മികച്ച വിജയം

മനാമ: കേംബ്രിഡ്​ജ്​ അഡ്വാൻസ്​ഡ്​ ലെവൽ പരീക്ഷയിൽ അൽനൂർ ഇൻറർനാഷനൽ സ്​കൂളിന്​ മികച്ച വിജയം. 57 ശതമാനം വിദ്യാർഥികളും എ സ്​റ്റാർ, എ, ബി ഗ്രേഡുകൾ നേടി. പരീക്ഷയെഴുതിയ 100 ശതമാനം വിദ്യാർഥികളും വിജയം കൈവരിച്ചതും നേട്ടമായി. എട്ട്​ വിദ്യാർഥികൾക്ക്​ മൂന്ന്​ എ സ്​റ്റാർ ഗ്രേഡ്​ ലഭിച്ചു. 44 പേർക്ക്​ എ സ്​റ്റാർ, 83 പേർക്ക്​ എ, 86 പേർക്ക്​ ബി ഗ്രേഡുകൾ ലഭിച്ചു.

വരാഹിനി കമലരാജൻ മൂന്ന്​ എ സ്​റ്റാർ ഗ്രേഡുകളും രണ്ട്​ എ ഗ്രേഡുകളും സ്വന്തമാക്കി സ്​കൂളി​െൻറ അഭിമാനമായി. നമാഷ മിൻരാധ, നഹീൻ കബീർ, തുമാലി ഷഖ്യ എംബുൽദേനിയ, അഷ്​റഫ്​ ഇസാം അബ്​ദുൽ യൂസഫ്​, ഫെലൂബാറ്റിയെർ ലീഷ ഷഫീക്​, മുഹമ്മദ്​ ഇസാം അബ്​ദുൽ യൂസഫ്​, യൂസഫ്​ അബ്​ദുൽ കരീം എന്നിവരാണ്​ എ സ്​റ്റാർ ഗ്രേഡ്​ നേടിയ മറ്റുള്ളവർ. അഡ്വാൻസ്​ഡ്​ സബ്​സിഡിയറി ലെവൽ പരീക്ഷയിലും സ്​കൂളിലെ വിദ്യാർഥികൾ ശ്രദ്ധേയ നേട്ടം കൈവരിച്ചു. 18 വിദ്യാർഥികൾ മൂന്ന്​ എ ഗ്രേഡുകൾ നേടി. മികച്ച വിജയം കൈവരിച്ച വിദ്യാർഥികളെ ചെയർമാൻ അലി ഹസൻ അഭിനന്ദിച്ചു.