ഗൾഫ്​ എയർ വിമാന സർവീസുകൾ റദ്ദാക്കി 

മനാമ: ബഹ്​റൈ​ൻ ദേശീയ വിമാന കമ്പനിയായ ‘ഗൾഫ്​ എയർ’ ​ദോഹയിലേക്കുള്ള എല്ലാ വിമാന സർവീസുകളും നിർത്തിവെക്കുന്നതായി വ്യക്തമാക്കി. തീരുമാനം ഇന്നലെ അർധരാത്രി മുതൽ നടപ്പിൽ വന്നു. ഇനിയൊരു അറിയിപ്പുണ്ടാകും വരെ സർവീസ്​ ഉണ്ടാകില്ല. ഇൗ തീരുമാനം പ്രഖ്യാപിച്ച ശേഷമുള്ള അവസാന ‘ഗൾഫ്​ എയർ’ വിമാനം ഇന്നലെ രാത്രി 8.55ന്​ ​ബഹ്​റൈനിൽ നിന്ന്​ ദോഹയിലേക്ക്​ പുറപ്പെട്ടു. ദോഹയിൽ നിന്ന്​ ബഹ്​റൈനിലേക്കുള്ള അവസാന വിമാനം രാത്രി 10.40നും മടങ്ങി. യാത്രക്കാർക്കുണ്ടായ ബുദ്ധിമുട്ടിൽ ഖേദിക്കുന്നതായി കമ്പനി മാനേജ്​മ​​െൻറ്​ ​​വാർത്താക്കുറിപ്പിൽ പറഞ്ഞു. ഉപഭോക്​താക്കൾക്ക്​ സേവനം നൽകാനായി 24 മണിക്കൂറും പ്രവർത്തിക്കുന്ന സ​​െൻറർ തുടങ്ങിയിട്ടുണ്ട്. യാത്ര റദ്ദാക്കുന്നവർക്ക്​ മുഴുവൻ തുകയും തിരിച്ചുനൽകും. അല്ലാത്തവർക്ക്​ തൊട്ടടുത്ത സ്​ഥലങ്ങളിലേക്ക്​ ടിക്കറ്റ്​ നൽകും. വിവരങ്ങൾക്ക്​ 00973 17373737 എന്ന നമ്പറിൽ വിളിക്കുകയോ gulfair.com എന്ന വെബ്​സൈറ്റ്​ സന്ദർശിക്കുകയോ ചെയ്യാം.