ബഹ്​റൈനിൽ ഹെൽത്​ സെൻററുകൾ മരുന്ന്​ വീട്ടിലെത്തിക്കും

മനാമ: ദീർഘകാലമായി അസുഖങ്ങളുള്ളവർക്ക്​ മരുന്നുകൾ വീട്ടിലെത്തിക്കുന്നതിനുള്ള പദ്ധതി ഹെൽത്​ സ​െൻററുകൾ ആരംഭിച ്ചു. രോഗികളുടെ സൗകര്യവും ആരോഗ്യ സംരക്ഷണവും പരിഗണിച്ചാണ്​ ഇത്​.

കോവിഡ്​ വ്യാപനം തടയുന്നതിനുള്ള മുൻകരുത ൽ നടപടികളുടെ ഭാഗമായാണ്​ പഴക്കംചെന്ന അസുഖങ്ങൾക്കുള്ള മരുന്ന്​ വീടുകളിൽ എത്തിക്കുന്നത്​.

ഇൗ സേവനം പ്രയോജ നപ്പെടുത്താൻ ആഗ്രഹിക്കുന്നവർ ആരോഗ്യ മന്ത്രാലയത്തി​​െൻറ വെബ്​സൈറ്റിൽ കൊടുത്ത ലിങ്കിൽ പ്രവേശിച്ച്​ ആവശ്യമായ വിവരങ്ങൾ നൽകണമെന്ന്​ പ്രാഥമികാരോഗ്യ വിഭാഗം അസി. അണ്ടർ സെക്രട്ടറി ഡോ. മനാൽ അൽ അലാവി പറഞ്ഞു.

രണ്ട്​ പ്രവൃത്തി ദിവസത്തിനകം മരുന്ന്​ വീട്ടിൽ എത്തിക്കും. അപേക്ഷ ഒാൺലൈനിൽ എത്തിക്കഴിഞ്ഞാൽ ഹെൽത്​ സ​െൻററുകളിലെ ഫാർമസി ജീവനക്കാർ ​െഎ- സേഹ സംവിധാനത്തിൽ ലഭ്യമായ രോഗിയുടെ ഇലക്​ട്രോണിക്​ ഫയൽ പരിശോധിച്ച്​ ഡോക്​ടറുടെ കുറിപ്പടി അനുസരിച്ച്​ ആവശ്യമായ മരുന്നുകൾ നൽകിയിട്ടുള്ള വിലാസത്തിൽ അയക്കും. മരുന്ന്​ സ്വീകരിക്കുന്നയാൾ രോഗിയുടെ തിരിച്ചറിയൽ ​രേഖ കാണിക്കണം.

www.moh.gov.bh/eServices/Hcpharmacy എന്ന ലിങ്ക്​ വഴിയാണ്​ രോഗികൾക്ക്​ ഇൗ സേവനം ലഭ്യമാവുക. മരുന്നുകളെക്കുറിച്ച്​ അന്വേഷിക്കുന്നതിന്​ 39612402 എന്ന നമ്പറിലും മെഡിക്കൽ പരിശോധനക്കും മരുന്നുകളുടെ കുറിപ്പിനും 80007000 എന്ന നമ്പറിലും വിളിക്കാവുന്നതാണ്​.

മരുന്ന്​ വീട്ടിൽ എത്തിക്കുന്ന പദ്ധതിയുടെ രജിസ്​ട്രേഷൻ ഏപ്രിൽ 30ന്​ ആരംഭിക്കും. മരുന്ന്​ വിതരരണം മെയ്​ അഞ്ചിന്​ തുടങ്ങും. നിലവിലുള്ള മരുന്ന്​ തീരുന്നതിന്​ അഞ്ച്​ ദിവസം മുമ്പ്​ ഒാൺലൈനിൽ ബുക്ക്​ ചെയ്യണം. നിയന്ത്രിത മരുന്നുകൾ ഇ-സർവിസിൽ ലഭിക്കില്ല.